Откровение 8:7 - Новый Завет на эскимосском языке

⁷ Сивулӣм яқулгым қалӷиҳта̄тни қалӷиҳта̄. Та̄хкын кафтыкшаклъю, кынықлъю акумлютык а̄ўмың нунамун милю̄тахкыт. Ынка̄м пиңаюҳқылъҳа нунам паныҳтуқ, пиңаюҳқылъҳитлъю уқфигыт паныҳтут, қамахлъютыңлъю сюңаӷьюлӷӣт выга̄ӷыт паныҳтут.

Откровение 8:7 Iomraidhean Croise

От Иакова 1:11

Сиқинық пӣнъыӷмини ма̄тныҳқўа̄ҳлъягақылӷӣ, пӣтысиӷа̄т палиҳтыслъюки. Та̄хкын пӣтысиӷа̄т ифкақӯтақут, пиниӷнӣӷутақӣ. Таўатыҳпигақ аклъюңилңуқ ю̄к сякыстаӷңа̄ӷми авӣӷулъықуқ.

1е Петра 1:24

Акузитни Игақыхкани игақңа̄қ: «Қамахлъютың югыт выга̄ӷыстун аюқут, пиниӷналъҳилъю пӣтысиӷаӷыстун аюқут. Выга̄ӷыт палиӷақут, пӣтысиӷа̄тлъю ифкаӷақут,

Откровение 12:4

Папыгминың сяқипхутӣ нунамун пиңаюҳқылъҳи қилягам иӷалықыта̄ӷи. Та̄хкын дракон ныкывыхкақ мануңакун аӷнам ныӷналюку таӷнуҳа̄ иӷнӣӷыснақагу.

Откровение 16:2

Ынка̄м сивулӣм яқулгым сягныни кӯвьяҳтуӷа̄ нунамун. Та̄хкын сыӷлыпыста̄ҳлъягыт ақниӷнапихлъыҳӣт пупигыт пӣтқӯтут налъюнӣлъыңыхканун тыӷикусялъю̄гмың. Тама̄куңӯт манигӯткат наңаӷныӷанун.

Откровение 16:21

Кафтыкшагрухлъягыт ю̄к талъимат уқихтуткавзилӷӣт қилягамың ифкақӯтут югнун. Ынка̄м тама̄кут югыт сяңӯҳтыҳлъяга̄т Кияӷнық апалъюқлъюки кафтыкшагрухлъягыт. Та̄на сыӷлылӣлъыҳлъяк сыӷлыпигулӷӣ.

Откровение 6:8

Ысҳаӷақа аҳся̄лъя̄к кӯни. Иглыӷутистыңан а̄тқыфта̄ Туқулъық, Адым малихта̄. Пилъыҳқалитка̄фтук туқуқӣсқылъюки ыстамаҳқылъҳан нунам юги сявихпахкун, паныӷа̄тылъыҳқун, ақниӷныҳқун, угўиҳсялӷӣтхунлъю тыӷикусӣтхун нунам.

Откровение 7:1

Тама̄кут киңуңитның ысҳаӷанка стамат яқулгыт ныкывӷалъҳӣт ыстамани каңиӷӣтни нунам. Яқулгыт нуқнықыфтӣт стамат ануқыт ануқлъинӷитысқылъюку нунами налиӷмың кылъӣни налиӷмың алңунак уқфигни.

Откровение 9:15

Ынка̄м стамат яқулгыт итымуткӣ. Ята̄ҳқыхка̄фтут та̄мун афлъюмун, аӷныӷмун, танқимун, аюмиқулъыӷмунлъю туқуқӣсқылъюки пиңаюҳқылъҳи югыт.

Откровение 9:18

Та̄кутхун пиңаютхун на̄фқӣлъыҳлъяхтыхун туқуқуӷӣт пиңаюҳқылъҳи югыт. Кӯнит қа̄нӷитның а̄нлыӷа̄тут кынық, агыпысюқ, уқумьяк.

Откровение 9:4

Уңипа̄тка̄лӷӣт саранчат на̄фқыфқӣта выга̄ӷыт писқылъюки налиӷмың сюңаӷьюгыт нунивахсыӷат налиӷмың алңунак уқфигыт. Ақниҳтысқыхкӣлъю тама̄куңина̄т югыт Кияӷныӷым налъюнӣлъҳилъкаңи қаўӣтхун.