Откровение 8:12 - Новый Завет на эскимосском языке

¹² Стамӣтаңита яқулгым қалӷиҳта̄тни қалӷиҳта̄. Та̄хкын ся̄м тынпӣ сиқинық, танқиқ, иӷалықата̄ӷытлъю, ынка̄м пиңаюҳқылъҳи мамлыхтӣ. Пиңаюҳқылъҳа аӷныӷым мамлыхта̄, пиңаюҳқылъҳалъю унугым.

Откровение 8:12 Iomraidhean Croise

От Матфея 24:29

«“Киңуңӣҳӣтның тама̄кут сыӷлылӣлъыҳлъягыт Кияӷныӷым сиқинық мамлыхтыслъықа̄, танқиқ ниӷугунъаниҳтыслъықа̄, иӷалықыта̄ӷыт ифкақӯтыслъықӣ қилягамың, аҳтуӷьяҳқа̄нӷилъҳыт қилягамылңӯт иглыӷалъҳит алъяңуҳқӯтыслъықӣ”.

От Матфея 27:45

Та̄хкын қамахлъюни нуна мамлыҳқўа̄кақ аӷныӷым қука̄ның кынляңа пиңаюмункылъя̄гмун.

От Марка 13:24

«“Киңуңаның та̄м сыӷлылӣлъыҳлъягым сиқинық мамлыхлъықуқ, танқиқ ниӷугунъаниҳлъықуқ,

От Марка 15:33

Та̄хкын қамахлъюни нуна мамлыҳқўа̄кақ аӷныӷым қука̄ның кынляңа пиңаюнункылъя̄гмун.

От Луки 21:25

«Та̄кўаниңани сяңўа̄т алиңрӯӷналӷӣт пилъықут сиқиныҳқун, танқикун, иӷалықыта̄ҳтыхун. Нунами, нунатаҳа̄ни тамаҳа̄ни югыт алиңрӯҳлъяхлъықутлъю, кукшагьюхлъықутлъю сяңами кылъӣ қалъяҳтылъыҳлъяганыңлъю қагиңуҳтылъыҳлъяганыңлъю.

Деяния 2:20

сиқӣнық мамлыхсяҳқақ, танқиқ кавиҳсяҳқақ а̄ўыстун. Тама̄кут киңуңитның мыгнунапихлъыҳӣ Атанӷым нанқихтивихка̄ аӷнық пияҳқа̄гуқ.

2е Коринфянам 4:4

Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

Откровение 12:4

Папыгминың сяқипхутӣ нунамун пиңаюҳқылъҳи қилягам иӷалықыта̄ӷи. Та̄хкын дракон ныкывыхкақ мануңакун аӷнам ныӷналюку таӷнуҳа̄ иӷнӣӷыснақагу.

Откровение 16:10

Талъимӣтаңита яқулгым сягныни кӯва̄ тыӷикусялъю̄гым умӣлгусӣн ақумутахкынкун, ынка̄м атаныҳпагулъҳа мамлыҳқўа̄га̄. Югыт икфиқым улютың амқыҳқуӷӣт.

Откровение 6:12

Ысҳапагақа Пынъӣӷаҳа̄м қылъпыҳсяқминигу аӷвинлӣтаңа печатылъҳым нуна уфсюгутыҳлъяхтуқ. Сиқинық тагныҳта̄ сювиналӷӣтун қӣпаӷаҳтун улимакатун козёлым мылъқўаның. Танқиқлълъю ыслъықңалӷӣ а̄ўыстун лъӣҳтуқ.

Откровение 9:15

Ынка̄м стамат яқулгыт итымуткӣ. Ята̄ҳқыхка̄фтут та̄мун афлъюмун, аӷныӷмун, танқимун, аюмиқулъыӷмунлъю туқуқӣсқылъюки пиңаюҳқылъҳи югыт.

Откровение 9:18

Та̄кутхун пиңаютхун на̄фқӣлъыҳлъяхтыхун туқуқуӷӣт пиңаюҳқылъҳи югыт. Кӯнит қа̄нӷитның а̄нлыӷа̄тут кынық, агыпысюқ, уқумьяк.