Откровение 7:9 - Новый Завет на эскимосском языке

⁹ Та̄м киңуңаның ысҳаӷанка угляпыста̄ҳлъягыт юлӷутыҳлъягыт китум алңунак кыстыпагниңилъкаңи! Тамаҳӣтның пиңуфтут нуната̄ның, рамкының, югның, улюныңлъю. Ныкывӷатңуфтут умӣлгусим ақумутам, Пынъӣӷаҳа̄млъю сивухкынкун. Қӣпаӷа̄лъютың қатылӷӣның, тугумӣӷлютыңлъю пальмам уқфиган авайӣтның.

Откровение 7:9 Iomraidhean Croise

От Луки 12:1

Таўатын пималюки тысячанылӷутыт югыт қырңуӷуткат, рыпалъ илятың тӯтқаҳтақлъюки пикӣт. Иисусым сивуклъюки малихся̄ҳтыни пикӣ: «Кылыңалюси Фарисеит закваскаңитның. Пинӣюхтылъҳат пӣқақа.

От Луки 21:36

Ынка̄м кылыңатык қӯнпың! Юӷаҳтык анагьяқлъыгысқылъюки тама̄кут қамахлъюки пиката, ныкывьяқлъыгысқылъюси сивуңакун Иӷныӷан Югым».

От Иоанна 12:13

Ынка̄м кыпӯлъютың пальмат уқфигыт авайӣтның па̄сқа̄т Иисус акилӷӯмаӷмың: «Усюқнаҳалык Кияӷнық! Кияӷныӷым қуяслъигу Умӣлга Израилым тагилӷӣ А̄тҳакун Атанӷым!»

К Римлянам 11:25

Ухпықа̄лгутымни, лӣгикысюгамси сямың қайвиҳсимаңилңуӷмың сивунӷани. Апыӷью̄гусиқа лъпысинун унаңӯқ: пыҳқинӷуюгныӷуфқа̄фси писқылъюси сюмыҳтаӷаткаҳтыкилъю. Иляңита Израилыӷмӣт ухпықсюгумаңита̄т Кияӷнық. Таўатылъықут кынляңа Кияӷныӷым накмикыхкӣ язычнигыт қамахлъютың тагиляӷа̄тылъҳитнун лъңанун.

К Ефесянам 6:13

Тама̄кын апалъюқлъюку а̄тыкык ӣңуна̄хкынка акулӷа̄ҳқык Кияӷныӷым ята̄ҳқыхкакык лъпысинун! Ынка̄м сыӷлылӣӷым аӷныӷани пилъюўаӷьяқлъыгулъықаси аңуягым сюӷугалъҳи. Та̄хкын пилъюўаныӷмың апыӷӣқуфси, лъпыси паниның ныкывӷаңулъықуси.

К Евреям 11:12

Тама̄кын апалъюқлъюку Авраам туқуяҳтуңыстақа̄ӷңа̄ӷми, паниның киңуныҳтуҳқа̄ҳлъяка̄гуқ. Лъңита угляҳталңит иӷалықыта̄ӷыстун қилягамылңуӷыстун аюқут, кыстыка̄нӷилңуӷыстунлъю қына̄взыӷа̄тун ыснам.

К Евреям 12:22

Иўырңа катам лъпыси тагика̄гуси Сионым найӷаҳанун, қилягым Иерусалимыңанун, ныҳлъяганун уңувалӷӣм Кияӷныӷым. Тагика̄гуси кыстыка̄нӷилңуӷнун яқулыгнун қырңуӷутканун қуялъылиҳлъяглюси.

Откровение 11:15

Та̄хкын ма̄ӷраӷвинлӣтаңита яқулгым қалӷиҳта̄тни қалӷиҳта̄. Игляхтупихлъютың мыт қилягми пӣт: «Атаныҳпагулъҳа нунам атаныҳпагулъқа̄ҳта̄к Атанымталъю, Христосыңанлъю, ынка̄м Лъңа иглыӷутилъықуқ қӯнпырухлъяк кынлыңуна̄н!»

Откровение 22:3

Сяңўа̄ алңунак Кияӷныӷым нанқихтыка̄ аӷью̄ӷьяҳқа̄люку, ныҳлъягмынъа̄нӷитуқ. Кияӷныӷымлъю, Пынъӣӷаҳа̄млъю умӣлгусик ақумутахкыт ныҳлъягмысяҳқа̄гук, Кияӷныӷымлъю қыпҳаҳтыңита манигуҳлъықа̄т.

Откровение 3:18

Тама̄кын апалъюқлъюку уңипа̄тамси аклъюңиӷисқылъюси тукфиҳтыху золото қигыҳтыңъўа̄қақ кыныҳқун, тыңьяҳтуҳтык хўаңамнун. Тукфиӷитыклъю хўаңамның қатылӷӣның а̄тканың ся̄пысқылъюки кайңуналӷӣт амсикаӷмытылъыси. Тукфиӷитыклъю хўаңамның аӷакаҳқамың ийыхпысинун ысҳа̄сягутысқылъюси.

Откровение 4:4

Увитаңани умӣлгусим ақумутаҳлъягым та̄ўа югинақ стамат сӣпнықлъюки умӣлгусит ақумуталӷутыт. Та̄кутхун ақумгатңафтут югинақ стамат сӣпнықлъюки утфат қатылӷӣмың аткуя̄ӷулъютың, золотамыңлъю қаҳпалютың.

Откровение 5:11

Ысҳапагумалюңа нагақуӷанка мыңит яқулылӷутыҳлъягыт. Угля̄пихлъыӷӣт кыстыпагниңилңӯт. Ныкывӷатңуфтут увитаңани умӣлгусим ақумутам, стаматлъю уңувалӷӣт, утфатлъю.

Откровение 5:9

Илягаҳтут нутаӷамың иляга̄тмың хўатын: «Итагнаҳтутын тугуяҳқа̄люки ӣмгат игат, икуӷьяҳқа̄люкилъю печатыңит. Туқутка̄лӷӣтын, а̄ўапыныңлъю тукфиқақатын югыт Кияӷныӷмун. Лъңит тамаҳӣтның пиңӯт рамкының, улюның, югның, нуната̄ныңлъю.

Откровение 6:11

Та̄хкын ата̄сикаҳтӣта уңувасӣт туқутка̄т қатылӷӣмың аткуя̄литкӣт, мыӷна̄лӣстысқыхкӣтлъю. Таўатын пияҳқа̄гут қаюҳлъяк иляңи ухпықа̄лгутңит, Христосымлъю қыпҳаҳтыңи туқусяҳқа̄гут лъңита туқутылъҳистун. Ынка̄м мыӷна̄линақут кынляңа угляҳталңит на̄мастыката тама̄кут туқусяҳқат.

Откровение 7:8

Завулоным рамкыни, 12,000ңуфтут, Иосифым рамкыни, 12,000ңуфтут, Вениаминым рамкыни, 12,000ңуфтут.