Откровение 7:2 - Новый Завет на эскимосском языке

² Та̄хкын ысҳаӷақа иляңа яқулык маюлӷӣ асиваӷмың тугумӣлык налъюнӣӷутаңаның уңувалӷӣм Кияӷныӷым. Яқулгым акилӷӯгӣ стамат яқулгыт Кияӷныӷым тӯныхкӣ аҳтуӷьяҳқа̄нӷилъыӷмың на̄фқысқылъюку нуна, кылъӣлъю.

Откровение 7:2 Iomraidhean Croise

От Матфея 16:16

Симон Петырым кӣмсиқа̄: «Христосыңӯтын, Иӷныӷа уңувалӷӣм Кияӷныӷым».

От Матфея 26:63

Иўырңа Иисус қа̄лъка̄маңилңуқ. Ынка̄м Первосвященнигым а̄плъя̄тақа̄: «А̄тҳакун Уңувалӷӣм Кияӷныӷым қылӷамкын уңипа̄тикут Христосыңузӣн? Иӷнықа̄тын Кияӷныӷым?»

От Иоанна 6:27

Қыпҳа̄тыхпына̄н нықа мулюңигалңуқ. Йыӷлыги қыпҳа̄тақитыху нықа на̄вьяҳқа̄нӷилңуқ, кынлыңуна̄н уңувалъыңыстикаюк. Таўатылңуқ нықа Иӷныӷан Югым тӯньяҳқақа лъпысинун, қаюҳлъяк Кияӷныӷым Атам итагнақыхкақа̄ лъңа».

2е Коринфянам 1:22

налъюнӣӷӣлъю лъңанун пиңулюта, тӯна̄клъю Таӷныӷагни илюмнъун налъяңӣся̄люкык тамаҳа̄нун акықусяқыхкаминун хўаңкунъун.

К Ефесянам 1:13

Христосыкун лъпысилъю нагақуқақаҳси ипапик уңипақ. Пинилӷӣңӯқ Уңипақ уңипа̄тилӷӣ югулилъыҳпысиның. Ухпықақңафсигу Христос, Кияӷныӷым налъюнӣқақӣси Аглыӷналӷӣгның Таӷныӷагның, акықусяқыхкаминың тӯнылъықнилюкык.

К Ефесянам 4:30

Қивӷустыхпынакыклъю Аглыӷналӷӣк Таӷныӷакык Кияӷныӷым. Таӷныӷагминың налъюнӣқақӣси лъми пикналюси. Таўатын пика̄гуқ лъпысинун лӣсимакысқылъюку итымулъықӣси сыӷлыҳқылъыҳпысиның Итымутылъҳым Аӷныӷа ка̄скан.

1е Фессалоникийцам 1:9

Тамаңани а̄пҳақа̄т упуӷатилъыҳлъяхси хўаңкунъың лъпысинитңулюта. Қӣвуманилюсилъю уңувалӷӣмун Кияӷныпигмун қыпҳа̄нъалюку, пыхлъюки кияӷныңлъяқат.

2е Тимофею 2:19

Иўырңа аюгилңуқ тунымақ Кияӷныӷым ныкыхтыка̄ қапшахтыпагниңитуқ. Та̄хун тунымакун игақңа̄т акузитыт: «Атанӷым лӣсимакӣ лъми пини». Хўатынлъю игақңа̄қ: «Кина алңунак туқлъюӷилӷӣ а̄тҳаның Атаныӷым, сыӷлытун пиныӷмың та̄қлъи».

К Евреям 12:22

Иўырңа катам лъпыси тагика̄гуси Сионым найӷаҳанун, қилягым Иерусалимыңанун, ныҳлъяганун уңувалӷӣм Кияӷныӷым. Тагика̄гуси кыстыка̄нӷилңуӷнун яқулыгнун қырңуӷутканун қуялъылиҳлъяглюси.

Откровение 1:3

Қуястыка̄гуқ атиҳтулӷӣ игляхтулюни акузитаңитның ӯкналиқылъҳым. Қуястыка̄гутлъю нагалъютың қа̄ткулъҳӣт қаюҳлъяк қантаӷақун тама̄кут пилъықут.

Откровение 10:1

Та̄хкын ысҳаӷақа иляңа аҳтӣгатыҳлъяк яқулык укилӷӣ қилягмың. Пилюгугңафтуқ қилягўа̄ӷмың, на̄сқўан қуляңани аглюк, хина̄ сиқиныҳтун кӯкхулъюни, иӷукыклъю кумаӷулӷӣстун столпыстун аюқлъютык.

Откровение 10:4

Ма̄ӷраӷвинлыгьягыт калъюгыт тыңъа̄хтаӷьята игақнақсяӷанка сямың пилъҳит. Иўырңа нагақуӷақа ма қилягмың пилӷӣ: «Аксяқики ма̄ӷраӷвинлыгьягыт калъюгыт сямың пилъҳит, игақыхпынаки!»

Откровение 16:12

Аӷвинлӣтаңита яқулгым сягныни кӯва̄ кӣўлъягыгнун Евфратыгнун. Кӣўык патыҳтук ята̄ҳқунъалюки тӯмкаҳқамың умӣлгыт тагилӷӣт асиваӷмың.

Откровение 5:2

Та̄хкын ысҳаӷақа аҳтуӷьяҳқа̄нӷилңуқ яқулык. Игляхтулюни а̄птилӷӣ: «Кина итагнаӷьяҳқа̄ўа икуӷьяҳқа̄люки ма̄ӷраӷвинлык печатылъҳыт қылъпыҳсяҳқа̄люки ӣмгат игат?»

Откровение 8:3

Та̄хкын иляңа яқулык, тугумӣлык золотамың сягныӷмың, тагилюни ныкывуқ аҳқыфигыгни. Тӯныхка̄т фимиамылӷутмың илятысқылъюки қамахлъюки юӷӣтнун Кияӷныӷым юган. Яқулгым лъӣ золотагнун аҳқыфигыгнун сивуңанилңӯк умӣлгусим ақумутам.

Откровение 9:14

Та̄м мым алыҳқуӷа̄ аӷвинлӣтаңат яқулгыт қалӷиҳта̄тылык. Пика̄: «Итымутики стамат яқулгыт асиҳқыңъалӷӣт кӣгўлъягыгни Евфратыгни!»

Откровение 9:4

Уңипа̄тка̄лӷӣт саранчат на̄фқыфқӣта выга̄ӷыт писқылъюки налиӷмың сюңаӷьюгыт нунивахсыӷат налиӷмың алңунак уқфигыт. Ақниҳтысқыхкӣлъю тама̄куңина̄т югыт Кияӷныӷым налъюнӣлъҳилъкаңи қаўӣтхун.