Откровение 6:4 - Новый Завет на эскимосском языке

⁴ Иляңа кӯним а̄нуқ, кавилңӯфтуқ. Иглыӷутистыңа пилъыҳқалита̄т югыт ныкыхмытунъанӣтысқылъюки туқуқӯтысқылъюки. Тӯныхка̄тлъю сявихпагрухлъягмың.

Откровение 6:4 Iomraidhean Croise

От Матфея 10:34

Иисусым паниның алыҳқуқӣ: «Сюмыҳтаӷаҳпынаси ныкыхмылъыңыстияҳтӯнилюңа нунам юганун. Йыӷлыгилъю! Ныкыхмылъыңыстияҳтӯнӷитуңа, та̄ўаңинақ пилъюгутыстияҳтӯгуңа.

От Матфея 24:6

Нагақӯлъықуси пилъюўаның, акусқаҳта̄ткылъҳитныңлъю пилъюўат; алиңыхпынаси қаюҳлъяк тама̄на пияҳқа̄гуқ. Иўырңа сялин иқухнақңунӷитуқ.

От Иоанна 19:11

Иисусым кӣмсиқа̄: «Қылыӷна̄нӷитатын пилъюўаҳтыт қақӯрӣсқылъюңа ўыткуқун Кияӷныӷым пиюкылъқыхкагу. Ынка̄м ю̄к тагитистыка сыӷлыҳқылъыҳта̄ӷатуқ лъпынун».

Откровение 12:3

Та̄хкын қилягами сяңўа̄ иляңа сяӷӣӷанапихлъыҳӣ алӣҳтуқ лӣгикусиҳқаҳпут апыӷӣӷнақылӷӣмун: Та̄ўа кавилңуқ драконыҳлъяк, ма̄ӷраӷвинлык на̄сқулык, қуля сиӷунылык, ынка̄м қамахлъютың на̄сқўа қаҳпалгутутыфтут.

Откровение 13:10

«Кина алңунак тугуяҳқа̄куми, тугулъықа̄т. Кина алңунак туқусяҳқа̄куми сявихпахкун, туқулъықа̄т сявихпахкун. Та̄кук хўатын писӣгуқ: Кияӷныӷым юги нуқынъыҳтуяҳқа̄гутлъю, ухпықилъылгуяҳқа̄гутлъю».

Откровение 17:3

Та̄хкын яқулгым Таӷныӷагныкун агля̄та̄ңа килга̄нун. Таўани ысҳаӷақа аӷнақ ақумгалӷӣ кавишакыхтакун тыӷикусялъю̄хкун. Тыӷикусялъю̄к игақуӷвикңафтуқ узимун сяңӯҳтусиның атыӷның Кияӷныӷмун. Ма̄ӷраӷвинлык на̄сқулгуфтуқ, қӯлңуфтутлъю сиӷунӷи.

Откровение 17:6

Ысҳаӷақа аӷнақ сю̄мылӷӣ а̄ўитның Кияӷныӷым югита, а̄ўитныңлъю туқуқуқат қаюҳлъяк ата̄сӣӷмылңӯт Иисусымун. Ысҳаӷлюку аӷнақ сяӷӣӷаюхлъяхтуңа.