Откровение 6:1 - Новый Завет на эскимосском языке

¹ Та̄хкын ысҳапагақа Пынъӣӷаҳа̄м қылъпыҳтыкаңа сивулиқ печатылъық та̄куның ма̄ӷраӷвинлыгның печатылъыӷның. Таўантыфтут стамат Уңувалӷӣт, нагақуӷақа ата̄сиқ пилӷӣ: «Таги!» Мыңа калъюгыстун тыңъа̄лӷӣ.

Откровение 6:1 Iomraidhean Croise

От Иоанна 1:29

Уна̄миңани Иоанным ысҳаӷлюку Иисус тагилӷӣ лъминун югыт пикӣ: «Ӣи, та̄ната Пынъӣӷаӷа̄ Кияӷныӷым иқитияҳқақ сыӷлыҳқылъҳаның нунам юган.

Деяния 4:20

Хўаңкутуң акузиткынъыӷмың та̄қна̄нӷитаҳпуң ысҳақаҳпутлъю нагақуқаҳпутлъю».

Откровение 11:19

Та̄хкын Кияӷныӷым Храмыңа қилягмылңуқ қылъпатыфтуқ. Таўани Храмыңани ысҳаӷахка Ковчегык Кияӷныӷым Заветылӷутакык. Та̄хкын ниӷўа̄хпахтаҳтук, ыфтуҳтаҳтук, тыңъа̄хтаҳтуклъю калъюгык; нуна уфсюгутыҳлъяхтуқ, кафтыкшагуҳтыҳлъяга̄лъю!

Откровение 13:8

Қамахлъюни нунами кияҳлъыҳӣм манигуҳлъықа̄т тыӷикусялъю̄к. Иўырңа тама̄кут а̄тҳит игақңалӷӣт Игӣтхун Уңувалъҳым манигуӷна̄нӷита̄т. Кияӷныӷым игақыхкақӣ а̄тҳит нунаңлъялъҳилъюни. Та̄кут игат пикӣ Пынъӣӷаҳа̄м, югыт туқуткӣта.

Откровение 14:2

Нагақуӷақалъю ма қилягмың. Нагатка̄люни лъяңақа қалъяңатун мыҳлъягыт, тыңъа̄гатунлъю калъюгым. Нагаткақа ма лъяңақа гуслистыт айңанаңалъҳӣстун гуслитхун аюқылӷӣ.

Откровение 19:6

Та̄хкын нагақуӷанка лъяңақа мыңит юлӷутыҳлъягыт. Нагатка̄лютың сюксюгистун тывлюҳтыҳлъялӷӣт мыӷыт, калъюгымлъю тыңъа̄хталъҳатун аюқлъютың. Акилӷӯгут: «Аллилуия! Атанық Кияӷныҳпут, Аҳтуӷьяҳқаҳа̄нӷилңуқ иглыӷутӣқ!

Откровение 4:8

Ынка̄м стамат Уңувалӷӣт тамаҳаӷмың аӷвинлыгның яқулгутутыфтут, ынңа̄талъ югусӣт ийыҳлъягуфтут талўа қамавык яқҳўита асиңитнун. Аӷныҳтӯма̄н унухтӯма̄н та̄қигалңӯт иляганыӷмың: «Аглыӷналӷӣ, аглыӷналӷӣ, аглыӷналӷӣ, Атанӷӯқ Кияӷнық, Аҳтуӷьяҳқаҳа̄нӷитыҳлъяк, лъңаңӯқ ма̄тын, лъңаңӯқ сивунӷани, лъңаңӯқ тагияҳқақ!»

Откровение 5:1

Та̄хкын ысҳаӷанка ӣмгат игат аӷынқигныӷан ӣханилъюки ақумгалӷӣм умӣлгусим ақумутахкыни. Та̄кут ӣмгат игат игаӷвикыхка̄фтут иңлюхтун, умыглютың ма̄ӷраӷвинлык печатының.

Откровение 5:12

Игляхтулютың пӣқут: «Пынъӣӷаҳақ туқуткақ, итагнаҳтуқ алъхыҳсяҳқа̄люку аҳтуӷьяҳқа̄нӷилъық, аклъюңи, пыҳқинылъық, икнақылъық, қӯлвалъық, ниӷуҳқылъық, усюқылъықлъю!»

Откровение 5:8

Тугуяки ӣмгат игат, та̄кут стамат уңувалӷӣт, югинақлъю стамат сӣпнықлъюку пресвитерыт сыкықӯтут нунамун сивуңакун Пынъӣӷаҳа̄м. Тамаҳаӷмың тугумӣқлъютың гуслимың, золотамыңлъю сягныҳаӷның ыслъықңалӷӣт фимиамымың. Фимиамыт юӷақӣт Кияӷныӷым югита.

Откровение 6:3

Пынъӣӷаҳа̄м қылъпыҳсяқминигу тӯңлиҳа̄ печатылъҳым, нагақуӷақа тӯңлиҳа̄ Уңувалӷӣ пилӷӣ: «Таги!»

Откровение 6:5

Та̄хкын Пынъӣӷаҳа̄м қылъпыҳсяқминигу пиңайӣтаңа печатылъҳым, нагақуӷақа пиңайӣтаңат Уңувалӷӣ пилӷӣ: «Таги!» Ысҳаӷақа тагнылӷӣ кӯни. Иглыӷутистыңа а̄пқа̄силгуфтуқ ӣхмини.

Откровение 6:7

Та̄хкын Пынъӣӷаҳа̄м қылъпыҳсяқминигу ыстамӣтаңа печатылъҳым, нагақуӷақа стамӣтаңат Уңувалӷӣт пилӷӣ: «Таги!»

Откровение 8:1

Пынъӣӷаҳа̄м қылъпыҳтақңамигу ма̄ӷраӷвинлӣтаңа печатылъҳым, қилягми қалъыгнаниӷўа̄ӷутут ынтақун афлъюм авылъҳатун тахка̄н.