Откровение 5:9 - Новый Завет на эскимосском языке

⁹ Илягаҳтут нутаӷамың иляга̄тмың хўатын: «Итагнаҳтутын тугуяҳқа̄люки ӣмгат игат, икуӷьяҳқа̄люкилъю печатыңит. Туқутка̄лӷӣтын, а̄ўапыныңлъю тукфиқақатын югыт Кияӷныӷмун. Лъңит тамаҳӣтның пиңӯт рамкының, улюның, югның, нуната̄ныңлъю.

Откровение 5:9 Iomraidhean Croise

От Матфея 20:28

катам таўатын Иӷныӷан Югым пилъҳатун. Тагимаңитуқ қыпҳа̄тысқылъюни иўырңа тагика̄гуқ қыпҳа̄тиналюни, тӯналюкулъю уңувалъыни навыҳқылъисиқналюку угляпихлъыҳӣнун югнун».

От Матфея 26:28

Та̄на а̄кўақа, та̄хун Кияӷныӷым акықуся̄ апыӷӣӷьяҳқа̄гуқ. Туқукума а̄кўа кӯвылъықуқ угляпихлъыҳӣнун югнун сыӷывутусӣлюни сыӷлыҳқылъҳитнун.

Деяния 20:28

Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун.

1е Коринфянам 7:23

Кияӷныӷым тукфиҳпакақӣси, ынка̄м қыпҳаҳтыля̄ӷуҳтыхпынаси югнун.

К Ефесянам 1:7

Христосым а̄ўакун, Кияӷныӷым итымуткақӣлъю сыӷлыҳқылъымнъың. Сыӷывутӣ сыӷлыҳқылъыпут апалъюқлъюку наңлъыхталъыҳлъяни

К Ефесянам 5:19

алыҳқӯтақлъюси акузитаңитның псалмыт, иляга̄тыт, таӷныӷакунлъю иляга̄тның. Илягаӷақитык иляга̄тныңлъю, псалмыныңлъю Атаныӷмун, усюқилъылиӷлюси илюхпысигун.

К Колоссянам 1:14

Лъңан тукфиқақӣлъю, сыӷывуткақӣлъю сыӷлыҳқылъыпут.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Евреям 11:14

Тама̄кут таўатын акузилӷӣт, хўатыҳлъюўа̄қ а̄пҳўа̄т нунакаҳқаӷьюгнилютың лъмыхнун пикаҳқамың.

2е Петра 2:1

Сивунӷани агани ӯкналиқистысӣӷўа̄ӷыт акулңитнисяҳтут Кияӷныӷым югитни, катам апыҳтуӷистысиӷўа̄ӷыт акулыхпысинилъықут. Налъюныҳпысини апыҳтуҳлъықӣси иқлъыңамың на̄фқынъалюки ухпықилъыси. Қайўа Христосым Пилӣтыстыңита тукфиқақыӷңӣстың итымунъалюки сыӷлыҳқылъҳитның, паниның пикнаниҳлъықӣт. Ынка̄м нӯскаган лъңитның на̄фқыслъықут.

1е Иоанна 1:7

Иўырңа ниӷугми кияҳтыкумта лъңан ниӷугмытылъҳатун та̄ўа илятңа̄кут илямнъун, а̄ўанлъю Иисусым, Кияӷныӷым Иӷныӷан, укмаңӣўӣлъю тамаҳа̄ның сыӷлыҳқылъымнъың.

1е Иоанна 2:2

Лъңаңӯқ иқитусиқ сыӷлыҳқылъымнъун, хўаңкуңина̄мта сыӷлыҳқылъымнъун пиңунӷитуқ, иўырңа тамаҳаҳлъяган югым сыӷлыҳқылъҳанун аюқуқ.

Откровение 10:11

Та̄хкын пӣтңа: «Алъямың ӯкналиқуткыпыста̄ӷьяҳқақатын юлӷутыт, нунаталӷутыт, алъя̄ҳӣна̄т улюлӷутыт, умӣлылӷутытлъю».

Откровение 11:9

Югыт нунатаҳа̄ның, рамкының, алъя̄ҳӣнаӷның улюның, нунатаныңлъю тагилъықут ысҳаӷналюкык кымыхкўа̄ӷик. Таўатын пилъықут пиңаюнун аӷныӷнун авылъылиӷлюку, китумунлъю алңунак қуңуҳтыснаниҳлъықахкыт.

Откровение 13:7

Аҳтуӷьяҳқа̄нӷилъылита̄ пилъюўӣсқылъюки Кияӷныӷым юги, кая̄лъқысқылъюкилъю. Иглыӷусяҳқа̄ҳтыстӣ қамахлъюки рамкыт, югыт, улют, нуната̄нилңӯтлъю югыт.

Откровение 13:8

Қамахлъюни нунами кияҳлъыҳӣм манигуҳлъықа̄т тыӷикусялъю̄к. Иўырңа тама̄кут а̄тҳит игақңалӷӣт Игӣтхун Уңувалъҳым манигуӷна̄нӷита̄т. Кияӷныӷым игақыхкақӣ а̄тҳит нунаңлъялъҳилъюни. Та̄кут игат пикӣ Пынъӣӷаҳа̄м, югыт туқуткӣта.

Откровение 14:6

Та̄хкын ысҳаӷақа иляңа яқулык тыңа̄лӷӣ қӯлваҳпани. А̄пҳӣ кынлыңилңӯт Пинилӷӣт Уңипат нунами кияҳлъыҳӣнун, тамаҳӣтнун нуната̄нилңуӷнун югнун, рамкынун, улюнун, югнунлъю.

Откровение 15:3

Илягаӷақыфтут иляга̄таңаның Моисейем, (Кияӷныӷым қыпҳаҳтыңа), иляга̄таңаныңлъю Пынъӣӷаҳа̄м: «Ка̄й, Атанық Кияӷнық Аҳтуӷьяҳқаҳа̄нӷитыҳлъяк, қыпҳалъыҳтын сыӷлыҳлъягӯт, алъя̄ҳлъюхўаҳлъягӯт! Ка̄й, умӣлгат нунам югита, лъпык сялъыҳтын ылъқуӷутңа̄тлъю, ипаңӯтлъю!

Откровение 17:15

Та̄хкын яқулгым пӣңа: «Ысҳаӷатын мыӷыт аӷнам югусиминың акикикаюгым ақумгавиги. Та̄кут мыӷыт юлӷутыҳлъягӯт нунатаҳа̄ның тамаҳа̄ның пиңӯт, улюкылӷӣт алъя̄ҳӣнаӷмың.

Откровение 4:11

«Хўаңкута Атаныҳпут Кияӷныҳпут! Лъпык тугупыста̄ӷьяҳқақатын усюқылъыҳлъягыт, қӯлвалъыҳлъягыт, игамсиқаюлъыҳлъягыт аҳтуӷьяҳқа̄нӷилъыҳпынун. Улимакақутыхпының сяңўа̄ қамахтыңъўа̄ӷлюку, пиюкылъыҳпытун кияҳлъықут ынка̄м алъхыӷулъықутлъю уңувалъыӷмың».

Откровение 5:12

Игляхтулютың пӣқут: «Пынъӣӷаҳақ туқуткақ, итагнаҳтуқ алъхыҳсяҳқа̄люку аҳтуӷьяҳқа̄нӷилъық, аклъюңи, пыҳқинылъық, икнақылъық, қӯлвалъық, ниӷуҳқылъық, усюқылъықлъю!»

Откровение 5:6

Та̄хкын ысҳаӷақа Пынъӣӷаҳақ ныкывӷалӷӣ ся̄ӷўани умӣлгусим ақумутам. Қукӣтнитыфтуқ стамат уңувалӷӣт, утфатлъю. Пынъӣӷаҳақ ысҳақа̄люни никимқун туқуткақ. Ма̄ӷраӷвинлыгның сиӷунылгуфтуқ, ма̄ӷраӷвинлыгныңлъю ийылгуфтуқ. Та̄кут ийыт ма̄ӷраӷвинлык таӷныӷақӣ Кияӷныӷым, каяхтыкӣ тамаҳа̄нун нунам.