2 Та̄хкын ысҳаӷақа аҳтуӷьяҳқа̄нӷилңуқ яқулык. Игляхтулюни а̄птилӷӣ: «Кина итагнаӷьяҳқа̄ўа икуӷьяҳқа̄люки ма̄ӷраӷвинлык печатылъҳыт қылъпыҳсяҳқа̄люки ӣмгат игат?»
Та̄хкын ысҳаӷақа иляңа аҳтӣгатыҳлъяк яқулык укилӷӣ қилягмың. Пилюгугңафтуқ қилягўа̄ӷмың, на̄сқўан қуляңани аглюк, хина̄ сиқиныҳтун кӯкхулъюни, иӷукыклъю кумаӷулӷӣстун столпыстун аюқлъютык.
Та̄хкын икнақыҳлъялӷӣм яқулгым кывга̄ уйӷагрухлъяк, зерномун кагимтисистун аюқылӷӣ. Милю̄та̄ кылъӣмун, хўатын пимаӷми: «Таўатыҳпигақ ныҳлъяк Вавилон, Кияӷныӷым милю̄тыҳлъяхлъықа̄ аситмун ынка̄м алъямыңлъю ысҳаӷна̄нӷита̄т.
Та̄хкын ысҳаӷанка ӣмгат игат аӷынқигныӷан ӣханилъюки ақумгалӷӣм умӣлгусим ақумутахкыни. Та̄кут ӣмгат игат игаӷвикыхка̄фтут иңлюхтун, умыглютың ма̄ӷраӷвинлык печатының.
Та̄хкын ата̄сим утфам пӣңа: «Қияхпынаң! Ӣи, лев. Иудам рамкыңаның пиңӯқ, Давидымлъю киңунқа̄. Кая̄лъқӣстыңӯқ ынка̄м лъңа итагнаҳтуқ икуӷьяҳқа̄люки ма̄ӷраӷвинлык печатылъҳыт қылъпыҳсяҳқа̄люки ӣмгат игат».