Откровение 5:1 - Новый Завет на эскимосском языке

¹ Та̄хкын ысҳаӷанка ӣмгат игат аӷынқигныӷан ӣханилъюки ақумгалӷӣм умӣлгусим ақумутахкыни. Та̄кут ӣмгат игат игаӷвикыхка̄фтут иңлюхтун, умыглютың ма̄ӷраӷвинлык печатының.

Откровение 5:1 Iomraidhean Croise

Откровение 10:2

Тугумӣқыфтӣ ӣмгат игаҳа̄т қылъпалңӯт. Аӷынқигныӷық итыгани тӯтыстӣ кылъӣм мыӷан қа̄йңакун, сяӷумигнықлъю итыгани тӯтыстӣ қӯткун.

Откровение 4:3

Ақумгалӷӣ умӣлгусигни ысҳақа̄люни иқаҳтахкытун ясписылъю сардисылъю аюқуқ. Увитаңани умӣлгусим та̄ўа аглюк иқыҳтакык смарагдытун аюқлъютык.

Откровение 4:9

Та̄кут стамат Уңувалӷӣт илягаҳтут иляга̄тңитның усюқилъҳым, қӯлваӷилъҳым, игамсиқаюлъҳым ақумгалӷӣмун умӣлгусигни ақумутаҳлъягыгни, кияҳлъыҳӣмун қӯнпырухлъяк кынлыңуна̄н. Таўатын пинӷата

Откровение 5:13

Та̄хкын нагақуӷанка тамаҳаӷмың улима̄ӷыт, қилягмылңӯт, нунамылңӯт, нунам асиңанилңӯт, кылъӣнилңӯтлъю. Қамахлъютың пилӷӣт ақумгалӷӣмунлъю умӣлгусигни ақумутагни, Пынъӣӷаҳаӷмунлъю: «Усюқилъыңитык, қӯлвалъыңитык, ниӷуҳқылъыңитык, аҳтуӷьяҳқа̄нӷилъылгутыклъю қӯнпырухлъяк кынлыңуна̄н!»

Откровение 5:7

Пынъӣӷаҳа̄м такулюку умӣлъхусигни ақумутагни ақумгалӷӣ, аӷынқигныӷан ӣханың туўӣ ӣмгат игат.

Откровение 6:1

Та̄хкын ысҳапагақа Пынъӣӷаҳа̄м қылъпыҳтыкаңа сивулиқ печатылъық та̄куның ма̄ӷраӷвинлыгның печатылъыӷның. Таўантыфтут стамат Уңувалӷӣт, нагақуӷақа ата̄сиқ пилӷӣ: «Таги!» Мыңа калъюгыстун тыңъа̄лӷӣ.

Откровение 6:16

На̄йӷанунлъю, уйӷагнунлъю акилӷӯгут: «Улъыӷвикикут ӣӷысқылъюта хина̄ның ақумгалӷӣм ақумутахкыни умӣлгусим, сякша̄лъыҳлъяганыңлъю Пынъӣӷаҳа̄м!

Откровение 8:1

Пынъӣӷаҳа̄м қылъпыҳтақңамигу ма̄ӷраӷвинлӣтаңа печатылъҳым, қилягми қалъыгнаниӷўа̄ӷутут ынтақун афлъюм авылъҳатун тахка̄н.