Откровение 4:9 - Новый Завет на эскимосском языке

⁹ Та̄кут стамат Уңувалӷӣт илягаҳтут иляга̄тңитның усюқилъҳым, қӯлваӷилъҳым, игамсиқаюлъҳым ақумгалӷӣмун умӣлгусигни ақумутаҳлъягыгни, кияҳлъыҳӣмун қӯнпырухлъяк кынлыңуна̄н. Таўатын пинӷата

Откровение 4:9 Iomraidhean Croise

К Евреям 7:25

Тама̄кын апалъюқлъюку Иисусым ӣўлың югулияқлъыгўӣ Кияӷныӷмун аглялӷӣт лъмикун, қаюҳлъяк қӯнпың уңуваңӯқ манигӯтунъалюки тама̄кут Кияӷныӷмун.

К Евреям 7:8

Священнигыт югӯт туқукаюгыт нақамлъю алъхыӷутка̄гут қуляҳқылъыӷмың. Мелхиседеклъю алъхыӷутка̄гуқ қуляҳқылъыӷмың, иўырңа кияҳтыңъӯқ, Акузитыт Игақыхкат апылъҳистун.

Откровение 1:18

Уңувалӷӣңӯңа! Туқука̄яҳтуңа, иўырңа ӣи, уңуваңӯңа қӯнпырухлъяк кынлыңуна̄н. Қипыталгӯңа Туқулъыӷмыңлъю, Адымыңлъю.

Откровение 10:6

акықӣқ Кияӷныӷым а̄тҳакун кияҳлъыҳӣ қӯнпырухлъяк кынлыңуна̄н. Лъңаңулӷӣ улимаӷикақ қилягамың, нунамың, кылъӣның, сямыңлъю тамаҳа̄ның та̄кунилңуӷның. Яқулык пӣқ: «Пилъыҳқақ ка̄туқ.

Откровение 15:7

Та̄хкын ата̄сим уңувалӷӣм стаманың та̄куның, золотамың сягнылиқуӷӣ ма̄ӷраӷвинлык яқулгыт. Та̄кут сягныӷыт имиӷңа̄т сякша̄лъыҳлъя̄ганың Кияӷныӷым, кияҳлъыҳӣ қӯнпырухлъяк кынлыңуна̄н.

Откровение 21:5

Та̄хкын умӣлгусигнилңуқ ақумутагни пӣқ: «Ысҳақаҳқиқун, улима̄қанка сяңўа̄т қамахтыңъўа̄ӷлюки нутаӷа̄люки!» Хўатынлъю пӣқ: «Игақики тама̄кут а̄пқанка лъпынун қаюҳлъяк тама̄кут акузитыт ипаңӯт, ухпықсяҳқа̄гутлъю».

Откровение 4:2

Таўаниңинақ Таӷныӷагнитуңа. Та̄ўа қилягми ысхаӷахка умӣлгусик ақумутак, кина ақумгафтуқ.

Откровение 4:8

Ынка̄м стамат Уңувалӷӣт тамаҳаӷмың аӷвинлыгның яқулгутутыфтут, ынңа̄талъ югусӣт ийыҳлъягуфтут талўа қамавык яқҳўита асиңитнун. Аӷныҳтӯма̄н унухтӯма̄н та̄қигалңӯт иляганыӷмың: «Аглыӷналӷӣ, аглыӷналӷӣ, аглыӷналӷӣ, Атанӷӯқ Кияӷнық, Аҳтуӷьяҳқаҳа̄нӷитыҳлъяк, лъңаңӯқ ма̄тын, лъңаңӯқ сивунӷани, лъңаңӯқ тагияҳқақ!»

Откровение 5:1

Та̄хкын ысҳаӷанка ӣмгат игат аӷынқигныӷан ӣханилъюки ақумгалӷӣм умӣлгусим ақумутахкыни. Та̄кут ӣмгат игат игаӷвикыхка̄фтут иңлюхтун, умыглютың ма̄ӷраӷвинлык печатының.

Откровение 6:16

На̄йӷанунлъю, уйӷагнунлъю акилӷӯгут: «Улъыӷвикикут ӣӷысқылъюта хина̄ның ақумгалӷӣм ақумутахкыни умӣлгусим, сякша̄лъыҳлъяганыңлъю Пынъӣӷаҳа̄м!

Откровение 7:15

Тама̄кын апалъюқлъюку ныкывӷатңӯт сивухкыни Кияӷныӷым умӣлгусӣн ақумутахкыни. Манигуӷақа̄т аӷныҳтӯма̄н унухтӯма̄н Храмыңани. Ақумгалӷӣм умӣлгусигни ақумутагни азигутиҳлъықӣ наю̄тңалъыӷминың.