Откровение 4:8 - Новый Завет на эскимосском языке

⁸ Ынка̄м стамат Уңувалӷӣт тамаҳаӷмың аӷвинлыгның яқулгутутыфтут, ынңа̄талъ югусӣт ийыҳлъягуфтут талўа қамавык яқҳўита асиңитнун. Аӷныҳтӯма̄н унухтӯма̄н та̄қигалңӯт иляганыӷмың: «Аглыӷналӷӣ, аглыӷналӷӣ, аглыӷналӷӣ, Атанӷӯқ Кияӷнық, Аҳтуӷьяҳқаҳа̄нӷитыҳлъяк, лъңаңӯқ ма̄тын, лъңаңӯқ сивунӷани, лъңаңӯқ тагияҳқақ!»

Откровение 4:8 Iomraidhean Croise

Деяния 20:31

Ынка̄м кылыңаңўа̄ӷлюси пӯҳтылъыңнаюкафси. Нықамиклъюку пиңают аюмиқулъҳыт кылыңася̄қақамси қамахлъюси тама̄кын аӷныҳтӯма̄н, унухтӯма̄н сыӷлылӣҳлъяӷңа̄ӷма, қунитӯмаӷма.

2е Коринфянам 6:18

Атакылъықаҳпысиңа, ынка̄м лъпыси иӷнықылъықамсилъю, паникылъықамсилъю», пӣқ Атанық Аҳтуӷьяҳқаҳа̄нӷилңуқ.

1е Фессалоникийцам 2:9

Ухпықа̄лгутымнъи, нықамикаҳси натын аңка̄н қыпҳалъыҳпутлъю, уӷлыӷӣлъыҳпутлъю! Қыпҳақа̄гукут унухтӯма̄н, аӷныҳтӯма̄н қаюҳлъяк лъпысинун уқихтуқутңуюнӷилңӯкут; лъпысинисималюта уңипақика̄гукут Пинилӷӣның Уңипа̄мың Кияӷныӷым.

1е Тимофею 4:16

Пира̄мсиңўа̄ӷлютын кияҳта̄лъыҳпынилъю, апыҳтуӷилъыҳпынилъю. Таўатын пикувык лъпынун югулилъықутын, тама̄кутлъю нагатыстытын.

2е Тимофею 4:2

уңипақики Пинилӷӣт Уңипат. Сягиқлъютын уңипақики югнун нагасюгуӷңа̄та налиӷмың нагасюгунӷитыӷңа̄та. Ныкыхмылъютын апыҳтуӷилъыҳпыгун ухпыҳтыснақики, иныҳтики анахутылъҳитның, кайымикилъю.

К Евреям 13:8

Иисус Христос алмысиқақа̄ иӷивгақ, аӷныӷми, қӯнпырухлъяклъю.

Откровение 1:4

Укут посланият Иоаннымың пиңӯт ухпықанун қырңгутқаюгнун ма̄ӷраӷвинлыгни юӷаӷвигни Асиями. Наңлъыхталъықлъю, ныкыхмылъықлъю лъпысинилъик Кияӷныӷмың, ма̄ӷраӷвинлык таӷныӷа̄ның, Иисус Христосымыңлъю. Кияӷныӷӯқ кияҳлъыҳӣ ма̄тын, лъңаңӯқ кияҳлъыҳӣ сивунӷани, лъңаңӯқ тагияҳқақ. (Та̄кут ма̄ӷраӷвинлык таӷныӷат сивуңанитут Кияӷныӷым умӣлгусӣн ақумута̄н.) Иисус Христос ата̄сӣӷмылңӯгуқ лӣсимакиста ипапилъыӷмун. Лъңаңӯқ Кияӷныӷым уңуваҳсюхўа̄қа̄ туқулъыӷмың. Лъңаңӯқ иглыӷутистыңат умӣлгита нунам. Лъңаңӯқ пиниқилӷӣ хўаңкунъың, а̄ўмикунлъю, итымуткақӣлъю сыӷлыҳқылъымнъың. Атаныҳпагулъыӷминитыстӣлъю, священнигаңуҳтыстӣлъюлъю Кияӷныӷминун Атамун. Иисус Христосым алъхыҳлъикык ниӷуҳқылъықлъю, аҳтуӷьяҳқа̄нӷилъықлъю иглыӷутимун қӯнпырухлъяк кынлыңуна̄н! Аминь.

Откровение 1:8

«Хўаңа Альфаңӯңалъю, Омегаңӯңалъю», пӣқ Атанық Кияӷнық, Аҳтуӷьяҳқа̄нӷитыҳлъяк. Лъңаңӯқ кияҳлъыҳӣ ма̄тын, лъңаңӯқ кияҳлъыҳӣ сивунӷани, лъңаңӯқ тагияҳқақ.

Откровение 11:17

Пика̄т: «Игамсиқаюгвикамкын, Атанық Кияӷнық Аҳтуӷьяҳқаҳа̄нӷилңуқ, кияҳлъыҳӣ ма̄тын, ӣўлыңлъю кияҳлъыҳӣ! Тугума̄н аҳтуӷьяҳқа̄нӷитылъыҳлъягын ынка̄м пӣнлиҳтутын иглыӷутимун.

Откровение 14:11

Кынӷым икфиқыстыҳлъяхлъықӣ, агыпся̄ маюҳлъықуқ қӯнпырухлъяк кынлыңуна̄н. Икфиқнаниӷна̄нӷитут аӷныҳтӯма̄н унухтӯма̄н, манигӯтка̄тмыхның тыӷикусялъю̄гмун, наңаӷныӷанун, налъюнӣқа̄тмыхныңлъю а̄тҳаның».

Откровение 14:3

144,000 югыт ныкывӷатңуфтут сивуңани умӣлгусим ақумутам, стаматлъю уңувалӷӣт, утфатлъю. Та̄кут югыт илягаӷақыфтут иляга̄тыӷраӷаӷмың. Китум алңунак та̄на иляга̄н лӣсяҳқақынӷилъкаңа иўырңақун 144,000 югыт. Лъңаңут Кияӷныӷым югуликӣ қуңаңитның нунам юганың.

Откровение 15:3

Илягаӷақыфтут иляга̄таңаның Моисейем, (Кияӷныӷым қыпҳаҳтыңа), иляга̄таңаныңлъю Пынъӣӷаҳа̄м: «Ка̄й, Атанық Кияӷнық Аҳтуӷьяҳқаҳа̄нӷитыҳлъяк, қыпҳалъыҳтын сыӷлыҳлъягӯт, алъя̄ҳлъюхўаҳлъягӯт! Ка̄й, умӣлгат нунам югита, лъпык сялъыҳтын ылъқуӷутңа̄тлъю, ипаңӯтлъю!

Откровение 15:7

Та̄хкын ата̄сим уңувалӷӣм стаманың та̄куның, золотамың сягнылиқуӷӣ ма̄ӷраӷвинлык яқулгыт. Та̄кут сягныӷыт имиӷңа̄т сякша̄лъыҳлъя̄ганың Кияӷныӷым, кияҳлъыҳӣ қӯнпырухлъяк кынлыңуна̄н.

Откровение 16:14

Та̄кут туӷныӷа̄т алъя̄ҳлъюхўаҳтикаюгуфтут. Аӷуляқут умӣлгитнун нунатаҳа̄н тамаҳа̄н қырңуҳналюки пилъюўамун аӷныҳлъягани Кияӷныӷым Аҳтуӷьяҳқаҳа̄нӷилңӯм.

Откровение 16:7

Та̄хкын нагақуӷақа аҳқыфигыгның ма пилӷӣ: «А̄а Атанық, Кияӷнық Аҳтуӷьяҳқа̄нӷилңуқ! Ипаңӯтлъю, ылъқуӷутңа̄тлъю нанқихтилъыҳқаҳтын!»

Откровение 19:15

Қа̄нӷаның а̄нуқ ипылӷӣ сявихпак, та̄хун қамахтыңъўа̄ӷлюки накумӣт кая̄лъқуҳлъықӣ. Иглыӷулъықӣ сявикынӷаӷмың анагуталиӷлюни. Та̄хкын тутмаҳлъықӣ аңуяни катам югыт тутмаӷақылъҳистун виноградыт қагыҳқӯсигнилңӯт. Та̄на тутмалъық сякша̄лъыҳлъяка̄ Кияӷныӷым Аҳтуӷьяҳқаҳа̄нӷилңӯм.

Откровение 19:4

Та̄хкын югинақ стамат сӣпнықлъюки утфат, стаматлъю уңувалӷӣт нӣнӷуқӯлъютың манигуӷа̄т Кияӷнық, ақумгалӷӣ умӣлгусигмикун. Пика̄т: «Аминь! Аллилуия!»

Откровение 21:22

Ныҳлъягми ысҳа̄нъыӷитуңа Храмымың, қаюҳлъяк Храмыңа Атанӷӯқ Кияӷнық Аҳтуӷьяҳқаҳа̄нӷилңуқ, Пынъӣӷаӷа̄гуқлъю.

Откровение 3:7

«Игақигу уна уңипақ яқулыгмун иглыӷутилӷӣ ухпықаның қырңуӷуткаюгның юӷаӷвигани Филадельфиям. Уна уңипақ Аглыӷналӷӣмың, Ипапигмың пиңӯқ. Лъңанитуқ Давидыми қипытақ. Қылъпыҳтыкумигу амик, китум алңунак умыгна̄нӷита̄. Ӯмкумигулъю амик, китум алңунак қылъпыҳна̄нӷита̄.

Откровение 4:4

Увитаңани умӣлгусим ақумутаҳлъягым та̄ўа югинақ стамат сӣпнықлъюки умӣлгусит ақумуталӷутыт. Та̄кутхун ақумгатңафтут югинақ стамат сӣпнықлъюки утфат қатылӷӣмың аткуя̄ӷулъютың, золотамыңлъю қаҳпалютың.

Откровение 4:6

Умӣлгусим ақумутаҳлъягым сивухкыни та̄ўа кылъӣсюгнилңуқ қыргыся, мыӷра̄кыхтақ кристаллыстун. Умӣлгусим ақумутаҳлъягым увитаңани, тамаҳӣтни сянихкыни, та̄ўа стамат Уңувалӷӣт, ийыҳлъягуфтут ся̄ймыхтыхунлъю, ақсягымыхтыхунлъю.

Откровение 4:9

Та̄кут стамат Уңувалӷӣт илягаҳтут иляга̄тңитның усюқилъҳым, қӯлваӷилъҳым, игамсиқаюлъҳым ақумгалӷӣмун умӣлгусигни ақумутаҳлъягыгни, кияҳлъыҳӣмун қӯнпырухлъяк кынлыңуна̄н. Таўатын пинӷата

Откровение 5:6

Та̄хкын ысҳаӷақа Пынъӣӷаҳақ ныкывӷалӷӣ ся̄ӷўани умӣлгусим ақумутам. Қукӣтнитыфтуқ стамат уңувалӷӣт, утфатлъю. Пынъӣӷаҳақ ысҳақа̄люни никимқун туқуткақ. Ма̄ӷраӷвинлыгның сиӷунылгуфтуқ, ма̄ӷраӷвинлыгныңлъю ийылгуфтуқ. Та̄кут ийыт ма̄ӷраӷвинлык таӷныӷақӣ Кияӷныӷым, каяхтыкӣ тамаҳа̄нун нунам.

Откровение 6:1

Та̄хкын ысҳапагақа Пынъӣӷаҳа̄м қылъпыҳтыкаңа сивулиқ печатылъық та̄куның ма̄ӷраӷвинлыгның печатылъыӷның. Таўантыфтут стамат Уңувалӷӣт, нагақуӷақа ата̄сиқ пилӷӣ: «Таги!» Мыңа калъюгыстун тыңъа̄лӷӣ.

Откровение 6:6

Нагақуӷақа мыстун аюқысюгнилңуқ акулңитни стамат Уңувалӷӣт пилӷӣ: «Мерам има пшеница акика̄ ата̄сим динарийем. Пиңают мерам имӣ ячменыт акикӣ ата̄сим динарийем. Иўырңа на̄фқыхпынакык маслинам мысӣӷа, винолъю».

Откровение 7:11

Қамахлъютың яқулгыт ныкывӯтут увитаңитни умӣлгусим ақумутам, утфатлъю, стаматлъю уңувалӷӣт. Та̄хкын сыкықӯтут нунамун сивуңакун умӣлгусим ақумутам, манигуӷа̄т Кияӷнық.

Откровение 7:15

Тама̄кын апалъюқлъюку ныкывӷатңӯт сивухкыни Кияӷныӷым умӣлгусӣн ақумутахкыни. Манигуӷақа̄т аӷныҳтӯма̄н унухтӯма̄н Храмыңани. Ақумгалӷӣм умӣлгусигни ақумутагни азигутиҳлъықӣ наю̄тңалъыӷминың.