Откровение 4:6 - Новый Завет на эскимосском языке

⁶ Умӣлгусим ақумутаҳлъягым сивухкыни та̄ўа кылъӣсюгнилңуқ қыргыся, мыӷра̄кыхтақ кристаллыстун. Умӣлгусим ақумутаҳлъягым увитаңани, тамаҳӣтни сянихкыни, та̄ўа стамат Уңувалӷӣт, ийыҳлъягуфтут ся̄ймыхтыхунлъю, ақсягымыхтыхунлъю.

Откровение 4:6 Iomraidhean Croise

Откровение 14:3

144,000 югыт ныкывӷатңуфтут сивуңани умӣлгусим ақумутам, стаматлъю уңувалӷӣт, утфатлъю. Та̄кут югыт илягаӷақыфтут иляга̄тыӷраӷаӷмың. Китум алңунак та̄на иляга̄н лӣсяҳқақынӷилъкаңа иўырңақун 144,000 югыт. Лъңаңут Кияӷныӷым югуликӣ қуңаңитның нунам юганың.

Откровение 15:2

Та̄хкын ысҳаӷақа кылъӣсюгнилңуқ мыӷра̄кыхтақ сиқинўа̄ӷыстун, акумңалӷӣ кыныӷмың. Ысҳаӷанкалъю кая̄лъқӣкат тыӷикусялъю̄гмың, наңаӷныӷаның, а̄тҳанлъю числоңаның. Ныкывӷатңуфтут ся̄ӷўаӷни кылъӣм, гуслилиҳтӯлъютың Кияӷныӷым тӯныхкӣтның лъңитнун.

Откровение 15:7

Та̄хкын ата̄сим уңувалӷӣм стаманың та̄куның, золотамың сягнылиқуӷӣ ма̄ӷраӷвинлык яқулгыт. Та̄кут сягныӷыт имиӷңа̄т сякша̄лъыҳлъя̄ганың Кияӷныӷым, кияҳлъыҳӣ қӯнпырухлъяк кынлыңуна̄н.

Откровение 19:4

Та̄хкын югинақ стамат сӣпнықлъюки утфат, стаматлъю уңувалӷӣт нӣнӷуқӯлъютың манигуӷа̄т Кияӷнық, ақумгалӷӣ умӣлгусигмикун. Пика̄т: «Аминь! Аллилуия!»

Откровение 21:11

Кӯкхутңаӷми Кияӷныӷым ниӷуҳқылъҳаның. Ныҳлъяк кӯкхутуқ акитуҳлъялӷӣтун уйӷахтун, ясписытун, мыӷра̄кыхтуткаӷми кристаллытун.

Откровение 21:18

Миңлъютаңа улима̄ӷуфтуқ ясписымың. Ныҳлъяк улима̄ӷуфтуқ золотапырыгўа̄ӷмың. Маникаҳқақ мыӷра̄кыхтыпихлъыҳӣ сиқинӷўа̄ҳтун.

Откровение 21:21

Қуля ма̄лӷук сӣпнықлъюку амихлъягыт жемчугыңуфтут, тамаҳаӷмың амихлъягыт ата̄симың жемчугмың улима̄ӷуфтут. Ныҳлъягым тӯмңи золотапырыгўа̄ӷуфтут; золото мыӷра̄кыхтыпихлъыҳӣ сиқинӷўа̄ҳтун.

Откровение 22:1

Та̄хкын яқулгым кылгувика̄ңа кӣўыгның ма̄қылӷӣгның Кияӷныӷымлъю, Пынъӣӷаҳа̄млъю умӣлгусихкынка ақумутахкының. Уңувалъылитикаюгмың мылгык, мыӷра̄кыхтуткалӷӣк кристаллытун.

Откровение 4:4

Увитаңани умӣлгусим ақумутаҳлъягым та̄ўа югинақ стамат сӣпнықлъюки умӣлгусит ақумуталӷутыт. Та̄кутхун ақумгатңафтут югинақ стамат сӣпнықлъюки утфат қатылӷӣмың аткуя̄ӷулъютың, золотамыңлъю қаҳпалютың.

Откровение 5:11

Ысҳапагумалюңа нагақуӷанка мыңит яқулылӷутыҳлъягыт. Угля̄пихлъыӷӣт кыстыпагниңилңӯт. Ныкывӷатңуфтут увитаңани умӣлгусим ақумутам, стаматлъю уңувалӷӣт, утфатлъю.

Откровение 5:14

Та̄хкын стамат уңувалӷӣт пӣт: «Аминь», утфатлъю сыкықӯлъютың нунамнун, манигуӷахкыт Кияӷнықлъю, Пынъӣӷаҳа̄млъю.

Откровение 5:6

Та̄хкын ысҳаӷақа Пынъӣӷаҳақ ныкывӷалӷӣ ся̄ӷўани умӣлгусим ақумутам. Қукӣтнитыфтуқ стамат уңувалӷӣт, утфатлъю. Пынъӣӷаҳақ ысҳақа̄люни никимқун туқуткақ. Ма̄ӷраӷвинлыгның сиӷунылгуфтуқ, ма̄ӷраӷвинлыгныңлъю ийылгуфтуқ. Та̄кут ийыт ма̄ӷраӷвинлык таӷныӷақӣ Кияӷныӷым, каяхтыкӣ тамаҳа̄нун нунам.

Откровение 5:8

Тугуяки ӣмгат игат, та̄кут стамат уңувалӷӣт, югинақлъю стамат сӣпнықлъюку пресвитерыт сыкықӯтут нунамун сивуңакун Пынъӣӷаҳа̄м. Тамаҳаӷмың тугумӣқлъютың гуслимың, золотамыңлъю сягныҳаӷның ыслъықңалӷӣт фимиамымың. Фимиамыт юӷақӣт Кияӷныӷым югита.

Откровение 6:1

Та̄хкын ысҳапагақа Пынъӣӷаҳа̄м қылъпыҳтыкаңа сивулиқ печатылъық та̄куның ма̄ӷраӷвинлыгның печатылъыӷның. Таўантыфтут стамат Уңувалӷӣт, нагақуӷақа ата̄сиқ пилӷӣ: «Таги!» Мыңа калъюгыстун тыңъа̄лӷӣ.

Откровение 6:6

Нагақуӷақа мыстун аюқысюгнилңуқ акулңитни стамат Уңувалӷӣт пилӷӣ: «Мерам има пшеница акика̄ ата̄сим динарийем. Пиңают мерам имӣ ячменыт акикӣ ата̄сим динарийем. Иўырңа на̄фқыхпынакык маслинам мысӣӷа, винолъю».

Откровение 7:11

Қамахлъютың яқулгыт ныкывӯтут увитаңитни умӣлгусим ақумутам, утфатлъю, стаматлъю уңувалӷӣт. Та̄хкын сыкықӯтут нунамун сивуңакун умӣлгусим ақумутам, манигуӷа̄т Кияӷнық.

Откровение 7:17

Пынъӣӷаҳақ умӣлгусим ақумутам ся̄ӷўанилңуқ пынъӣӷнӣҳтыкылъықа̄т. Маӷьяҳқуҳлъықӣ сыңъулӷӣнун мыӷнун уңувалъылитикаюгнун, Кияӷныӷымлъю қуниңиҳтуҳлъықӣ».