Откровение 4:1 - Новый Завет на эскимосском языке

¹ Та̄хкын тама̄кут киңуңитның та̄ўа ысҳаӷақа қилягми амик қылъпалңуқ! Ма нагаткақа қалӷиҳта̄тытун аюқылӷӣ, хўатын пӣқ: «Мая̄ хўавык. Лъпынун ысҳаҳтыснақанка сяңўа̄т пияҳқат».

Откровение 4:1 Iomraidhean Croise

От Матфея 3:16

Иисус крестиӷьятни мыӷмың а̄ныхкақ. Та̄хкын қиляк қылъпыӷлюни ысҳақакык Кияӷныӷым Таӷныӷакык укилӷӣк голубытун аюқлъютык, ынка̄м лъңакун налюкак.

От Марка 1:10

Крестиӷъыныӷмың та̄қсятни Иисусым таўаниңинақ ысҳақӣ қилягыт қылъпылӷӣт, Аглыӷналӷӣклъю Таӷныӷак укилӷӣк лъңанун сюнаӷьягмылңук аюқылӷик.

От Луки 3:21

Киңуңитның қамахлъютың югыт крестиӷыстылъҳита, Иисусылъю крестиӷыстыкақ. Иисус юӷа̄малюку, қиляк қылъпықақ,

От Иоанна 16:13

Иўырңа Таӷныӷак апыҳтуӷилӷӣк Кияӷныӷым ипапилъҳаның, тагикуми маӷьяҳқуҳлъықӣси ипапилъыпырыгўа̄ӷмун. Акузиткынъа̄нӷитӣ лъми катам акузитни, иўырңа акузилъықуқ нагақуқаҳӣнаӷминың. Ынка̄м уңипа̄лъықӣси сяңўа̄ сяяҳқа̄таңа та̄кўаниңани.

Деяния 10:11

Ысҳақа̄ қиляк қылъпылӷӣ, та̄хкын ысҳақа̄ қӣпаӷаҳлъяхсюгнилңуқ укихтыкаңат нунамун стаматхун тыкышқа̄кун.

Деяния 7:56

Пикӣ: «Ысҳақаҳтыхуқун! Ысҳаӷақа қиляк қылъпылӷӣ, Иӷныӷалъю Югым ныкывӷалӷӣ Кияӷныӷым аӷынқигныӷани!»

Откровение 1:10

Атанӷым Аӷныӷани Аглыӷналӷӣм Таӷныӷам ӣтҳа̄ңа. Та̄хкын тунутымнилъюку нагақуӷақа ма игляхтуқақ қалӷиҳта̄тытун.

Откровение 1:12

Та̄хкын қӣвуңа ысҳаӷналюку ма алыҳқуҳтыка. Қӣвьялӷӣңа ысҳаӷанка ма̄ӷраӷвинлыгуфтут золотат кынылӷутат тунымӣт.

Откровение 1:19

Ся̄қсин игақуҳқи игатхун сяңўа̄т қамахлъюки ысҳақытын ма̄тын, сяңўа̄тлъю киңувақун пияҳқат.

Откровение 11:12

Та̄хкын ӯкналиқистык нагақуӷа̄к игляхтупихлъыҳӣ ма қилягмың пилӷӣ: «Маюҳтык хўавык!» Аңуягит ысҳапагумалюки маюҳтук қилягмун қиляўа̄ҳқун.

Откровение 11:19

Та̄хкын Кияӷныӷым Храмыңа қилягмылңуқ қылъпатыфтуқ. Таўани Храмыңани ысҳаӷахка Ковчегык Кияӷныӷым Заветылӷутакык. Та̄хкын ниӷўа̄хпахтаҳтук, ыфтуҳтаҳтук, тыңъа̄хтаҳтуклъю калъюгык; нуна уфсюгутыҳлъяхтуқ, кафтыкшагуҳтыҳлъяга̄лъю!

Откровение 16:17

Та̄хкын ма̄ӷраӷвинлӣтаңита яқулгым сягныни кӯва̄ ыслъямун. Храмыми умӣлгусигның ақумутаҳлъягыгның игляхтупихлъюни ма пӣқ: «Апыӷӣҳтуқ!»

Откровение 19:11

Та̄хкын ысҳаӷақа қиляк қылъпылӷӣ, та̄ўа қатылӷӣ кӯни! Кӯникун иглыҳлъыҳӣм а̄тҳа «Ата̄сӣӷмылңуқ, Ипапик». Ылъқуӷутңа̄т нанқихтилъҳи, пилъюўақаңилъю аңуяни.

Откровение 22:6

Та̄хкын яқулгым пӣңа: «Укут акузитыт ухпықсяҳқа̄гут, ипаңӯтлъю. Атанӷым, Кияӷныӷым иглыӷутилӷӣм таӷныӷӣтның ӯкналиқистыми, каяхтыкақа̄ яқулыни кылгувикысқылъюки қыпҳаҳтыни сяңўа̄т пияҳтуңыстаӷнилюки».