Откровение 3:8 - Новый Завет на эскимосском языке

⁸ Лӣсимакамси ся̄қыстық, лӣсимакамсилъю кая̄туси. Нақамлъю қа̄ткаси апыҳтӯсянка, мысиӷӣгатусилъю хўаңамнун малихся̄ҳтыкнилюси. Ӣи, қылъпыӷусима̄мси амигмың; китум алңунак умыгьяҳқақынӷилъкаңаның.

Откровение 3:8 Iomraidhean Croise

От Луки 12:9

Иўырңа китум алңунак уңипа̄скаки сивуңитни югыт хўаңамнун пикынӷинъилютың, Иӷныӷан Югым пикынӷинъилъықӣ сивуңитни Кияӷныӷым яқулылӷутаңан.

От Иоанна 15:20

Нықамиклъюку а̄пқақа лъпысинун: Қыпҳаҳта а̄ңатаӷанӷитуқ умӣлыгминың. Амью̄ткумакумыхтыңъа лъпысилъю амью̄ткылъықӣси. Қа̄ткумакумыхтыки апыҳтӯсянка, лъпысилъю апыҳтӯсяси қа̄ткылъықӣт.

От Иоанна 17:6

Лӣтыстыкақақа натытулын югнун тагивақаҳпынун нунамың хўакын. Лъпык пиксяқытын тагивақаҳтын хўаңамнун. Қа̄ткыхкақӣт акузитытын.

Деяния 14:27

Ка̄сямык Антиохиямун ухпықат қырңуҳтыкӣк. Уңипа̄ткӣт Кияӷныӷым апыӷӣлъҳаның лъмытыгныгун, а̄пқӣтлъю Кияӷныӷмун ухпықилъыҳқалитылъҳи язычнигыт.

1е Коринфянам 16:9

қаюҳлъяк мыгнуналӷӣ, а̄нылӷӣ қыпҳалъыҳқақа Атаныӷмун пӣқыфтуқ. Ма̄нлъықуңа қайўа угляпихлъыҳӣм аңуяксяӷңа̄тңа.

2е Коринфянам 2:12

Ка̄сялӷӣңа Троадамун уңипақналюку Пинилӷӣ Уңипа̄ Христосым, Атанӷым пилъыҳқаңыстыңъўа̄ӷумакаңаңа.

К Филиппийцам 4:13

Сяңўа̄ алңунак пияҳқақақа Христосыкун икнақуҳсяҳтымкун.

К Колоссянам 4:3

Юӷақуфси, юӷа̄ткынъакыфсикутлъю. Юӷаҳтык Кияӷныӷмун қылъпыӷутысқылъюта амигмың миңитысқылъюки акузитаңи Христосымың аюқылӷӣт. Сивунӷани Кияӷныӷым қайвиҳсимаңита̄ ипапилъық Христосымың аюқылӷӣ. Иўырңа Кияӷныӷым уңипа̄та̄ңа уңипақысқылъюку та̄на қайвиҳсимаңилңуқ ипапилъық. Уңипақыхкақутымның та̄на ипапилъық анусимиңлъяӷа̄тңа.

1е Тимофею 5:8

Китум алңунак афлъыңакынӷилъкумики илякўа̄ни, ўата лъми катам ныңлъюгутни, таўатын пилъыӷмикун пыхтыкақа̄ ухпықилъыни. Ынка̄м сыӷлыӷатаӷа̄лъықуқ ухпықа̄нӷилңуӷмың.

2е Тимофею 4:7

Пилъюўа̄ма̄қа пинилӷӣ пилъюўалъық, апыӷӣӷақа килга̄қулъқа, ата̄сӣӷмысимаңинақа̄гуңа Атаныӷмун.

От Иуды 1:4

Қырңуӷунъыҳпысини малигутақут, иўырңа уңипа̄сигатӣси сямың апыҳтуӷьюгақнилюси. Тама̄кут югыт тугуклъиӷьюгигата̄т Иисус Христос та̄наңинаҳақ Иглыӷутистывут, Атаныҳпутлъю. Ынка̄м алъяңуҳтақа̄т апыҳтӯсяқ Кияӷныӷым наңлъыхталъҳаның аюқылӷӣ. Хўатын пӣқут: «Кияӷнық наңлыхтаҳлъяхтуқ, сыӷывутикаюгӯқ ынка̄м итагнаҳтуқ распутствагңамта». Қавңарухлъяк Кияӷныӷым уңипа̄ткақӣлъю аӷью̄ҳлъықнилюку кина алңунак апыҳтуӷилӷӣ таўатын.

Откровение 2:13

Лӣсимакамси на̄нтыстык, таўантуси Туӷныӷа̄м умӣлгутивиган ақумутахкыни. Хўаңамнун ата̄сӣӷмытуси, ухпықнанилъҳитаҳпысиңалъю. Таўатытка̄гуси талўа Антипа, ата̄сӣӷмылңуқ уңипаҳтыка, кияҳтыңъулюку. Таўани Туӷныӷа̄м кияҳфигани туқуткақа̄т.

Откровение 2:2

Лӣсимакамси ся̄лъыҳси, уӷлыӷӣлӷӣси, ӣлъқаюнӷитылъыҳсилъю. Лӣсимакамсилъю тугуклъӣгатаси сыӷлыӷыт югыт, иўырңа апостолыңунилӷӣт лӣтақаси ысҳапаглюки тымңиңутаңи. Та̄ўа лӣтаси иқлъыңиқыстыңӯт.

Откровение 22:7

Иисус пӣқ: «Нагатык! Тагияҳтуҳтуңа! Қуястыка̄гут қа̄ткулъҳӣт ӯкналиқылъыӷнун игақңалӷӣнун укутхун игатхун».

Откровение 3:1

«Игақигу уна уңипақ яқулыгмун иглыӷутилӷӣ ухпықаның қырңуӷуткаюгның юӷаӷвигани Сардисым. Та̄на Кияӷныӷым ма̄ӷраӷвинлык таӷныӷа̄ның пилык ма̄ӷрагвинлыклъю иӷалықыта̄лык, пӣқ: “Лӣсимакамси ся̄қыстык. Югыт пӣқӣси уңуванилюси иўырңа туқуңа̄си.

Откровение 3:10

Қылъқақамси нуқытысқылъюси. Қа̄ткыхкақутыхпысиның қылӷилъқа пақнӣҳсяҳлъықамси сыӷлылӣлъыӷның ка̄нъақылӷӣның нунатаҳаӷының тамаҳа̄ның. Тама̄кут сыӷлылӣлъҳыт нанӷӣқулъықӣт қамахлъюки югыт кияҳлъыҳӣт нунами.

Откровение 3:15

Лӣсимакамси ся̄қыстық: исыкинанӷитуси, налиӷмың угуқнанӷитуси. Исыкиналӷӣситуқ налиӷмың угуқналӷӣситуқ!

Откровение 3:7

«Игақигу уна уңипақ яқулыгмун иглыӷутилӷӣ ухпықаның қырңуӷуткаюгның юӷаӷвигани Филадельфиям. Уна уңипақ Аглыӷналӷӣмың, Ипапигмың пиңӯқ. Лъңанитуқ Давидыми қипытақ. Қылъпыҳтыкумигу амик, китум алңунак умыгна̄нӷита̄. Ӯмкумигулъю амик, китум алңунак қылъпыҳна̄нӷита̄.