Откровение 3:5 - Новый Завет на эскимосском языке

⁵ Кая̄лъқӣлӷӣ, лъңистун а̄лъықуқ қатылӷӣмың а̄ткамың. А̄тҳалъю ӷывысна̄нӷитақа Кынлыңилңӯм Уңувалъҳым Ига̄ның. Атамалъю яқулганлъю сивуңитни хўаңамнун пикнилъықақа.

Откровение 3:5 Iomraidhean Croise

От Матфея 10:32

«Китум алңунак уңипа̄скаки югыт, хўаңамнун пикнилюни, хўаңалъю Атака̄ қилягмылңуқ уңипа̄лъықақа хўаңамнун пикнилюку.

От Луки 10:20

Итагналӷӣңӯқ қуялӷӣси қаюҳлъяк туӷныӷа̄т қа̄ткыхкаңиси, иўырңа қуя̄ӷатаӷаҳтык қаюҳлъяк атыси игақылӷӣт қилягми».

От Луки 12:8

«Ынка̄м уңипа̄тамси, китум алңунак уңипа̄скаки сивуңитни югыт хўаңамнун пикнилютың, Иӷныӷанлъю Югым пикнилъықӣ сивуңитни Кияӷныӷым яқулылӷутаңан.

К Филиппийцам 4:3

Қыпҳалгутымни Сизыгус, лъпыклъю каю̄сӣтаҳтикык аӷнак та̄кук та̄қысқылъюкык аӷиванъыӷмың. Ылъкыхкынка қывӯлъютык қыпҳалгусиқақӣлъю Клименталъю, иляңилъю қыпҳалгутынка, қамахлъюта уңипақиңулюта Пинилӷӣның Уңипаның юлӷутыҳлъягнун. Қыпҳалгутма қамахлъютың а̄тҳит игақңа̄т Ига̄кун Уңувалъҳым. Таўантут игани а̄тҳит қамахлъютың кынлыңилңуӷмың уңувалъыңыхкат.

От Иуды 1:24

Кияӷныӷым кылыңаксяҳқақӣси сыӷлыҳқылъыҳқаҳпысиның, сыӷлыҳқылъҳӣтысяҳқақӣсилъю. Ынка̄м қуяҳлъяхлъықуси ныкывыхкуфси сивуңакун ниӷуҳқылъҳан.

Откровение 13:8

Қамахлъюни нунами кияҳлъыҳӣм манигуҳлъықа̄т тыӷикусялъю̄к. Иўырңа тама̄кут а̄тҳит игақңалӷӣт Игӣтхун Уңувалъҳым манигуӷна̄нӷита̄т. Кияӷныӷым игақыхкақӣ а̄тҳит нунаңлъялъҳилъюни. Та̄кут игат пикӣ Пынъӣӷаҳа̄м, югыт туқуткӣта.

Откровение 17:8

Тыӷикусялъю̄к ысҳақан уңуваялӷӣңӯқ, Иўырңа туқука̄гуқ. Маюҳлъықуқ Ся̄мнаңилңуӷмың Ля̄гўа̄ӷмың на̄фқылъыңналюни. Юлгӯқ нунами а̄тҳит игақылъҳилңӯт Игӣтхун Уңувалъҳым нуна пӣнлилъҳилъюку. Тама̄кут югыт ысҳақумыхтыху тыӷикусялъю̄к сяӷӣӷаюхлъықут қаюҳлъяк уңуваялӷӣ, туқукақ иўырңа тагияҳқақ.

Откровение 19:8

Кияӷныӷым а̄сиҳтӯма̄ угӣӷнақылӷӣ пиниӷракыхтамың қатылӷӣмың виссонымың». («Виссон» хўатын писӣгуқ, ылъқуӷутңалӷӣт аныӷныҳқилъҳыт Кияӷныӷым югита пӣқыхкаңит.)

Откровение 2:11

Сигутылгукуфси, нагатыкык Таӷныӷак сямың пӣқуткык ухпықанун! Тама̄кут кая̄лъқӣлӷӣт кая̄лъқӣлъыӷмың, тӯңлиҳа̄н туқулъҳым ақниҳна̄нӷитӣ».

Откровение 2:7

Сигутылгукуфси, нагатыкык Таӷныӷак сямың пӣқуткык ухпықанун! Тама̄кут кая̄лъқӣлӷӣт кая̄лъқӣлъыӷмың ныӷысқылъықанка пӣтыстыка̄ның уқфиган уңувалъҳым, таўанлыңуқ Кияӷныӷым Пӣтысиӷаӷвигани».

Откровение 20:12

Ысҳаӷанкалъю туқуляӷа̄ткат, укалӣўақлъютыңлъю, а̄ңўа̄ӷўа̄қлъютыңлъю аюқылӷӣт. Ныкывӷатңуфтут сивуңани умӣлгусим ақумутаҳлъягым. Та̄хкын игат қылъпыҳтӣт, Игӣ Уңувалъҳым, игақуӷвикыхкат а̄тҳитның тама̄кут уңуваяҳқат қӯнпырухлъяк. Иляңилъю игалӷутыт қылъпыҳтӣт игақуӷвикыхкат туқукат кияҳта̄лъҳитның аюқылӷӣт. Кияӷныӷым нанқихтӣ атуқлъюки игақуқат игатхун.

Откровение 20:15

Китум алңунак а̄тҳа игақумаңилңуқ Ига̄ни Уңувалъҳым, милю̄сима̄т на̄йвам кынӷанун.

Откровение 21:27

Иўырңа ныҳлъягмун итыӷьяҳқа̄нӷитуқ сяңўа̄ сыӷлық, талўа кина алңунак сыӷлыӷнатун писта, налиӷмың иқлъыңиқыста. Иўырңа ныҳлъягмун итыӷьяҳқа̄гут тама̄куңинаҳа̄т а̄тҳит игақңалӷӣт Ига̄кун Уңувалъҳым. Та̄кут Игат Пынъӣӷаҳа̄м пикӣ.

Откровение 22:19

Китум алңунак икувикыхкаки ӯкналиқуткыхкат укуни игани, Кияӷныӷым иқилъықӣ ныңиҳқӣ пӣтыстыкат уқфиганың уңувалъылитикаюгым. Кияҳтысна̄нӷита̄лъю аглыӷналӷӣми ныҳлъягми. Та̄кук апыӷңа̄к укуни игани.

Откровение 3:12

Кая̄лъқӣлӷӣ аӷвыӷақыта̄ҳтыслъықақа Кияӷныӷма Храмыңани, алъямыңлъю а̄на̄нӷитуқ. Ынка̄м лъңакун игақылъықақа а̄тҳа Кияӷныӷма, а̄тҳалъю Кияӷныӷма ныҳлъяган, Иерусалимыӷраӷақ, укилӷӣ қилягмың Кияӷнымның. Лъңакунлъю игақылъықақа атыӷраӷақа.

Откровение 3:4

Паниның қафсиңга̄гут югыт Сардисыми а̄ткатың нукыхнаҳқылъҳилъкаңит. Иглыҳтылгусиҳлъықа̄тңа а̄лъютың қатылӷӣмың а̄ткамың қаюҳлъяк итагналӷӣңӯт.

Откровение 6:11

Та̄хкын ата̄сикаҳтӣта уңувасӣт туқутка̄т қатылӷӣмың аткуя̄литкӣт, мыӷна̄лӣстысқыхкӣтлъю. Таўатын пияҳқа̄гут қаюҳлъяк иляңи ухпықа̄лгутңит, Христосымлъю қыпҳаҳтыңи туқусяҳқа̄гут лъңита туқутылъҳистун. Ынка̄м мыӷна̄линақут кынляңа угляҳталңит на̄мастыката тама̄кут туқусяҳқат.