Откровение 3:4 - Новый Завет на эскимосском языке

⁴ Паниның қафсиңга̄гут югыт Сардисыми а̄ткатың нукыхнаҳқылъҳилъкаңит. Иглыҳтылгусиҳлъықа̄тңа а̄лъютың қатылӷӣмың а̄ткамың қаюҳлъяк итагналӷӣңӯт.

Откровение 3:4 Iomraidhean Croise

От Матфея 10:11

Селениянун налиӷмың нунаҳаӷмун ка̄нъыҳпысини иваӷӣқитык китумың пинилӷӣмың ынка̄м лъңанитақитык кынляңа аӷуляқсяҳқа̄ҳтылъыҳпысинун.

От Марка 16:5

Лъивыӷмун итыӷлютың ысҳақа̄т нукалъпигақ қатылӷӣмың аткуя̄лык ақумгалӷӣ аӷынқигныӷани. Аӷнат ынңа̄талъ сяӷӣӷаюкат.

От Луки 20:35

Иўырңа тама̄кут Кияӷныӷым итагнақыхкӣ туқулъыӷмың уңуваҳтӯсяҳқа̄гут, кияҳлъықутлъю нутаӷами нунами, тугутунъа̄нӷитут.

От Луки 21:36

Ынка̄м кылыңатык қӯнпың! Юӷаҳтык анагьяқлъыгысқылъюки тама̄кут қамахлъюки пиката, ныкывьяқлъыгысқылъюси сивуңакун Иӷныӷан Югым».

Деяния 1:15

Та̄хкын қафсинат аӷныӷыт атуӷлюки ухпықат қырңуӷуткат, ынтақун 120ңӯт. Таўани Петырым ныкывлюни пикӣ:

2е Фессалоникийцам 1:5

Тама̄кут ипапиҳқа̄т Кияӷныӷым нанқихтилъҳа ылъқуӷутңалӷӣңӯқ. Ынка̄м Кияӷныӷым а̄пҳӣси итагнаӷнилюси кияҳтысқылъюси Атаныҳпагулъыӷмини қаюҳлъяк икфиқуткыңъукыси.

От Иуды 1:23

Югулитыки акуқақалъҳӯлӷӣстун кынӷыгның. Наңлъыкақлъюки иляңитлъю иўырңа пира̄мсиңўа̄ӷлюси лю̄рақ сыӷлыҳқылъҳистун пӣқся̄ҳтуси. Угумиклъюки сыӷлыҳқылъҳит катам угумикылъыҳпысистун нукыхнаҳқыҳлъякӣт а̄ткатың сыӷлыҳқыңъулютың.

Откровение 1:11

Хўатын пӣқ: «Игақуҳқи игатхун ысҳақаҳтын. Та̄хкын туюӷнакытын ухпықанун қырңуӷуткаюгнун ма̄ӷраӷвинлыгни юӷаӷвигни: Ефесымылңӯт, Смирнамылңӯт, Пергиямылңӯт, Фиатирамылңӯт, Сардисымылңӯт, Филадельфиямылңӯт, Лаодикиямылңӯтлъю».

Откровение 11:13

Таўани пилъыӷми қывӯтыпихлъюни нуна уфсюгутыҳлъяхтуқ; қуляҳқылъҳа ныҳлъягым на̄вуқ. Ынка̄м 7,000 ю̄к туқуқуӷа̄ нунам уфсюгутылъыҳлъяган. Тама̄кут югыт яйўа̄сыкат какава̄та̄тыҳлъяглютың усюқӯҳта̄т Кияӷныӷа қилягым.

Откровение 14:4

Та̄кут югыт нукыхнаҳқумаңилңӯгут аӷнамың атуқилъыҳқун. Малихтақа̄т Пынъӣӷаҳақ навык алңунак пинӷани. Кияӷныӷым югуликақӣ акулңитның нунам юган, тунусяқсюхўа̄ӷӯт Кияӷныӷмунлъю, Пынъӣӷаҳаӷмунлъю.

Откровение 19:14

Қилягмың пилъюўаҳтыңита малихся̄ӷа̄т ӯхлъютың қатылӷӣтхун кӯнитхун, аткуя̄ӷлютың иқаңилңуӷмың қатылӷӣмың виссонымың.

Откровение 19:8

Кияӷныӷым а̄сиҳтӯма̄ угӣӷнақылӷӣ пиниӷракыхтамың қатылӷӣмың виссонымың». («Виссон» хўатын писӣгуқ, ылъқуӷутңалӷӣт аныӷныҳқилъҳыт Кияӷныӷым югита пӣқыхкаңит.)

Откровение 3:18

Тама̄кын апалъюқлъюку уңипа̄тамси аклъюңиӷисқылъюси тукфиҳтыху золото қигыҳтыңъўа̄қақ кыныҳқун, тыңьяҳтуҳтык хўаңамнун. Тукфиӷитыклъю хўаңамның қатылӷӣның а̄тканың ся̄пысқылъюки кайңуналӷӣт амсикаӷмытылъыси. Тукфиӷитыклъю хўаңамның аӷакаҳқамың ийыхпысинун ысҳа̄сягутысқылъюси.

Откровение 3:5

Кая̄лъқӣлӷӣ, лъңистун а̄лъықуқ қатылӷӣмың а̄ткамың. А̄тҳалъю ӷывысна̄нӷитақа Кынлыңилңӯм Уңувалъҳым Ига̄ның. Атамалъю яқулганлъю сивуңитни хўаңамнун пикнилъықақа.

Откровение 4:4

Увитаңани умӣлгусим ақумутаҳлъягым та̄ўа югинақ стамат сӣпнықлъюки умӣлгусит ақумуталӷутыт. Та̄кутхун ақумгатңафтут югинақ стамат сӣпнықлъюки утфат қатылӷӣмың аткуя̄ӷулъютың, золотамыңлъю қаҳпалютың.

Откровение 6:11

Та̄хкын ата̄сикаҳтӣта уңувасӣт туқутка̄т қатылӷӣмың аткуя̄литкӣт, мыӷна̄лӣстысқыхкӣтлъю. Таўатын пияҳқа̄гут қаюҳлъяк иляңи ухпықа̄лгутңит, Христосымлъю қыпҳаҳтыңи туқусяҳқа̄гут лъңита туқутылъҳистун. Ынка̄м мыӷна̄линақут кынляңа угляҳталңит на̄мастыката тама̄кут туқусяҳқат.

Откровение 7:9

Та̄м киңуңаның ысҳаӷанка угляпыста̄ҳлъягыт юлӷутыҳлъягыт китум алңунак кыстыпагниңилъкаңи! Тамаҳӣтның пиңуфтут нуната̄ның, рамкының, югның, улюныңлъю. Ныкывӷатңуфтут умӣлгусим ақумутам, Пынъӣӷаҳа̄млъю сивухкынкун. Қӣпаӷа̄лъютың қатылӷӣның, тугумӣӷлютыңлъю пальмам уқфиган авайӣтның.