Откровение 3:12 - Новый Завет на эскимосском языке

¹² Кая̄лъқӣлӷӣ аӷвыӷақыта̄ҳтыслъықақа Кияӷныӷма Храмыңани, алъямыңлъю а̄на̄нӷитуқ. Ынка̄м лъңакун игақылъықақа а̄тҳа Кияӷныӷма, а̄тҳалъю Кияӷныӷма ныҳлъяган, Иерусалимыӷраӷақ, укилӷӣ қилягмың Кияӷнымның. Лъңакунлъю игақылъықақа атыӷраӷақа.

Откровение 3:12 Iomraidhean Croise

От Марка 12:16

Тӯньятни а̄птыкӣ: «Китум хинақагулъю, а̄тқагулъю уна?» Кӣмсиқа̄т: «Кесарым».

К Галатам 2:9

Ынка̄м та̄кут иглыӷутистыт Иаковым, Петырым, Иоанным ныкывӷатилӷӣт ухпықанун, лӣгика̄т Кияӷныӷмун тунусялисиманилюңа таўатын қыпҳӣсқылъюңа язычнигнун. Тама̄кын апалъюқлъюку Варнавалъю ӣхыпут аӷулятӣт тугуклъиӷнилюку қыпҳа̄ңулъыҳпут язычнигнун, лъңит Иудеянун.

К Ефесянам 3:15

Лъңаңӯқ атиӷилӷӣ тамаҳӣтның ныңлъюгутның қилягмылңуӷныңлъю, нунамылңуӷныңлъю.

К Евреям 12:22

Иўырңа катам лъпыси тагика̄гуси Сионым найӷаҳанун, қилягым Иерусалимыңанун, ныҳлъяганун уңувалӷӣм Кияӷныӷым. Тагика̄гуси кыстыка̄нӷилңуӷнун яқулыгнун қырңуӷутканун қуялъылиҳлъяглюси.

К Евреям 13:14

Нунами хўани қӯнпыкаҳқамың ныҳлъягитукут, иўырңа утақаңўа̄ҳпут ныҳлъяк тагияҳқақ.

1е Иоанна 4:4

Таӷнуҳаӷни, лъпыси Кияӷныӷым пикутаңаның, кая̄лъқыхкақаси тама̄кут қаюҳлъяк илюхпысинилңуқ аҳтуӷьяҳқа̄нӷитаӷаҳтуқ нунамылңуӷмың.

Откровение 14:1

Та̄хкын ысҳаӷақа та̄ўа Пынъӣӷаҳақ ныкывӷалӷӣ На̄йӷами Сионым. Лъңанитутыфтут 144,000 югыт, қагумыхтыхун игақфикыхкат а̄тҳаның, Атаңанлъю а̄тҳаның.

Откровение 17:14

Ынка̄м пилъюўаҳлъықа̄т Пынъӣӷаҳақ. Иўырңа Пынъӣӷаҳа̄м кая̄лъқылъықӣ қаюҳлъяк Атанқыхкаңат атанӷыт, Умӣлъкыхкаңатлъю умӣлгыт. Пынъӣӷаӷаӷмылңӯт туқлъюқа̄гут, накмикыхка̄гут, ата̄сӣӷмылңӯгутлъю».

Откровение 2:11

Сигутылгукуфси, нагатыкык Таӷныӷак сямың пӣқуткык ухпықанун! Тама̄кут кая̄лъқӣлӷӣт кая̄лъқӣлъыӷмың, тӯңлиҳа̄н туқулъҳым ақниҳна̄нӷитӣ».

Откровение 2:17

Сигутылгукуфси, нагатыкык Таӷныӷак сямың пӣқуткык ухпықанун қырңуӷуткаюгның юӷаӷвигни! Маннамың ӣӷңалӷӣмың, манналилъықақа та̄на кая̄лъқӣлӷӣ Туӷныӷаӷмың. Лъңанунлъю тӯнылъықақа қатылӷӣ уйӷак, атыӷраӷаӷмың игақфикыхкақ. Китум алңунак налъюкыхка̄ атық иўырңақун алъхыҳтикаҳӣна̄м уйӷагмың лӣсимака̄».

Откровение 2:7

Сигутылгукуфси, нагатыкык Таӷныӷак сямың пӣқуткык ухпықанун! Тама̄кут кая̄лъқӣлӷӣт кая̄лъқӣлъыӷмың ныӷысқылъықанка пӣтыстыка̄ның уқфиган уңувалъҳым, таўанлыңуқ Кияӷныӷым Пӣтысиӷаӷвигани».

Откровение 21:2

Ысҳаӷақалъю Аглыӷналӷӣ Ныҳлъяк, Иерусалимыӷраӷақ, укилӷӣ Кияӷныӷмың қилягмылңуӷмың. Ныҳлъяк ята̄ҳқылъюни угӣӷнақылӷӣм улъңақылъҳатун угиминун.

Откровение 22:4

Хина̄ ысҳаҳлъықа̄т, а̄тҳалъю қаўӣтхун игақңалъықуқ.

Откровение 3:5

Кая̄лъқӣлӷӣ, лъңистун а̄лъықуқ қатылӷӣмың а̄ткамың. А̄тҳалъю ӷывысна̄нӷитақа Кынлыңилңӯм Уңувалъҳым Ига̄ның. Атамалъю яқулганлъю сивуңитни хўаңамнун пикнилъықақа.