Откровение 3:11 - Новый Завет на эскимосском языке

¹¹ Тагияҳтуҳтуңа. Айыпсюгилъюси ухпықумаңинаҳтыңъа китумун алңунак ўаянӷитысқылъюки қаҳпаси.

Откровение 3:11 Iomraidhean Croise

1е Коринфянам 9:25

Кытанқустыт уляпақут югуситың икнақуҳналюки қаюҳлъяк қаҳпаңьюгақылӷӣт аваямың қуқуңалыгмың. Тама̄кут палиӷьяҳқа̄гут. Иўырңа қаҳпа ухпықат алъхыҳсяҳқа̄т қӯнпыкаҳқа̄гуқ.

К Филиппийцам 4:5

Нуқынъыҳтулъыҳси югым қамахлъюни лӣлъигу. Атанық тагияҳтуңыстаҳтуқ.

2е Тимофею 2:5

Кая̄лъқӣра̄ҳта килга̄қумун малиҳқутақынӷилъкуми лӣлиҳтӯсямыхнун, алъхыӷунъа̄нӷитуқ қаҳпаңаның кая̄лъқӣстым.

2е Тимофею 4:8

Ынка̄м та̄ўа Кияӷныӷым утақӣтңўа̄ хўаңамнун қаҳпаңа ылъқуӷутңалъҳым. Атанӷым ылъқуҳлъюку нанқихтистым акилыҳтуҳлъықа̄ңа Нанқихтилъҳым Аӷныӷани. Хўаңаңина̄хпынаңа иўырңа акилыҳтуҳлъықӣ қамахлъюки тама̄кут қылянылӷӣт тагилъыҳқа̄ның.

От Иакова 1:12

Қуянаҳалык югым нанӷӣқулъыни нуқытуткаюги. Сюфлъюҳтыкумики алъхыҳсяҳқақа̄ акилыҳтӯсяни кынлыңилңуқ уңувалъық, Кияӷныӷым акықусяқыхка̄ тӯнылъықнилюку пиниқистыминун.

От Иакова 5:9

Ухпықа̄лгутымни, сыӷлықӯҳпынаки иляси ынка̄м Атанӷым нанқихныӷилъиси. Лъңаңӯқ Нанқихтиста ка̄сяҳтуңысталӷӣ.

Откровение 1:3

Қуястыка̄гуқ атиҳтулӷӣ игляхтулюни акузитаңитның ӯкналиқылъҳым. Қуястыка̄гутлъю нагалъютың қа̄ткулъҳӣт қаюҳлъяк қантаӷақун тама̄кут пилъықут.

Откровение 16:15

Атанық пӣқ: «Нагатаҳтык! Тагиңӯңа тыглыгнӣҳтытун! Қуянаҳтуқ тыҳумалӷӣ, а̄ткани пӣфтыңъўа̄ӷлюки аюқыхкаңи. Ынка̄м иглыҳна̄нӷитуқ амсикаӷми, кайңусяӷа̄нъа̄нӷитуқлъю тысқагани югыт ысҳақумыхтыху!»

Откровение 2:10

Аликыхпынаки тама̄кут икфиқуткынъақыхкыси. Нагатык! Туӷныӷа̄м иляси анусимиңлъяҳтыснақӣ нанӷӣқуналюси. Ынка̄м икфиқылъықуси қуля аӷныӷнун. Иўырңа ата̄сӣӷмытык, қайўа туқуяҳқа̄ӷңа̄ҳпыси. Таўатын пикуфси, акилыҳтӯсялилъықамси кынлыңилңуӷмың уңувалъыӷмың.

Откровение 2:13

Лӣсимакамси на̄нтыстык, таўантуси Туӷныӷа̄м умӣлгутивиган ақумутахкыни. Хўаңамнун ата̄сӣӷмытуси, ухпықнанилъҳитаҳпысиңалъю. Таўатытка̄гуси талўа Антипа, ата̄сӣӷмылңуқ уңипаҳтыка, кияҳтыңъулюку. Таўани Туӷныӷа̄м кияҳфигани туқуткақа̄т.

Откровение 2:25

иўырңақун ухпықумаңинаҳтыху апыҳтулъыси кынляңа утыӷнилъымнун.

Откровение 22:12

Иисус пӣқ: «Нагатык! Тагияҳтуҳтуңа! Акилыҳтӯсяҳқанка кылъқылъықанка налъяңиҳтуӷналюки югыт кияҳта̄лъҳистун.

Откровение 22:20

Иисусыңӯқ а̄пҳилӷӣ тама̄кын қамахлъютың ипаңунилюки. Пӣқлъю: «Ипапыста̄қ тагияҳтуҳтуңа!» Аминь. Таги, Атанық Иисус!

Откровение 22:7

Иисус пӣқ: «Нагатык! Тагияҳтуҳтуңа! Қуястыка̄гут қа̄ткулъҳӣт ӯкналиқылъыӷнун игақңалӷӣнун укутхун игатхун».

Откровение 3:3

Нықамиклъюки апыҳтӯткат лъпысинун, нагақуқасилъю. Қа̄ткитыки, авутыҳқитыклъю сыӷлыҳқылъыҳпысиның. Иўырңа таҳтунӷилъкуфси, такулъықамси тыглыгнӣҳтытун. Налъюкылъықаҳси қакун тагилъыҳқақа лъпысинун.

Откровение 4:10

югинақ стамат сӣпнықлъюки утфат нӣнӷутақут сивуңакун ақумгалӷӣм умӣлгусим ақумутаҳлъягыхкынун, манигуӷақа̄т кияҳлъыҳӣ қӯнпырухлъяк кынлыңуна̄н. Та̄кут пресвитерыт қаҳпатың матаҳлъюки лъӣқӣт сивуңакун умӣлгусим ақумутаҳлъягыхкынка, ынка̄м илягаӷақут:

Откровение 4:4

Увитаңани умӣлгусим ақумутаҳлъягым та̄ўа югинақ стамат сӣпнықлъюки умӣлгусит ақумуталӷутыт. Та̄кутхун ақумгатңафтут югинақ стамат сӣпнықлъюки утфат қатылӷӣмың аткуя̄ӷулъютың, золотамыңлъю қаҳпалютың.