Откровение 22:2 - Новый Завет на эскимосском языке

² Ма̄қңалӷӣк қука̄кун тумаңан ныҳлъягым. Кӣўык иңлюхтун уқфихтуқак уңувалъылитикаюгның. Тамаҳаӷми уқфик пӣтыстикаюгӯқ плодының танқӣнаҳқун, аюмиқулъыӷми, қуқуңӣтлъю на̄лъҳутусӣфтут нуната̄нун.

Откровение 22:2 Iomraidhean Croise

От Луки 4:18

«Атанӷым Таӷныӷакык хўаңамнитуқ, қаюҳлъяк накмикыхкақа̄ңа Пинилӷӣның Уңипаның уңипақисқылъюңа аклъюмалӷӣнун. Каяхта̄ңа анусимиңлъяӷат итымутысқылъюки, ая̄катлъю ысҳа̄сягутысқылъюки, амьюқыта̄ткысилӷӣтлъю итымутысқылъюки амьюқыта̄ткистыңитның.

1е Петра 2:24

Христосым лъминың катам агля̄ткақӣ сыӷлыҳқылъыпут югусиӷмиклъюки қақӯрамун. Таўатын пика̄гуқ туқумасқылъюта сыӷлыҳқылъыӷмун уңувасқылъюта ылъқуӷутңалъыӷмун. Кӣтиқулъҳакун на̄лъҳутка̄гуси.

Откровение 2:7

Сигутылгукуфси, нагатыкык Таӷныӷак сямың пӣқуткык ухпықанун! Тама̄кут кая̄лъқӣлӷӣт кая̄лъқӣлъыӷмың ныӷысқылъықанка пӣтыстыка̄ның уқфиган уңувалъҳым, таўанлыңуқ Кияӷныӷым Пӣтысиӷаӷвигани».

Откровение 21:21

Қуля ма̄лӷук сӣпнықлъюку амихлъягыт жемчугыңуфтут, тамаҳаӷмың амихлъягыт ата̄симың жемчугмың улима̄ӷуфтут. Ныҳлъягым тӯмңи золотапырыгўа̄ӷуфтут; золото мыӷра̄кыхтыпихлъыҳӣ сиқинӷўа̄ҳтун.

Откровение 21:24

Қамахтыңъўа̄ӷлютың нунам юги кияҳлъықут ниӷугакун кӯкхутңалӷӣкун. Нунамлъю умӣлгита аклъюңитың тагиқӯтӣт ныҳлъягмун.

Откровение 22:1

Та̄хкын яқулгым кылгувика̄ңа кӣўыгның ма̄қылӷӣгның Кияӷныӷымлъю, Пынъӣӷаҳа̄млъю умӣлгусихкынка ақумутахкының. Уңувалъылитикаюгмың мылгык, мыӷра̄кыхтуткалӷӣк кристаллытун.

Откровение 22:14

Қуястыка̄гут тама̄кут аткуя̄тың аӷвикӣт иқаңӣтыслъюки. Тама̄кын апалъюқлъюку ныӷьяҳқа̄ҳтыка̄гут пӣтыстыка̄ның уңувалъылитикаюгым уқфигым. Итыӷьяҳқа̄ҳтыка̄гутлъю ныҳлъягым амихлъягитхун.

Откровение 22:19

Китум алңунак икувикыхкаки ӯкналиқуткыхкат укуни игани, Кияӷныӷым иқилъықӣ ныңиҳқӣ пӣтыстыкат уқфиганың уңувалъылитикаюгым. Кияҳтысна̄нӷита̄лъю аглыӷналӷӣми ныҳлъягми. Та̄кук апыӷңа̄к укуни игани.