Откровение 21:3 - Новый Завет на эскимосском языке

³ Нагақуӷақа ма игляхтупихлъыҳӣ умӣлгусигның ақумутагның пилӷӣ: «Ысҳақаҳуқун, Кияӷныӷым кияҳфига югнитуқ! Кияҳфикылъықӣ ынка̄м лъңит юкылъықӣ. Кияӷнық лъңа катам лъңитнилъықуқ ынка̄м лъңа Кияӷнықылъықа̄т.

Откровение 21:3 Iomraidhean Croise

От Иоанна 1:14

Акузин кымгуҳлъюни акулымнъиткақ. Лъңакун Кияӷнық лӣтыстыңъўа̄қа̄гуқ, лӣтыстыңъўа̄қақа̄лъю пиниқылъыни хўаңкунъун. Ысҳақақаҳпут та̄ўа сыӷлыҳлъягуфтуқ. Сыӷлыҳлъягуфтуқ қаюҳлъяк та̄наңинаҳа̄лӷӣ Иӷныӷа Атам.

От Иоанна 14:23

Иисусым кӣмсиқа̄: «Китум пиниқыхкумиңа қа̄ткылъықӣ апыҳтӯсянка. Атама пиниқылъықа̄ ынка̄м Атакулъҳӣгни такулюку кияҳфикылъықаҳпут.

2е Коринфянам 6:16

Кияӷныңлъяқат манигуӷьяҳқа̄нӷитут Кияӷныӷым Храмыңани. Қаюҳлъяк хўаңкута Храмыкӣлъю уңувалӷӣм Кияӷныӷым, Кияӷнық пика̄лӷӣ: «Лъңитнилъықуңалъю, акулңитнилъықуңалъю; Кияӷнықылъықа̄тңа, лъңитлъю юкылъықанка».

2е Коринфянам 6:18

Атакылъықаҳпысиңа, ынка̄м лъпыси иӷнықылъықамсилъю, паникылъықамсилъю», пӣқ Атанық Аҳтуӷьяҳқаҳа̄нӷилңуқ.

1е Фессалоникийцам 3:11

Кияӷнымта, Атам лъңаның катам, Атанымталъю Иисусым қантаӷақун лъпысинун пияҳқа̄ҳтыслъикут!

К Евреям 11:16

Йыӷлыги пиюкатаӷақақа̄т пиниӷатаӷалӷӣ нуна, қилягмылңуқ. Ынка̄м Кияӷнық кайңуюгигатуқ Кияӷнықнинӷатни. Талўа ята̄ҳқуткақӣ ныҳлъягмың.

К Евреям 8:10

Аӷныӷыт та̄кут киңуңитның уна акықусяӷраӷақ пилъықақа Израилыӷмӣнун, пӣқ Атанық: Лӣлиҳтӯсянка умьюгӣтнун канаҳлъықанка, игақылъықанкалъю қамагун илюңитхун. Кияӷнықылъықа̄тңа, лъңит юкылъықанка.

К Евреям 8:2

Қыпҳа̄тиңӯқ первосвященнигуңулюни святилищами. Та̄на скинияпигӯқ Атанӷым ныкыфтыкақа̄, югым ныкыфтыкақынӷита̄.

Откровение 10:4

Ма̄ӷраӷвинлыгьягыт калъюгыт тыңъа̄хтаӷьята игақнақсяӷанка сямың пилъҳит. Иўырңа нагақуӷақа ма қилягмың пилӷӣ: «Аксяқики ма̄ӷраӷвинлыгьягыт калъюгыт сямың пилъҳит, игақыхпынаки!»

Откровение 10:8

Та̄хкын нагақуқама мым қилягмың алыҳқуӷля̄таӷа̄ңа: «Агляӷлютын тугуки қылъпалңӯт ӣмгат игат ӣханилңӯт яқулгым ныкывӷалӷӣм кылъӣкунлъю, қӯткунлъю».

Откровение 12:10

Та̄хкын нагақуӷақа ма игляхтулюни қилягмың пилӷӣ: «Хўа̄ ка̄сима̄т Кияӷныӷым югулиӷилъҳа, аҳтуӷьяҳқа̄нӷилъҳа, атаныҳпагулъҳалъю, Христосыңанлъю аҳтуӷьяҳқа̄нӷилъҳа. Сялин Туӷныӷақ милю̄тылъҳилъюку қилягмың, аӷныҳтӯма̄н унухтӯма̄н анахутңанӣқӣ ухпықа̄лгутыпут Кияӷныӷмун.

Откровение 21:7

Китум алңунак кая̄лъқӣлӷӣм алъхыҳлъықӣ тама̄кут хўаңамның. Кияӷнықылъықа̄тңа ынка̄м лъңит авақутақылъықанка.

Откровение 22:3

Сяңўа̄ алңунак Кияӷныӷым нанқихтыка̄ аӷью̄ӷьяҳқа̄люку, ныҳлъягмынъа̄нӷитуқ. Кияӷныӷымлъю, Пынъӣӷаҳа̄млъю умӣлгусик ақумутахкыт ныҳлъягмысяҳқа̄гук, Кияӷныӷымлъю қыпҳаҳтыңита манигуҳлъықа̄т.

Откровение 7:15

Тама̄кын апалъюқлъюку ныкывӷатңӯт сивухкыни Кияӷныӷым умӣлгусӣн ақумутахкыни. Манигуӷақа̄т аӷныҳтӯма̄н унухтӯма̄н Храмыңани. Ақумгалӷӣм умӣлгусигни ақумутагни азигутиҳлъықӣ наю̄тңалъыӷминың.