Откровение 21:2 - Новый Завет на эскимосском языке

² Ысҳаӷақалъю Аглыӷналӷӣ Ныҳлъяк, Иерусалимыӷраӷақ, укилӷӣ Кияӷныӷмың қилягмылңуӷмың. Ныҳлъяк ята̄ҳқылъюни угӣӷнақылӷӣм улъңақылъҳатун угиминун.

Откровение 21:2 Iomraidhean Croise

От Иоанна 3:29

Угӣӷнақылӷӣ угикаҳқа̄н лъңан пика̄. Нулиҳтуӷнақылӷӣм илякумта̄ӷа, каютаңа утақӣгақуқ нагасюгнимаӷми мыңаның. Илякумта̄ӷан нагақуныӷминигу мыңа қуяҳлъягақуқ. Таўатыҳпигақ хўаңалъю қуялъқа ӣӷўиҳтуқ.

2е Коринфянам 11:2

Қуңьяӷақуңа Кияӷныӷым қуңьяқылъҳатун лъпыси, қаюҳлъяк тӯнума̄мси Христосымун. Пылюңилңуӷыстун угӣӷнақылӷӣстун а̄ңӷусима̄мси лъңанун, угикысқылъюку лъңина̄.

К Евреям 11:10

Авраам таўатын пика̄гуқ қаюҳлъяк утақӣңулӷӣ кияҳналюни ныҳлъягми тунымаҳтуқами. Кияӷныӷӯқ успықистыңалъю, улимаӷистыңалъю ныҳлъягым.

К Евреям 11:16

Йыӷлыги пиюкатаӷақақа̄т пиниӷатаӷалӷӣ нуна, қилягмылңуқ. Ынка̄м Кияӷнық кайңуюгигатуқ Кияӷнықнинӷатни. Талўа ята̄ҳқуткақӣ ныҳлъягмың.

К Евреям 12:22

Иўырңа катам лъпыси тагика̄гуси Сионым найӷаҳанун, қилягым Иерусалимыңанун, ныҳлъяганун уңувалӷӣм Кияӷныӷым. Тагика̄гуси кыстыка̄нӷилңуӷнун яқулыгнун қырңуӷутканун қуялъылиҳлъяглюси.

К Евреям 13:14

Нунами хўани қӯнпыкаҳқамың ныҳлъягитукут, иўырңа утақаңўа̄ҳпут ныҳлъяк тагияҳқақ.

Откровение 1:1

Хўани игани игақңа̄т Кияӷныӷым алӣҳтыкӣ Иисус Христосымун. Кияӷныӷым алӣҳтыкақӣ лъңанун лӣгикыстысқылъюки қыпҳаҳтыни сяңўа̄т пияҳтуңыстаӷнилюки. Ынка̄м Христосым каяхтыкақа̄ яқулыни қыпҳаҳтыминун Иоаннымун тама̄кут лӣсимакысқылъюки.

Откровение 1:4

Укут посланият Иоаннымың пиңӯт ухпықанун қырңгутқаюгнун ма̄ӷраӷвинлыгни юӷаӷвигни Асиями. Наңлъыхталъықлъю, ныкыхмылъықлъю лъпысинилъик Кияӷныӷмың, ма̄ӷраӷвинлык таӷныӷа̄ның, Иисус Христосымыңлъю. Кияӷныӷӯқ кияҳлъыҳӣ ма̄тын, лъңаңӯқ кияҳлъыҳӣ сивунӷани, лъңаңӯқ тагияҳқақ. (Та̄кут ма̄ӷраӷвинлык таӷныӷат сивуңанитут Кияӷныӷым умӣлгусӣн ақумута̄н.) Иисус Христос ата̄сӣӷмылңӯгуқ лӣсимакиста ипапилъыӷмун. Лъңаңӯқ Кияӷныӷым уңуваҳсюхўа̄қа̄ туқулъыӷмың. Лъңаңӯқ иглыӷутистыңат умӣлгита нунам. Лъңаңӯқ пиниқилӷӣ хўаңкунъың, а̄ўмикунлъю, итымуткақӣлъю сыӷлыҳқылъымнъың. Атаныҳпагулъыӷминитыстӣлъю, священнигаңуҳтыстӣлъюлъю Кияӷныӷминун Атамун. Иисус Христосым алъхыҳлъикык ниӷуҳқылъықлъю, аҳтуӷьяҳқа̄нӷилъықлъю иглыӷутимун қӯнпырухлъяк кынлыңуна̄н! Аминь.

Откровение 1:9

Иоанныңӯңа, ухпықа̄лгуткаҳпысиңа. Икфиқуңа лъпысистун қаюҳлъяк Иисусым Атаныҳпагулъҳан пикӣлъю. Лъңакун икфиқылъыпут нуқытутапут. Агляҳтыстыка̄гуңа қӣҳқамун а̄тқылӷӣ Патмосымың қаюҳлъяк уңипақыхкынка Кияӷныӷым акузитаңи, уңипақлъю Иисусымың аюқылӷӣ.

Откровение 11:2

Иўырңа успутаҳпына̄н Кияӷныӷым Храмыңан уқҳа ыслъята̄нилңуқ, қаюҳлъяк тӯныхка̄гуқ язычнигнун. Тутма̄сҳақнақңўа̄т Аглыӷналӷӣ Ныҳлъяк югыгмалӷу ма̄лӷук сӣпнықлъюку танқини.

Откровение 21:10

Кияӷныӷым Таӷныӷахкынкун яқулгым тугулюңа агля̄та̄ңа ӯсқалъыҳпига̄нун на̄йӷам. Таўани кылгута̄ Иерусалим, Аглыӷналӷӣ Ныҳлъяк укилӷӣ Кияӷныӷмың қилягмылңуӷмың.

Откровение 21:9

Та̄хкын яқулгыт ма̄ӷраӷвинлыгның сягнылгыт ыслъықңалӷӣның киңулиӷның сыӷлылӣлъыҳлъягның, ата̄сим та̄куның такўа̄ңа. Пӣңа: «Таги, кылгувикнақамкын Угӣӷнақылӷӣмың, нулӣҳқа̄ Пынъӣӷаҳа̄м».

Откровение 22:17

Таӷныӷаклъю, Угӣӷнақылӷӣлъю пӣк: «Таги!» Тамаҳаӷмилъю нагалъҳӣ пили: «Таги!» Кина алңунак мықсюлӷӣ тагили; тугуклъиӷлигу акиңилңуқ мық уңувалъылитикаюк.

Откровение 22:19

Китум алңунак икувикыхкаки ӯкналиқуткыхкат укуни игани, Кияӷныӷым иқилъықӣ ныңиҳқӣ пӣтыстыкат уқфиганың уңувалъылитикаюгым. Кияҳтысна̄нӷита̄лъю аглыӷналӷӣми ныҳлъягми. Та̄кук апыӷңа̄к укуни игани.

Откровение 3:12

Кая̄лъқӣлӷӣ аӷвыӷақыта̄ҳтыслъықақа Кияӷныӷма Храмыңани, алъямыңлъю а̄на̄нӷитуқ. Ынка̄м лъңакун игақылъықақа а̄тҳа Кияӷныӷма, а̄тҳалъю Кияӷныӷма ныҳлъяган, Иерусалимыӷраӷақ, укилӷӣ қилягмың Кияӷнымның. Лъңакунлъю игақылъықақа атыӷраӷақа.