Откровение 2:7 - Новый Завет на эскимосском языке

⁷ Сигутылгукуфси, нагатыкык Таӷныӷак сямың пӣқуткык ухпықанун! Тама̄кут кая̄лъқӣлӷӣт кая̄лъқӣлъыӷмың ныӷысқылъықанка пӣтыстыка̄ның уқфиган уңувалъҳым, таўанлыңуқ Кияӷныӷым Пӣтысиӷаӷвигани».

Откровение 2:7 Iomraidhean Croise

От Матфея 11:15

Сигутылгӯси, нагатык!

От Матфея 13:43

Та̄хкын Кияӷныӷым юги кӯкхулъықут сиқиныҳтун Атаныҳпагулъҳани Атамың. Сигутылгӯси, нагатык!»

От Матфея 13:9

Сигутылгӯси, нагатык!»

От Марка 4:9

Иисусым та̄қниқӣ хўатын: «Сигутылгукуфси нагатусиҳқамың, нагатык!»

От Марка 7:15

Ю̄к ныӷыхка̄н нукыхнаҳқигата̄, сыӷлытун сюмыҳтаӷалъҳан, сялъҳанлъю нукыхнаҳқақа̄.

От Марка 7:16

Сигутылгукуфси нагатусиҳқамың, нагатык!»

От Луки 23:43

Иисусым пика̄: «Ипа уңипа̄тамкын, аӷныӷми хўани хўаңамнилъықутын Райеми».

От Луки 8:8

Ынка̄м иляңи пӣтутыт тыкиткат сюнакыхтакун, пӣтыстикат пинилӷӣның нунивахсыӷаӷның. Тамаҳаӷмың тама̄кут ю̄к талъиматкаҳта̄н пӣтутыңақут». Иисусым акузилъыни та̄қниқӣ: «Сигутылгӯси, нагатык!»

От Иоанна 16:33

Уңипа̄тамси тама̄кын ныкыхмылъылгусқылъюси хўаңамкун. Нунами хўани сыӷлылӣҳлъықуси иўырңа илютулюси қаюҳлъяк кая̄лъқыхкақақа нуна».

1е Коринфянам 2:10

Иўырңа Кияӷныӷым лӣгикыстыкақӣ хўаңкунъун Аглыӷналӷӣгныкун Таӷныӷагмикун. Таӷныӷам ювӷӣӷақа̄ сяңўа̄ тамаҳа̄н, талўа Кияӷныӷым қа̄мнарухлъяганилңӯт.

2е Коринфянам 12:4

Таўани нагаткақӣ сяңўа̄т апыӷьяҳқа̄нӷилңӯт. Тама̄кут ӣнӷутка̄гут югмун акузиткысяҳқа̄лютың.

1е Иоанна 2:13

Атани, письмоӷақамси қаюҳлъяк лӣсимакыхкыси лъңа пӣнлиӷьюхўа̄лъыӷмың аюқылӷӣ. Нукалъпигани, письмоӷақамси қаюҳлъяк кая̄лъқыхкақыхкыси Туӷныӷақ. Таӷнуҳаӷни, письмоӷақамси қаюҳлъяк лӣсимакыхкыси Ата.

Откровение 13:9

Нагатык, сигутылгукуфси:

Откровение 14:13

Та̄хкын нагақуӷақа қилягмың ма пилӷӣ: «Игақигу уна: Хўакын кынлыклъюку қуясяҳқа̄гут туқуяҳқат қыпҳа̄сималюку Атанық!» Таӷныӷак пӣк: «Қуянапыста̄ҳтут! Мыӷна̄лилъықут уӷлыӷӣлъыӷмыхның, югыт нықамикылъықӣт аныӷныҳқилъҳит».

Откровение 15:2

Та̄хкын ысҳаӷақа кылъӣсюгнилңуқ мыӷра̄кыхтақ сиқинўа̄ӷыстун, акумңалӷӣ кыныӷмың. Ысҳаӷанкалъю кая̄лъқӣкат тыӷикусялъю̄гмың, наңаӷныӷаның, а̄тҳанлъю числоңаның. Ныкывӷатңуфтут ся̄ӷўаӷни кылъӣм, гуслилиҳтӯлъютың Кияӷныӷым тӯныхкӣтның лъңитнун.

Откровение 2:11

Сигутылгукуфси, нагатыкык Таӷныӷак сямың пӣқуткык ухпықанун! Тама̄кут кая̄лъқӣлӷӣт кая̄лъқӣлъыӷмың, тӯңлиҳа̄н туқулъҳым ақниҳна̄нӷитӣ».

Откровение 2:17

Сигутылгукуфси, нагатыкык Таӷныӷак сямың пӣқуткык ухпықанун қырңуӷуткаюгның юӷаӷвигни! Маннамың ӣӷңалӷӣмың, манналилъықақа та̄на кая̄лъқӣлӷӣ Туӷныӷаӷмың. Лъңанунлъю тӯнылъықақа қатылӷӣ уйӷак, атыӷраӷаӷмың игақфикыхкақ. Китум алңунак налъюкыхка̄ атық иўырңақун алъхыҳтикаҳӣна̄м уйӷагмың лӣсимака̄».

Откровение 21:7

Китум алңунак кая̄лъқӣлӷӣм алъхыҳлъықӣ тама̄кут хўаңамның. Кияӷнықылъықа̄тңа ынка̄м лъңит авақутақылъықанка.

Откровение 22:14

Қуястыка̄гут тама̄кут аткуя̄тың аӷвикӣт иқаңӣтыслъюки. Тама̄кын апалъюқлъюку ныӷьяҳқа̄ҳтыка̄гут пӣтыстыка̄ның уңувалъылитикаюгым уқфигым. Итыӷьяҳқа̄ҳтыка̄гутлъю ныҳлъягым амихлъягитхун.

Откровение 22:17

Таӷныӷаклъю, Угӣӷнақылӷӣлъю пӣк: «Таги!» Тамаҳаӷмилъю нагалъҳӣ пили: «Таги!» Кина алңунак мықсюлӷӣ тагили; тугуклъиӷлигу акиңилңуқ мық уңувалъылитикаюк.

Откровение 22:2

Ма̄қңалӷӣк қука̄кун тумаңан ныҳлъягым. Кӣўык иңлюхтун уқфихтуқак уңувалъылитикаюгның. Тамаҳаӷми уқфик пӣтыстикаюгӯқ плодының танқӣнаҳқун, аюмиқулъыӷми, қуқуңӣтлъю на̄лъҳутусӣфтут нуната̄нун.