Откровение 2:5 - Новый Завет на эскимосском языке

⁵ Тама̄кын апалъюқлъюку пуйгухпына̄н пиниқыҳлъягьяқыфсиңа, ухпықа̄лгутысилъю. Пиниқнаниӷаҳпысиңа пӣқылъыҳпысистун. Ынка̄м авутыҳқитык. Пиниқынқихтикут пиниқсюххуа̄лъыҳпысистун. Авутыҳқынӷилъкуфси, такулюси иқилъықақа кынылӷутаҳпыси туныма̄ ныңаның.

Откровение 2:5 Iomraidhean Croise

От Матфея 5:14

Ниӷугыстун аюқуси нунам югани. Ныҳлъяк қымим қа̄йңанилңуқ талюӷңаяҳқа̄нӷитуқ.

От Матфея 5:15

Талўа китум алңунак кынылӷутак кумаҳлъюкык сягныӷмун асиңӣнъа̄нӷита̄к. Итупилъ қӯлвақун лъилъықа̄к ниӷугутысқылъюкык тамаҳа̄нун илюңанилңуӷнун.

От Марка 12:9

Иисусым а̄птыкӣ: «Сялъықаңʼңам пӣтысӣӷаӷвилык? Тагилюни навӷитивикыхкақсяқынъи та̄кут туқуқуӷлюки, ынка̄м пӣтысӣӷаӷвини алъянун навӷилъықа̄.

От Луки 1:17

Лъңа сивуклъюни қыпҳаҳлъықуқ, та̄хкын Атанық қыпҳаҳлъықуқ. Лъңа ата̄сигның таӷныӷалгулъықуқлъю, аҳтуӷьяҳқа̄нӷилъылгулъықуқлъю ӯкналиқистытун Илиятун. Атанун сюмыҳтаӷа̄ткысягутыслъықӣ авақутӣт, қа̄ткусигалңӯтлъю налъҳусяӷнақңўӣ пыҳқинылъыӷмун Кияӷныӷым ылъқуӷутңалъҳанун. Ынка̄м ята̄ҳқылъықӣ югыт Атанӷым тагилъыҳқа̄нун».

От Луки 20:16

Тагилюни туқуқуҳлъықӣ, ынка̄м пӣтысиӷаӷвини тӯнылъықа̄ иляңитнун». Нагасямыхтыху таўатын пилӷӣ, пика̄т: «Кияӷныӷым таўатылъюку апыӷӣҳтысныӷилъигу!»

К Галатам 5:4

Лӣлиҳтӯсятхун налъҳусяҳтыснақуткыхкуфси Кияӷныӷым ылъқуӷутңалъҳанун, а̄флъықуси лъпысиның Христосымың, унилъықаҳсилъю Кияӷныӷым наңлъыхталъҳа.

К Филиппийцам 2:15

Ынка̄м авутңилъықусилъю, пылюңилъықусилъю. Кияӷныӷым авақутӣ авутңисяҳқа̄гут кияҳтыңъулютың акулңитни пӯҳтинӷытлъю, сыӷлыҳқыстытлъю. Кӯкхутыпыста̄ӷьяҳқа̄гуси иӷалықыта̄ӷыстун нунами,

К Евреям 10:32

Нықамикыхкыси тама̄кут аӷныӷыт сивунӷани лӣсюхўа̄ӷақңафсигу ипапилъық Христосымың аюқылӷӣ. Аӷулӣтка̄гуси ата̄сӣӷмылъюси қайўа икфиқыҳлъяӷңа̄ҳпыси.

2е Петра 3:17

Илякумта̄мни, лӣсимакутыхпысиның ся̄қутаңи қа̄ткусигалңӯт лӣлиҳтӯсянун, кылыңатык. Аӷуляқутыстыхпынаси анахутңалӷӣнун апыҳтуӷилъҳитнун. Таўатын пикуфси малӷуклъина̄нӷитуси ухпықыхкаҳпысиның.

От Иуды 1:24

Кияӷныӷым кылыңаксяҳқақӣси сыӷлыҳқылъыҳқаҳпысиның, сыӷлыҳқылъҳӣтысяҳқақӣсилъю. Ынка̄м қуяҳлъяхлъықуси ныкывыхкуфси сивуңакун ниӷуҳқылъҳан.

Откровение 1:20

Ысҳаӷатын ма̄ӷраӷвинлык иӷалықыта̄ӷыт аӷынқигныӷма ӣханилңӯт, ма̄ӷраӷвинлыклъю золотат кынылӷутат тунымӣт, та̄кут сямың писӣтаңи сялин қайвиҳтылъҳитут. Хўатын писӣгут: Ма̄ӷраӷвинлык иӷалықыта̄ӷыт яқулгӯт. Кияӷныӷым уңипаҳтыкӣ ухпықанун қырңуӷуткаюгның ма̄ӷраӷвинлыгни юӷаӷвигни. Ма̄ӷраӷвинлык кынылӷутам тунымӣ та̄куңӯт ма̄ӷраӷвинлык юӷаӷвигыт».

Откровение 16:9

Сиқинӷым угуқнаҳлъяган паныҳтыстӣ югыт. Ынка̄м сяңӯҳтыҳлъяга̄т а̄тҳа Кияӷныӷым, иглыӷутистыңутаңаның тама̄вык сыӷлылӣлъыҳлъягнун. Авутыҳқынӷитутлъю, усюқынӷита̄тлъю Кияӷныӷым а̄ңылъыҳлъяга.

Откровение 2:16

Авутыҳқылъюси сыӷлыҳқынъаниҳтык! Пинӷилъкуфси қантаӷақун такулъықамси. Та̄хкын пилъюўаҳлъықанка тама̄кут югыт сявихпагмың қанымнилңуӷмың.

Откровение 2:19

Лӣсимакамси ся̄лъыҳси. Лӣсимакақа пиниқылъыҳси, ухпықылъыҳси, қыпҳа̄тилъыҳси, нуқытутилъыҳсилъю. Лӣсимаканка тама̄кут ўата пӣқаси сивунӷани пӣқылъыҳпысиның.

Откровение 2:2

Лӣсимакамси ся̄лъыҳси, уӷлыӷӣлӷӣси, ӣлъқаюнӷитылъыҳсилъю. Лӣсимакамсилъю тугуклъӣгатаси сыӷлыӷыт югыт, иўырңа апостолыңунилӷӣт лӣтақаси ысҳапаглюки тымңиңутаңи. Та̄ўа лӣтаси иқлъыңиқыстыңӯт.

Откровение 3:19

Тама̄кут пиниқыхканка налъҳусяӷақанка, аӷью̄ӷақанкалъю. Ынка̄м сягиқныӷуҳтык, авутыҳқылъюси сыӷлыҳқынъаниҳтык.