Откровение 2:10 - Новый Завет на эскимосском языке

¹⁰ Аликыхпынаки тама̄кут икфиқуткынъақыхкыси. Нагатык! Туӷныӷа̄м иляси анусимиңлъяҳтыснақӣ нанӷӣқуналюси. Ынка̄м икфиқылъықуси қуля аӷныӷнун. Иўырңа ата̄сӣӷмытык, қайўа туқуяҳқа̄ӷңа̄ҳпыси. Таўатын пикуфси, акилыҳтӯсялилъықамси кынлыңилңуӷмың уңувалъыӷмың.

Откровение 2:10 Iomraidhean Croise

От Матфея 10:22

Хўаңамның апалъюқлъюси югым қамахлъюни угумикылъықӣси. Иўырңа нуқынъыҳтуқат кынляңа кынлымун югулилъыңьяҳқа̄гут.

От Матфея 10:28

Ынка̄м аликыхпынаки югыт туқутикаюгыт югусиҳӣнаӷмың иўырңа туқутина̄нӷитут уңувасимың. Итупилъ аликитыху Кияӷнық, қаюҳлъяк геенами на̄фқӣяҳқа̄гуқ тамаҳа̄хкының югусимыңлъю уңувасимыңлъю.

От Матфея 24:13

Иўырңа кина алңунак нуқынъыҳтуқақ кынлымун югулилъыңьяҳқа̄гуқ.

От Марка 13:13

Хўаңа апалъюқлъюңа қамахлъюни югым угумӣлъықӣси. Иўырңа кина алңунак нуқынъыҳтуқақ кынлымун югулилъыңьяҳқа̄гуқ».

От Марка 8:35

Китум алңунак югулиюкумигу уңувалъыни ифлъяяҳқақа̄. Иўырңа китум алңунак ифлъякумигу уңувалъыни хўаңа апалъюқлъюңа, Пинилӷӣтлъю Уңипат апалъюқлъюки югулияҳқақа̄.

От Луки 21:12

Иўырңа қамахлъюки тама̄кут пистыхпынаки, тугулюси амьюқыта̄ткылъықӣси. Синагоганун агля̄лъюси нанқихлъықӣси ынка̄м анусимиңлъяҳлъықӣси. Агля̄лъықӣси умӣлыгнунлъю правителынунлъю нанқихтысқылъюси хўаңа апалъюқлъюңа.

От Иоанна 12:25

Китум алңунак пиниқыхкумигу уңувалъыни ифлъяяҳқақа̄. Иўырңа китум алңунак угумикыхкумигу уңувалъыни хўани нунами кынлыңилңуӷмың уңувалъыңьяҳқа̄гуқ.

От Иоанна 13:2

Таўани иӷивгаӷми Иисусылъю малихся̄ҳтыкулъҳӣт қырңуӷуткат ныӷналютың. Туӷныӷа̄м апыӷӣқа̄ сюмыҳтаӷа̄ткысқылъық Иуда Искариотымун увыҳпагутысқылъюку Иисус. (Иуда иӷнықыхкаңа Симоным.)

От Иоанна 13:27

Лыган Иудам туўа̄ нықыкшаңлъяқ, Туӷныӷа̄м ӣтқа̄ Иуда. Иисусым пика̄ Иуда: «Та̄на пияҳқан пӣӷаҳтигу».

Деяния 20:24

Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.

Деяния 21:13

Иўырңа Павелым пӣнкут: «Сяңафси қиямаҳпыси таўатын пистыңъа? Сыӷлылӣҳқаҳпысиңа! Хўа̄ апыӷӣӷўа̄ӷлюңа аюқуңа асиҳқысяҳқа̄люңа Иерусалимыми, талўа туқуяҳқа̄люңа апалъюқлъюку Атанық Иисус».

1е Коринфянам 9:25

Кытанқустыт уляпақут югуситың икнақуҳналюки қаюҳлъяк қаҳпаңьюгақылӷӣт аваямың қуқуңалыгмың. Тама̄кут палиӷьяҳқа̄гут. Иўырңа қаҳпа ухпықат алъхыҳсяҳқа̄т қӯнпыкаҳқа̄гуқ.

К Ефесянам 2:2

Таўатысяҳтуси кияҳтыңъулюси нунам сыӷлыӷмун иглыӷныӷанун. Қа̄ткыңъуяӷаҳсилъю иглыӷутистыңат туӷныӷа̄т қилягамылңӯт. Лъңаңӯқ а̄ңылъыҳпигақ туӷныӷақ иглыӷутилӷӣ югның қа̄ткусигалңуӷның Кияӷныӷмун.

К Ефесянам 6:12

Нықамиклъюку, пилъюўа̄ңунӷитапут югыт. Итупилъ пилъюўа̄ңўа̄пут иглыӷутилӷӣт, аҳтуӷьяҳқа̄нӷилъылгыт, иглыӷутилӷӣт нунам мамлыганың, сыӷлыӷытлъю туӷныӷа̄т қиляганилңӯт.

От Иакова 1:12

Қуянаҳалык югым нанӷӣқулъыни нуқытуткаюги. Сюфлъюҳтыкумики алъхыҳсяҳқақа̄ акилыҳтӯсяни кынлыңилңуқ уңувалъық, Кияӷныӷым акықусяқыхка̄ тӯнылъықнилюку пиниқистыминун.

1е Петра 5:4

Ынка̄м Иглыӷутистыңат Пынъӣӷнӣҳтыт тагикан алъхыӷулъықуси пиниӷнапихлъыҳӣмың қаҳпамың қылмыӷӣсяҳқа̄нӷилңуӷмың.

1е Петра 5:8

Лӣсималюси, кылыңалюси. Аңуяхси Туӷныӷақ иглыӷаңӯқ угинилӷӣтун левытун, иваӷӣқуқ кина на̄фқынъалюку.

Откровение 13:14

Тӯңлиҳа̄ тыӷикусялъю̄к аҳтуӷьяҳқа̄нӷилъыңуқ алъя̄ҳлъюўаҳтияҳқа̄люни таўантылъҳани сивулӣм тыӷикусялъю̄гым. Тама̄гун алъя̄ҳлъюхўаҳтилъыҳтыхун пӯҳтӣ қамахлъюки югыт кияҳлъыҳӣт нунами. Қылӷӣ югыт наңаӷныңлъӣсқылъюки қӯлвӣсқылъюку сивулиқ тыӷикусялъю̄к. (Та̄на туқутка̄ялӷӣ сявихпахкун иўырңа уңувақақ.)

Откровение 13:2

Та̄на тыӷикусялъю̄к барсысюгнитуқ, итыгӣ кайңым итыга̄тун аюқылӷӣт, қа̄нӷа левым қа̄нӷатун аюқылӷӣ. Драконым тӯна̄ тыӷикусялъю̄к аҳтуӷьяҳқа̄нӷилъыӷминың, умӣлгусигминың ақумутагның, иглыӷутияҳқа̄ҳтыста̄лъю атыни атуқлъюку.

Откровение 13:7

Аҳтуӷьяҳқа̄нӷилъылита̄ пилъюўӣсқылъюки Кияӷныӷым юги, кая̄лъқысқылъюкилъю. Иглыӷусяҳқа̄ҳтыстӣ қамахлъюки рамкыт, югыт, улют, нуната̄нилңӯтлъю югыт.

Откровение 17:14

Ынка̄м пилъюўаҳлъықа̄т Пынъӣӷаҳақ. Иўырңа Пынъӣӷаҳа̄м кая̄лъқылъықӣ қаюҳлъяк Атанқыхкаңат атанӷыт, Умӣлъкыхкаңатлъю умӣлгыт. Пынъӣӷаӷаӷмылңӯт туқлъюқа̄гут, накмикыхка̄гут, ата̄сӣӷмылңӯгутлъю».

Откровение 2:13

Лӣсимакамси на̄нтыстык, таўантуси Туӷныӷа̄м умӣлгутивиган ақумутахкыни. Хўаңамнун ата̄сӣӷмытуси, ухпықнанилъҳитаҳпысиңалъю. Таўатытка̄гуси талўа Антипа, ата̄сӣӷмылңуқ уңипаҳтыка, кияҳтыңъулюку. Таўани Туӷныӷа̄м кияҳфигани туқуткақа̄т.

Откровение 2:9

Лӣсимаканка сыӷлылӣлъыси, аклъюмаңӯсилъю иўырңа аклъюңитуси! Лӣсимакақа сыӷлыӷыт акузитыт иляңита югыт пӣқыхкаңит лъпысинун. Иудеяңунӣқут, Иудеяпигунӷитыӷңа̄ӷмың. Югӯт қырңуӷуткаюгның Туӷныӷа̄м синагогаңани.