Откровение 19:2 - Новый Завет на эскимосском языке

² Лъңан нанқихтилъҳи ипаңӯт, ылъқуӷутңа̄т! Лъңан аӷью̄қақа̄ апыҳсыӷуқ аӷнақ югусиминың акикикаюк қаюҳлъяк нунам юги пистыкаңи блудакун атуқыстақлъюни. Кияӷныӷым акиткақа̄ қаюҳлъяк қыпҳаҳтыңи туқуқуҳтыстыкаңи».

Откровение 19:2 Iomraidhean Croise

Откровение 15:3

Илягаӷақыфтут иляга̄таңаның Моисейем, (Кияӷныӷым қыпҳаҳтыңа), иляга̄таңаныңлъю Пынъӣӷаҳа̄м: «Ка̄й, Атанық Кияӷнық Аҳтуӷьяҳқаҳа̄нӷитыҳлъяк, қыпҳалъыҳтын сыӷлыҳлъягӯт, алъя̄ҳлъюхўаҳлъягӯт! Ка̄й, умӣлгат нунам югита, лъпык сялъыҳтын ылъқуӷутңа̄тлъю, ипаңӯтлъю!

Откровение 18:20

Та̄хкын қилягмың кина пӣқ: «Ка̄й қилягмылңуӷни, қуякитыху қаюҳлъяк Кияӷныӷым на̄фқа̄ Вавилон! Қуятык Кияӷныӷым югитни, апостолыни, ӯкналиқистынилъю! Кияӷныӷым аӷью̄ӷа̄ қаюҳлъяк сыӷлытун пикақыхкаңиси!»

Откровение 18:3

Вавилоным атуқилъҳа блудамың винотун аюқуқ, нунатаҳа̄н тамаҳа̄н мыӷа̄. Нунам умӣлгита атуқақа̄т, нунамлъю акилъпыгаҳтыңита аклъюңиӷисиқңўа̄т нуқытусяҳқа̄нӷилңуҳқун блудам атуқиюлъҳакун».

Откровение 6:10

Акилӷӯҳлъяхтут: «Ка̄й Аҳтуӷьяҳқаҳа̄нӷитыҳлъяк Атанық, аглыӷнаҳтутынлъю, ипапигӯтынлъю! Тама̄кут нунам юги туқуқуқат хўаңкунъың, натын тахка̄н утақӣнъақсики нанқихсяҳқа̄люкилъю, аӷью̄ӷьяҳқа̄люкилъю?»