Откровение 17:2 - Новый Завет на эскимосском языке

² Нунам умӣлги сыӷлыҳқақут атуқақлъюку аӷнақ. Сыӷлыӷыт атуқистилъҳи винотун аюқут, ынка̄м нунам юги сю̄мақут мыныӷмыхтыху виноңа».

Откровение 17:2 Iomraidhean Croise

От Иоанна 2:10

пика̄: «Тамаҳаӷми кияң пинилӷӣмың виномың атуқақуқ сивуклъюни ынка̄м ақылъқат кыпсю̄нъыӷата тама̄на аҳся̄н аюқылӷӣ вино киңулӣлюку атуӷақа̄т. Иўырңа пинилъҳа вином атуқумаңисимазигу сивуклъюку».

Откровение 14:8

Тӯңлиҳа̄н яқулгым малихта̄ сивулиқ, хўатын пимаӷми: «На̄вума̄қ! Вавилоныҳлъяк на̄вума̄қ! Вавилоным атуқилъҳа блудамың винотун аюқуқ. Виноминың мыӷысқуӷӣ қамахлъюки нунам юги, ынка̄м лъңиталъю блуд атуқсягута̄т. Ынка̄м таўатын пилъыӷмыхтыхун Кияӷныӷмун аӷью̄ҳтыслъықут».

Откровение 17:13

Та̄кут ата̄сиқ умьюгақлъюку тӯнылъықӣт тыӷикусялъю̄гмун аҳтуӷьяҳқа̄нӷилъытыңлъю, пилъыҳқатыңлъю.

Откровение 17:17

Та̄кут қуля сиӷунӷыт таўатын пика̄гут қаюҳлъяк Кияӷныӷым лъңитнун атуқыстыкақа̄ пиюкылъыни. Аңыҳқуматка̄гутлъю тӯналюки атаныҳпагулъытың тыӷикусялъю̄гмун. Таўатын пика̄гут кынляңа Кияӷныӷым пиюкылъҳа апыӷӣлъҳанун.

Откровение 17:5

Қаўа̄ни игақңафтуқ атық қайвиҳсимаңилңуқ хўатын писиқ: Апыҳсыӷуқ Вавилон, на̄ка̄т югусимыхның акикикаюгыт аӷнат, сыӷлыӷналъҳаныңлъю нунам.

Откровение 17:8

Тыӷикусялъю̄к ысҳақан уңуваялӷӣңӯқ, Иўырңа туқука̄гуқ. Маюҳлъықуқ Ся̄мнаңилңуӷмың Ля̄гўа̄ӷмың на̄фқылъыңналюни. Юлгӯқ нунами а̄тҳит игақылъҳилңӯт Игӣтхун Уңувалъҳым нуна пӣнлилъҳилъюку. Тама̄кут югыт ысҳақумыхтыху тыӷикусялъю̄к сяӷӣӷаюхлъықут қаюҳлъяк уңуваялӷӣ, туқукақ иўырңа тагияҳқақ.

Откровение 18:23

Кынылӷутам ниӷуга кӯкхунъа̄ниӷнақуқ лъпыни. Мыңик нулиҳтуӷнақылӷӣмлъю угӣӷнақылӷӣмлъю нагақуӷнаниӷнақук лъпыни. Акилъпыгаҳтытын аҳтӣгатңўа̄ӷьяҳтут нунатаҳа̄ни тамаҳа̄ни. Алигнаҳта̄лъыҳпыгун пӯҳқуқақатын қамахтыңъўа̄ӷлюки нунам юги!

Откровение 18:3

Вавилоным атуқилъҳа блудамың винотун аюқуқ, нунатаҳа̄н тамаҳа̄н мыӷа̄. Нунам умӣлгита атуқақа̄т, нунамлъю акилъпыгаҳтыңита аклъюңиӷисиқңўа̄т нуқытусяҳқа̄нӷилңуҳқун блудам атуқиюлъҳакун».

Откровение 18:9

Нунам умӣлги иляткат атуқилъҳанунлъю, қилӣӷьюлъҳанунлъю, ысҳақумыхтыху агыпся̄ панылъҳан қиякылъықа̄т, игляхтупихлъютыңлъю қиякыҳлъяхлъықа̄т.

Откровение 2:22

Ӣи! Милю̄нъақақа қаваӷвигмун таўани икфиқысқылъюку. Малигулъюки лъңанун милю̄лъықанка тама̄кут гылгаӷнӣлгутаңи ынка̄м икфиқыстыҳлъяхлъықанка. Таўатын пилъықуңа ўыткуқун авутыҳкыхката сыӷлытун пилъҳитның.

Откровение 3:10

Қылъқақамси нуқытысқылъюси. Қа̄ткыхкақутыхпысиның қылӷилъқа пақнӣҳсяҳлъықамси сыӷлылӣлъыӷның ка̄нъақылӷӣның нунатаҳаӷының тамаҳа̄ның. Тама̄кут сыӷлылӣлъҳыт нанӷӣқулъықӣт қамахлъюки югыт кияҳлъыҳӣт нунами.

Откровение 9:21

Талўа авутыҳқуткумаңилъкаңит юхталъытың, алигнаҳта̄лъытың, ныңуҳтыхпынатың атуқутылъыҳтың, налиӷмың тыглыгнӣлъытың.