Откровение 15:2 - Новый Завет на эскимосском языке

² Та̄хкын ысҳаӷақа кылъӣсюгнилңуқ мыӷра̄кыхтақ сиқинўа̄ӷыстун, акумңалӷӣ кыныӷмың. Ысҳаӷанкалъю кая̄лъқӣкат тыӷикусялъю̄гмың, наңаӷныӷаның, а̄тҳанлъю числоңаның. Ныкывӷатңуфтут ся̄ӷўаӷни кылъӣм, гуслилиҳтӯлъютың Кияӷныӷым тӯныхкӣтның лъңитнун.

Откровение 15:2 Iomraidhean Croise

От Матфея 3:11

Мыҳқун крестиӷаӷӣқуңа авутыҳкыхканун сыӷлыҳқылъыӷмыхның. Иўырңа тагияҳқам киңумның крестиӷылъықӣси Аглыӷналӷӣгныңлъю Таӷныӷагның, кыныӷмыңлъю. Аҳтуӷьяҳқа̄нӷитыҳлъяхтуқ хўаңамның, рыпалъ талўа камыхкык тугумӣқыпагниңитахка.

1е Петра 1:7

Тама̄кут сыӷлылӣӷыт нанӷӣқусӣгут ипапиҳқынъалюси ухпықилъыпӣлгутси. Ухпықилъыҳси мыгнунаӷатаӷалӷӣңуқ калмылӷимың. Калмылӷит нанӷӣқуныӷмыхтыки кыныҳқун на̄фқыхкаюгӯт. Паниның кынӷыт атуқақӣт пылюңиӷналюки. Таўатыҳпигақ ухпықилъыҳси нанӷӣқуяҳқа̄гуқ. Аӷулӣскан пылюңилъюни, алъхыҳлъықаҳси усюқилъық, ниӷуҳқылъық, қӯлвалъық Кияӷныӷмың алӣҳтыкагу Иисус Христос.

1е Петра 4:12

Пиниқыхкамни илякумта̄мни, қӯвьюхпынаси сыӷлылӣӷрукута̄ҳлъягыт ка̄скаңиси нанӷӣҳсяӷаӷналюси. Нанӷӣҳсяӷалъыси алъяка̄ягунӷитут.

Откровение 12:11

Ухпықа̄лгутымта кая̄лъқума̄т а̄ўакун Пынъӣӷаҳа̄м, уңипақылъыӷмыхтыхунлъю Кияӷныӷым ипапиҳқылъҳа. Талўа туқуяӷңа̄ӷмың аюқут Христос апалъюқлъюку.

Откровение 13:1

Та̄хкын ысҳаӷақа тыӷикусялъю̄к а̄нылӷӣ кылъӣмың. Қуляңуфтут сиӷунӷи, ма̄ӷраӷвинлык на̄сқулык. Қамахлъютың сиӷунӷи қаҳпалгутутыфтут, тамаҳаӷмың на̄сқут игақуӷвикңафтут атыӷмың сыӷлықӯлӷӣмың Кияӷныӷмун.

Откровение 13:14

Тӯңлиҳа̄ тыӷикусялъю̄к аҳтуӷьяҳқа̄нӷилъыңуқ алъя̄ҳлъюўаҳтияҳқа̄люни таўантылъҳани сивулӣм тыӷикусялъю̄гым. Тама̄гун алъя̄ҳлъюхўаҳтилъыҳтыхун пӯҳтӣ қамахлъюки югыт кияҳлъыҳӣт нунами. Қылӷӣ югыт наңаӷныңлъӣсқылъюки қӯлвӣсқылъюку сивулиқ тыӷикусялъю̄к. (Та̄на туқутка̄ялӷӣ сявихпахкун иўырңа уңувақақ.)

Откровение 13:17

Кина алңунак тукфиӷияҳқа̄нӷитуқ налиӷмың акикияҳқа̄нӷитуқ ўыткуқун налъюнӣлъылгукуми. Та̄на налъюнӣлъкутақ тыӷикусялъю̄гым а̄тқа̄ налиӷмың а̄тҳан числока̄.

Откровение 21:18

Миңлъютаңа улима̄ӷуфтуқ ясписымың. Ныҳлъяк улима̄ӷуфтуқ золотапырыгўа̄ӷмың. Маникаҳқақ мыӷра̄кыхтыпихлъыҳӣ сиқинӷўа̄ҳтун.

Откровение 4:6

Умӣлгусим ақумутаҳлъягым сивухкыни та̄ўа кылъӣсюгнилңуқ қыргыся, мыӷра̄кыхтақ кристаллыстун. Умӣлгусим ақумутаҳлъягым увитаңани, тамаҳӣтни сянихкыни, та̄ўа стамат Уңувалӷӣт, ийыҳлъягуфтут ся̄ймыхтыхунлъю, ақсягымыхтыхунлъю.

Откровение 5:8

Тугуяки ӣмгат игат, та̄кут стамат уңувалӷӣт, югинақлъю стамат сӣпнықлъюку пресвитерыт сыкықӯтут нунамун сивуңакун Пынъӣӷаҳа̄м. Тамаҳаӷмың тугумӣқлъютың гуслимың, золотамыңлъю сягныҳаӷның ыслъықңалӷӣт фимиамымың. Фимиамыт юӷақӣт Кияӷныӷым югита.