Откровение 15:1 - Новый Завет на эскимосском языке

¹ Та̄хкын қилягами алӣҳтуқ сяңўа̄ сяӷӣӷанапихлъыҳӣ лӣсимакусиҳқаҳпут пияҳқамун. Та̄ўа ма̄ӷраӷвинлык яқулгыт, тагитилӷӣт ма̄ӷраӷвинлыгның сыӷлылӣлъыҳлъягның. Та̄кут сыӷлылӣлъыҳлъягыт та̄қнӣткыфтӣ Кияӷныӷым сякша̄лъыҳлъяган.

Откровение 15:1 Iomraidhean Croise

Откровение 10:3

Игляхтупихлъюни акилӷӯгуқ левым уўиҳнӣлъҳастун. Акилӷӯҳлъягьян ма̄раӷвинлыгьягыт калъюгыт тыңъа̄хтаҳтут.

Откровение 11:14

Тӯңлиҳа̄ сыӷлыпыста̄ҳлъягым сыӷлылӣлъҳым алъпахтуқ, иўырңа ысҳаҳтыху пиңая̄ сыӷлыпыста̄ҳлъягым сыӷлылӣлъҳым ка̄сяҳтуңыстаҳтуқ.

Откровение 14:10

мыӷьяҳқақа̄ виноңа Кияӷныӷым сякша̄лъҳан. Та̄на вино мылӣмаңилңуқ кӯвыхкақ қаю̄симун Кияӷныӷым сякша̄лъқа̄! Кина алңунак манигӯткақ та̄кугнун икфиқыҳлъягьяҳқа̄гуқ кыныӷмилъю, уқумьягмилъю, сивуңитни аглыӷналӷӣтни яқулгыт, Пынъӣӷаҳа̄млъю.

Откровение 14:19

Ынка̄м ягулгым пакшыгмылңуқ сявини сяқипхута̄ нунамун, кыпуӷӣ виноградыт нунам лозаңаның. Та̄хкын милюқутақӣ виноградым қагыҳқӯсиҳлъяганун. Та̄наңӯқ Кияӷныӷым сякшитфихлъяга.

Откровение 16:1

Та̄хкын Храмымың нагақуӷақа игляхтулӷӣ ма, уңипа̄скаңи ма̄ӷраӷвинлык яқулгыт: «Кӯвьяҳтуҳтыки нунамун ма̄ӷраӷвинлык сягныӷыт Кияӷныӷым сякша̄лъыҳлъяги!»

Откровение 17:1

Та̄хкын яқулгыт ма̄ӷраӷвинлыгның сягнылгыт, та̄куның ата̄сим такулюңа пӣңа: «Таги, кылгувикнақамкын аӷью̄лъыҳқа̄ның апыҳсыӷӯм аӷнам югусиминың акикикаюгым, ақумгалӷӣ мыҳлъяхтыхун.

Откровение 19:15

Қа̄нӷаның а̄нуқ ипылӷӣ сявихпак, та̄хун қамахтыңъўа̄ӷлюки накумӣт кая̄лъқуҳлъықӣ. Иглыӷулъықӣ сявикынӷаӷмың анагуталиӷлюни. Та̄хкын тутмаҳлъықӣ аңуяни катам югыт тутмаӷақылъҳистун виноградыт қагыҳқӯсигнилңӯт. Та̄на тутмалъық сякша̄лъыҳлъяка̄ Кияӷныӷым Аҳтуӷьяҳқаҳа̄нӷилңӯм.

Откровение 21:9

Та̄хкын яқулгыт ма̄ӷраӷвинлыгның сягнылгыт ыслъықңалӷӣның киңулиӷның сыӷлылӣлъыҳлъягның, ата̄сим та̄куның такўа̄ңа. Пӣңа: «Таги, кылгувикнақамкын Угӣӷнақылӷӣмың, нулӣҳқа̄ Пынъӣӷаҳа̄м».

Откровение 8:13

Ысҳаӷақалъю, нагақуӷақалъю қаўа̄хпак тыңа̄лӷӣ қӯлвани, игляхтулюни пилӷӣ: «Сыӷлыӷўа̄ӷунақңӯқ! Сыӷлыӷўа̄ӷунақңӯқ! Сыӷлыӷўа̄ӷунақңӯқ! Киңулӣт пиңают яқулгыт қалӷиҳнақыхкумыхтыки қалӷиҳта̄тытың, та̄хкын ынңа̄талъ сыӷлыпыста̄ӷунақңӯқ югнун нунами кияҳлъыҳӣт тама̄ни пилъыӷни!»

Откровение 8:2

Та̄хкын ысҳаӷанка та̄кут ма̄ӷраӷвинлык яқулгыт ныкывӷалӷӣт Кияӷныӷым сивуңакун. Тамаҳаӷмың қалӷиҳта̄тыңӯтут.

Откровение 8:6

Та̄хкын ма̄ӷраӷвинлык яқулгыт, қалӷиҳта̄тылгыт ята̄ҳқут қалӷиҳтиналютың.

Откровение 9:20

Иляңи тама̄кут югыт туқутылъҳилъкаңит тама̄кут на̄фқӣлъыҳлъягыт, авутыҳқумаңилңӯт пыхсюгумаңилъкаңит кияӷныңлъяқатың. Манигуӷнанӣмаңитӣт туӷныӷа̄т, кияӷныңлъяқатлъю улима̄ӷыт золотамың, серебромың, сӣлюмың, уйӷагмың, унаҳсимыңлъю. Тама̄кут ысҳа̄сяҳқа̄нӷилңӯт, нагақӯсяҳқа̄нӷилңӯт, налиӷмың пиюгьяҳқа̄нӷилңӯт.