Откровение 14:3 - Новый Завет на эскимосском языке

³ 144,000 югыт ныкывӷатңуфтут сивуңани умӣлгусим ақумутам, стаматлъю уңувалӷӣт, утфатлъю. Та̄кут югыт илягаӷақыфтут иляга̄тыӷраӷаӷмың. Китум алңунак та̄на иляга̄н лӣсяҳқақынӷилъкаңа иўырңақун 144,000 югыт. Лъңаңут Кияӷныӷым югуликӣ қуңаңитның нунам юганың.

Откровение 14:3 Iomraidhean Croise

1е Коринфянам 1:18

Уңипақ Христосым туқулъҳа қақӯракун тымңиңӯқ ифлъянақылӷӣнун. Иўырңа югулилъыңылӷӣни хўаңкута лӣсимакаҳпут Кияӷныӷым аҳтуӷьяҳқа̄нӷилъқа̄.

1е Коринфянам 2:14

Иўырңа кина алңунак алъхыӷусимаңилңуқ Аглыӷналӷӣгның Таӷныӷагның, тугуклъиӷиңигатуқ тунусяның Таӷныӷагның пиның. Тама̄кут тунусят тымңитхўаңӯт лъңани. Лӣгикыпагниңитӣ қаюҳлъяк Аглыӷналӷӣм Таӷныӷам каюсилъҳӣна̄кун лӣгиксяҳқа̄гуқ.

Откровение 14:1

Та̄хкын ысҳаӷақа та̄ўа Пынъӣӷаҳақ ныкывӷалӷӣ На̄йӷами Сионым. Лъңанитутыфтут 144,000 югыт, қагумыхтыхун игақфикыхкат а̄тҳаның, Атаңанлъю а̄тҳаның.

Откровение 15:3

Илягаӷақыфтут иляга̄таңаның Моисейем, (Кияӷныӷым қыпҳаҳтыңа), иляга̄таңаныңлъю Пынъӣӷаҳа̄м: «Ка̄й, Атанық Кияӷнық Аҳтуӷьяҳқаҳа̄нӷитыҳлъяк, қыпҳалъыҳтын сыӷлыҳлъягӯт, алъя̄ҳлъюхўаҳлъягӯт! Ка̄й, умӣлгат нунам югита, лъпык сялъыҳтын ылъқуӷутңа̄тлъю, ипаңӯтлъю!

Откровение 2:17

Сигутылгукуфси, нагатыкык Таӷныӷак сямың пӣқуткык ухпықанун қырңуӷуткаюгның юӷаӷвигни! Маннамың ӣӷңалӷӣмың, манналилъықақа та̄на кая̄лъқӣлӷӣ Туӷныӷаӷмың. Лъңанунлъю тӯнылъықақа қатылӷӣ уйӷак, атыӷраӷаӷмың игақфикыхкақ. Китум алңунак налъюкыхка̄ атық иўырңақун алъхыҳтикаҳӣна̄м уйӷагмың лӣсимака̄».

Откровение 5:9

Илягаҳтут нутаӷамың иляга̄тмың хўатын: «Итагнаҳтутын тугуяҳқа̄люки ӣмгат игат, икуӷьяҳқа̄люкилъю печатыңит. Туқутка̄лӷӣтын, а̄ўапыныңлъю тукфиқақатын югыт Кияӷныӷмун. Лъңит тамаҳӣтның пиңӯт рамкының, улюның, югның, нуната̄ныңлъю.

Откровение 7:4

Та̄хкын нагақуӷанка қафснгутаңи югыт печаталяҳтуқӣт қаўӣтхун. Югыт угляҳталяңит 144,000ңуфтут тамаҳӣтның рамкыңаның Израилым.