Откровение 13:3 - Новый Завет на эскимосском языке

³ Ата̄сиқ на̄сқўа тыӷикусялъю̄гым туқутысюгниткақ кӣтиӷлюни, иўырңа та̄на кӣялъҳа ма̄мыхка̄фтуқ. Ӣңунаҳаӷмың нунам югита сяӷӣӷаягулъюку малихта̄т тыӷикусялъю̄к.

Откровение 13:3 Iomraidhean Croise

От Луки 2:1

Киңуңаның Иоанным алъхылъҳан, тама̄ни пилъыӷни Римым Умӣлыхпига̄н Августым, қылъқа̄ ю̄к қамахтыңъўа̄ӷлюку, а̄тҳит игақыстысяҳтӣсқылъюки игалӷутмикун. Таўатын пистыкӣ кысналюки югыт угляҳталяңит иглыӷуткаминилңӯт нунани.

От Иоанна 12:19

Та̄хкын Фарисеит илятың пикӣт: «Сяңўа̄ тамаҳаӷми анахутңӯқ хўаңкунъун. Ысҳақаҳтыхуқун, ӣңунаҳаӷми югым малихтыңъўа̄ Иисус».

Деяния 8:13

Талўа Симонымлъю ухпықыхкӣ. Ынка̄м крестиӷылъыӷми киңуңаның малихся̄қа̄ Филипп. Ысҳапаглюку Филипп алъя̄ҳӣнаӷның алъя̄ҳлъюхўаҳтӣӷа̄талӷӣ сяӷӣӷаюкақ.

Откровение 13:12

Сивулиқ тыӷикусялъю̄к таўанлъюку тӯңлиҳа̄н тыӷикусялъю̄гым атуқа̄ қамахлъюку аҳтуӷьяҳқа̄нӷилъҳа. Та̄хун аҳтуӷьяҳқа̄нӷилъыҳқун манигӯтыстӣ қамахлъюки нунам юги сивулиӷмун тыӷикусялъю̄гмун. (Кӣңан туқутысюгнитка̄, иўырңа кӣялъҳа ма̄мыхкақ.)

Откровение 13:14

Тӯңлиҳа̄ тыӷикусялъю̄к аҳтуӷьяҳқа̄нӷилъыңуқ алъя̄ҳлъюўаҳтияҳқа̄люни таўантылъҳани сивулӣм тыӷикусялъю̄гым. Тама̄гун алъя̄ҳлъюхўаҳтилъыҳтыхун пӯҳтӣ қамахлъюки югыт кияҳлъыҳӣт нунами. Қылӷӣ югыт наңаӷныңлъӣсқылъюки қӯлвӣсқылъюку сивулиқ тыӷикусялъю̄к. (Та̄на туқутка̄ялӷӣ сявихпахкун иўырңа уңувақақ.)

Откровение 17:10

Та̄кут на̄сқут ма̄ӷраӷвинлыгӯтлъю умӣлгыт. Талъимат туқука̄гут, ата̄сиқ иглыӷутиңӯқ, ынка̄м ата̄сиқ сялин тагиңигатуқ. Тагикуми иглыӷутияҳқа̄гуқ натыңӣҳақ.

Откровение 17:11

Тыӷикусялъю̄к уңуваялӷӣ иўырңа туқукақ, пиңаюның иңлюлӣтңӯқ умӣлык. Та̄на пиңаюның иңлюлӣта умӣлык иляка̄т сивулӣт ма̄ӷраӷвинлык умӣлгыт, на̄фқылъыңьяҳтӯгуқ.

Откровение 17:13

Та̄кут ата̄сиқ умьюгақлъюку тӯнылъықӣт тыӷикусялъю̄гмун аҳтуӷьяҳқа̄нӷилъытыңлъю, пилъыҳқатыңлъю.

Откровение 17:17

Та̄кут қуля сиӷунӷыт таўатын пика̄гут қаюҳлъяк Кияӷныӷым лъңитнун атуқыстыкақа̄ пиюкылъыни. Аңыҳқуматка̄гутлъю тӯналюки атаныҳпагулъытың тыӷикусялъю̄гмун. Таўатын пика̄гут кынляңа Кияӷныӷым пиюкылъҳа апыӷӣлъҳанун.

Откровение 17:6

Ысҳаӷақа аӷнақ сю̄мылӷӣ а̄ўитның Кияӷныӷым югита, а̄ўитныңлъю туқуқуқат қаюҳлъяк ата̄сӣӷмылңӯт Иисусымун. Ысҳаӷлюку аӷнақ сяӷӣӷаюхлъяхтуңа.

Откровение 17:8

Тыӷикусялъю̄к ысҳақан уңуваялӷӣңӯқ, Иўырңа туқука̄гуқ. Маюҳлъықуқ Ся̄мнаңилңуӷмың Ля̄гўа̄ӷмың на̄фқылъыңналюни. Юлгӯқ нунами а̄тҳит игақылъҳилңӯт Игӣтхун Уңувалъҳым нуна пӣнлилъҳилъюку. Тама̄кут югыт ысҳақумыхтыху тыӷикусялъю̄к сяӷӣӷаюхлъықут қаюҳлъяк уңуваялӷӣ, туқукақ иўырңа тагияҳқақ.