Откровение 11:7 - Новый Завет на эскимосском языке

⁷ Апыӷӣқуйык уңипаныӷмың, асилиӷныӷилңуӷмың ля̄ўа̄ӷмың а̄нылъықуқ тыӷикусялъю̄к. Пилъюўаҳлъықа̄к ынка̄м кая̄лъқыхкумикык туқулъықа̄к.

Откровение 11:7 Iomraidhean Croise

Откровение 13:7

Аҳтуӷьяҳқа̄нӷилъылита̄ пилъюўӣсқылъюки Кияӷныӷым юги, кая̄лъқысқылъюкилъю. Иглыӷусяҳқа̄ҳтыстӣ қамахлъюки рамкыт, югыт, улют, нуната̄нилңӯтлъю югыт.

От Иоанна 17:4

Қӯлва̄ма̄мкын нунами хўани апыӷӣлъымкун қыпҳақақ қылӷуткан хўаңамнун писқылъюку.

От Луки 13:32

Иисусым пикӣ: «Уңипа̄сяҳтуҳтыху та̄на кавӣқ: “Нагатын, аӷныӷми а̄нысқӯгуңа туӷныӷаӷның, на̄лъҳуқӯгуңалъю қинуюлӷӣның. Уна̄милъю таўатыҳпигақ пилъықуңа. Та̄хкын пиңая̄ни аӷныӷым қыпҳақақа апыӷӣҳлъықақа”.

Откровение 13:11

Та̄хкын ысҳаӷақа иляңа тыӷикусялъю̄к нунамың а̄нылӷӣ. Ма̄лӷугыгның сиӷунылгуфтуқ Пынъӣӷаҳа̄м сиӷунӷатун, акузӣқлъю драконытун.

Откровение 11:3

Уңипаҳтыхка пилюгугңалӷӣк вретищемың, аҳтуӷьяҳқа̄нӷилъылылъықахка ӯкналиқысқылъюкык 1,260 аӷныӷнун».

Деяния 20:24

Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.

2е Тимофею 4:7

Пилъюўа̄ма̄қа пинилӷӣ пилъюўалъық, апыӷӣӷақа килга̄қулъқа, ата̄сӣӷмысимаңинақа̄гуңа Атаныӷмун.

От Иоанна 19:30

Иисусым на̄сӣӷлюку вино, пикақ: «Та̄ўа апыӷӣҳтуқ». Гӯҳтуткылъюку таӷныӷагни пыхтыкакык.

От Луки 8:31

Та̄кут туӷныӷа̄т Иисусымун а̄пуқӯсимаңинақат агляҳтыстыфқа̄мың Безднамун писқылъютың.

Откровение 12:17

Та̄хкын драконым угумиягутыҳлъяглюку аӷнақ, ынка̄м пилъюўаӷьяҳтуӷӣ қамахлъюки иляңи киңунӷи. Тама̄куңӯт қа̄ткутңалӷӣт Кияӷныӷым қылӷусӣтнун, ата̄сӣӷмылңӯтлъю ипалъыӷмун апыҳтӯсяқыхка̄нун Иисусым.