Откровение 11:3 - Новый Завет на эскимосском языке

³ Уңипаҳтыхка пилюгугңалӷӣк вретищемың, аҳтуӷьяҳқа̄нӷилъылылъықахка ӯкналиқысқылъюкык 1,260 аӷныӷнун».

Откровение 11:3 Iomraidhean Croise

От Матфея 11:21

Пикӣ: «Сыӷлыӷўа̄ӷунақңӯси, Хоразиныӷмӣни! Сыӷлыӷўа̄ӷунақңӯси, Вифсаидаӷмӣни! Лъпысини алъя̄ҳлъюўаҳтилъыҳлъягыт апыӷӣқат пика̄яқата Тирымилъю, Сидонымилъю, ныӷипихлъютың югит авутыҳқылъютың сыӷлыҳқынъаниӷнаяҳтут. Тама̄кын апалъюқлъюку сювиналӷӣмың қӣпаӷаҳқамың а̄лъютың ақумнаяҳтут панытылъыҳтыхун.

От Матфея 18:16

Иўырңа нагасюнӷилъкаңатын, такунқихнакын кылъқылъюку ата̄сиқ налиӷмың ма̄лӷук ухпықа̄лгутык лӣсимакыстыңулюкык сямың пилъыҳпытыгның. Таўатын пилӷа̄тын қаюҳлъяк Акузитыт Игақыхкат апыҳтӯсяқа̄т ма̄лӷук налиӷмың пиңают лӣсимакистыт ипапиҳқысяҳқақа̄т анахутылъық.

От Луки 10:13

«Сыӷлыӷўа̄ӷунақңӯси, Хоразиныӷмӣни! Сыӷлыӷўа̄ӷунақңӯси, Вифсаидаӷмӣни! Лъпысини алъя̄ҳлъюўаҳтилъыҳлъягыт апыӷӣқат пика̄яқата Тирымилъю, Сидонымилъю, югит авутыҳқыхка̄наяҳтут сыӷлыҳқынъаниӷнаяҳтут. Тама̄кын апалъюқлъюку а̄лъютың сювиналӷӣмың қӣпаӷаҳқамың ақумнаяҳтут панытылъыҳтыхун.

От Луки 24:48

Лъпыси лӣсимакистыңӯси икфиқылъымнун, туқулъымнун, уңуваҳтыстылъымнун.

От Иоанна 15:27

Лъпысилъю уңипақылъықаҳпысиңа югнун, қаюҳлъяк хўаңамнитка̄лӷӣси қыпҳаӷьюхўа̄лъҳаның има».

От Иоанна 3:27

Иоанным кӣмсиқӣ: «Кина алңунак алъхыӷунъа̄нӷитуқ сямың ўыткуқун Кияӷныӷым тӯныхкумигу.

Деяния 1:8

Иўырңа аҳтуӷьяҳқа̄нӷилъыңылъықуси Аглыӷналӷӣк Таӷныӷак ӣтқайык илюхпысинун. Та̄хкын уңипақылъықаҳпысиңа Иерусалимыми, Иудеями, Самариями, уяваҳпанилъю нунани».

Деяния 13:31

Та̄м киңуңаның иглыӷалгуткыхкӣта Иисусым Галилеямың, Иерусалимымун ысҳаӷа̄тақақа̄т қафсиныгьягни аӷныӷни. Лъңаңут уңипалӷӣт юмнъун ысҳа̄манилюку Иисус уңувалюку.

Деяния 2:32

Та̄наңӯқ Иисус Кияӷныӷым уңуваҳтыка̄ туқулъыӷмың ынка̄м хўаңкута лӣсимакистыңӯкут.

Деяния 3:15

Таўатын пилъыҳпысигун туқутыстыкақаҳси Уңувалъҳым Алъхыӷвихпига̄, иўырңа Кияӷныӷым уңуваҳтыстыкақа̄ туқулъыӷмың. Лӣсимакңўа̄ӷаҳпут, қаюҳлъяк ысҳақақаҳпут уңувалъҳан киңуңаның ынка̄м апыӷьяҳқақаҳпут.

1е Коринфянам 12:28

Кияӷныӷым ухпықанун накмикыхкақӣ сивуклъюки апостолыт а̄ңылъыҳпига̄люки, тӯңлиҳӣ ӯкналиқистыт (уңипақилӷӣт Кияӷныӷым уңипа̄мың) пиңайӣ апыҳтуӷистыт, та̄хкын алъя̄ҳлъюхўаҳтистыт, тама̄кутлъю аҳтуӷьяҳқа̄нӷилъылиткат на̄лъҳутимун, каюсиӷияҳқат илямыхның, пинилӷӣт иглыӷутистыт, тама̄кутлъю алъя̄ҳӣна̄стун акузикаюгыт. Кияӷныӷым тӯньюкани тама̄кут налӣтның тунусяҳқами тӯнақӣ.

2е Коринфянам 13:1

Уна пиңайӣтка̄ ля̄лиҳнақылъыӷма лъпысинун. Акузитни Игақыхкани игақңа̄қ хўатын: «Ю̄к анахусимаңиткатху, ма̄лӷук налиӷмың пиңают лӣсимакистыт ипапиҳқысяҳқақа̄т анахутылъҳа».

К Ефесянам 4:11

Лъңаңӯқ тунусялиқуқақ югнун: иляңи апостолыңулюки, иляңи ӯкналиқистыңулюки, иляңи евангелистыңулюки, иляңи юӷаҳтыңулюки, апыҳтуӷистыңулюкилъю.

Откровение 11:2

Иўырңа успутаҳпына̄н Кияӷныӷым Храмыңан уқҳа ыслъята̄нилңуқ, қаюҳлъяк тӯныхка̄гуқ язычнигнун. Тутма̄сҳақнақңўа̄т Аглыӷналӷӣ Ныҳлъяк югыгмалӷу ма̄лӷук сӣпнықлъюку танқини.

Откровение 11:6

Аҳтуӷьяҳқа̄нӷилъылгӯк қиляга ыслъялъюгуӷнанӣсқылъюку ӯкналиқылъҳыхкыгни. Аҳтуӷьяҳқа̄нӷилъылгӯк мыӷыт а̄ўуҳтысқылъюки. Аҳтуӷьяҳқа̄нӷилъылгӯклъю алъя̄ҳӣнаӷның икфиқналӷӣның сыӷлылӣҳлъягның, аўын таўатын пӣқылъықук пиюкылъыӷмыгыстун.

Откровение 12:6

Аӷнақ қимахтуқ килга̄нун. Тама̄ни Кияӷныӷым ята̄ҳқуткақыхкаңа ныкаҳқамың, афлъыңаксяҳқақыхкаңат 1,260 аӷныӷыт.

Откровение 13:5

Та̄хкын тыӷикусялъю̄к акузияҳқа̄ҳтуқ. А̄ңа̄юхтыҳлъяхтуқ, сыӷлыпыста̄тунлъю акузитка̄ Кияӷнық. Аҳтуӷьяҳқа̄нӷилъыңуқ иглыӷутияҳқа̄люни югымалӷу ма̄лӷук сипнықлъюкугнун танқинун.

Откровение 19:10

Та̄хкын нӣнӷутуңа яқулгым итыга̄кун манигуӷналюку, иўырңа пӣңа: «Таўатын пихпынаң! Манигуҳу Кияӷнық! Қыпҳа̄тақақа Кияӷнық лъпытун, ухпықа̄лгутыфпытунлъю. Лъңаңут ата̄сӣӷмылңӯт ипалъыӷмун Иисусым апыҳтӯсяқыхка̄нун. Ипалъық Иисусым апыҳтӯсяқыхка̄ та̄наңӯқ ипалъық Кияӷныӷым Таӷныӷахкынка ӯкналиқистынун уңипақыстыка̄».

Откровение 20:4

Та̄хкын ысҳаӷанка умӣлгусит ақумутат, ақумгалӷӣтлъю та̄кутхун. Кияӷныӷым нанқихтияҳқа̄ҳтыстыкӣ югның. Ысгаӷанкалъю уңувасӣт тама̄кут на̄сқўиҳтуқӣт апалъюқлъюку Иисус. Уңипақыхкақыхкаңат ипалъық Иисусым қайвиҳқыхка̄, акузитаңилъю Кияӷныӷым. Та̄кут манигӯсимаңитут тыӷикусялъю̄гмун, налиӷмың наңаӷныӷанун. Талўа қагумыхтыхун, налиӷмың ӣхмыхтыхун алъхыҳтылъҳита̄т налъюнӣлъкута̄ тыӷикусялъю̄гым. Уңуваҳтӯлъютың иглыӷутилгусиӷа̄т Христос тысяча аюмиқулъыӷнун.