Откровение 10:7 - Новый Завет на эскимосском языке

⁷ Иўырңа ма̄ӷраӷвинлӣтаңита яқулгым қалӷиҳнақыхкумигу қалӷиҳта̄тни, та̄ўа Кияӷныӷым апыӷӣҳлъықа̄ ухпықилъыни қайвиҳсимаңилъкынъи сивунӷани. Ухпықилъҳа ата̄сӣгуқ а̄пқа̄ қыпҳаҳтыминун ӯкналиқистынун».

Откровение 10:7 Iomraidhean Croise

Деяния 3:21

Иўырңа Иисус тагивагилгами қилягмысяҳқа̄гуқ кынляңа Кияӷныӷым нутаҳтылъҳанун сяңўа̄ қамахлъюку. Таўатын Кияӷнық акықика̄гуқ ныӷиӷлюку ӯкналиқистытхун а̄фтыкамикун лъңанун қыпҳаҳтыңулюки.

К Римлянам 11:25

Ухпықа̄лгутымни, лӣгикысюгамси сямың қайвиҳсимаңилңуӷмың сивунӷани. Апыӷью̄гусиқа лъпысинун унаңӯқ: пыҳқинӷуюгныӷуфқа̄фси писқылъюси сюмыҳтаӷаткаҳтыкилъю. Иляңита Израилыӷмӣт ухпықсюгумаңита̄т Кияӷнық. Таўатылъықут кынляңа Кияӷныӷым накмикыхкӣ язычнигыт қамахлъютың тагиляӷа̄тылъҳитнун лъңанун.

К Римлянам 16:25

Усюқылътыху Кияӷнық! Лъңан айыпсюгиҳсяӷьяқлъыгўӣ ухпықилъыси Пинилӷӣтхун Уңипатхун Иисус Христосымың аюқылӷӣмың уңипақумаңинаӷақыхкымнун югнун. Та̄наңӯқ аксяқыхкақ уңипақ Кияӷныӷым қайвиҳсимаңитка̄ има пӣнлиӷьюха̄лъҳаның нунам.

Откровение 14:6

Та̄хкын ысҳаӷақа иляңа яқулык тыңа̄лӷӣ қӯлваҳпани. А̄пҳӣ кынлыңилңӯт Пинилӷӣт Уңипат нунами кияҳлъыҳӣнун, тамаҳӣтнун нуната̄нилңуӷнун югнун, рамкынун, улюнун, югнунлъю.

Откровение 17:17

Та̄кут қуля сиӷунӷыт таўатын пика̄гут қаюҳлъяк Кияӷныӷым лъңитнун атуқыстыкақа̄ пиюкылъыни. Аңыҳқуматка̄гутлъю тӯналюки атаныҳпагулъытың тыӷикусялъю̄гмун. Таўатын пика̄гут кынляңа Кияӷныӷым пиюкылъҳа апыӷӣлъҳанун.