Откровение 10:1 - Новый Завет на эскимосском языке

¹ Та̄хкын ысҳаӷақа иляңа аҳтӣгатыҳлъяк яқулык укилӷӣ қилягмың. Пилюгугңафтуқ қилягўа̄ӷмың, на̄сқўан қуляңани аглюк, хина̄ сиқиныҳтун кӯкхулъюни, иӷукыклъю кумаӷулӷӣстун столпыстун аюқлъютык.

Откровение 10:1 Iomraidhean Croise

От Матфея 17:2

Ӣйңитның та̄хкын Иисус алъяңуҳтыкақ: хина̄ кӯкхуткақ сиқиныҳтун, а̄ткӣлъю қатыӷракхӯҳтыкат ниӷугыстун.

От Луки 21:27

Та̄хкын ысҳаҳлъықа̄т Иӷныӷа Югым тагилӷӣ қилягўа̄ҳқун аҳтуӷьяҳқа̄нӷилъылиӷлюнилъю, ниӷуҳқылъылиҳлъяглюнилъю.

Деяния 26:13

Умӣлыгми, иглыҳта̄люта аӷнық қукаӷитақуқлъю ысҳаӷақа ниӷук ниӷугатаӷалӷӣ сиқиныӷмың, кӯкхулъҳӣ қилягмың памакын. Ынңа̄талъ ниӷупихлъюни кӯкхутка̄гуқ увитымнун, иглыӷалгутымнунлъю.

Откровение 1:7

Ӣи! Иисус тагӣқуқ қилягўа̄хтыхун. Тамаҳаӷми югым ысҳаҳлъықа̄т, талўа тама̄кут панасқылъюку пика̄т ысҳаҳлъықа̄т. Қамахлъютың нунам рамкыңи қия̄ӷӯтыҳлъяхлъықут апалъюқлъюку лъңа. А̄а, тама̄кут пияҳқа̄гут! Аминь.

Откровение 18:1

Та̄м киңуңаның ысҳаӷақа иляңа яқулык қилягмың укилӷӣ. Аҳтуӷьяҳқа̄нӷилъылыхлъягуфтуқ, ниӷуҳқылъыӷминың ӣңунаҳа̄н нуна ниӷухта̄.

Откровение 18:21

Та̄хкын икнақыҳлъялӷӣм яқулгым кывга̄ уйӷагрухлъяк, зерномун кагимтисистун аюқылӷӣ. Милю̄та̄ кылъӣмун, хўатын пимаӷми: «Таўатыҳпигақ ныҳлъяк Вавилон, Кияӷныӷым милю̄тыҳлъяхлъықа̄ аситмун ынка̄м алъямыңлъю ысҳаӷна̄нӷита̄т.

Откровение 20:1

Та̄хкын ысҳаӷақа яқулык қилягмың укилӷӣ тугумӣқлъюни қипытаыңаның Ся̄маңилңӯм Ля̄ўа̄ӷым, қӣпшаӷутыҳлъягныңлъю.

Откровение 4:3

Ақумгалӷӣ умӣлгусигни ысҳақа̄люни иқаҳтахкытун ясписылъю сардисылъю аюқуқ. Увитаңани умӣлгусим та̄ўа аглюк иқыҳтакык смарагдытун аюқлъютык.

Откровение 5:2

Та̄хкын ысҳаӷақа аҳтуӷьяҳқа̄нӷилңуқ яқулык. Игляхтулюни а̄птилӷӣ: «Кина итагнаӷьяҳқа̄ўа икуӷьяҳқа̄люки ма̄ӷраӷвинлык печатылъҳыт қылъпыҳсяҳқа̄люки ӣмгат игат?»

Откровение 8:13

Ысҳаӷақалъю, нагақуӷақалъю қаўа̄хпак тыңа̄лӷӣ қӯлвани, игляхтулюни пилӷӣ: «Сыӷлыӷўа̄ӷунақңӯқ! Сыӷлыӷўа̄ӷунақңӯқ! Сыӷлыӷўа̄ӷунақңӯқ! Киңулӣт пиңают яқулгыт қалӷиҳнақыхкумыхтыки қалӷиҳта̄тытың, та̄хкын ынңа̄талъ сыӷлыпыста̄ӷунақңӯқ югнун нунами кияҳлъыҳӣт тама̄ни пилъыӷни!»