Откровение 1:9 - Новый Завет на эскимосском языке

⁹ Иоанныңӯңа, ухпықа̄лгуткаҳпысиңа. Икфиқуңа лъпысистун қаюҳлъяк Иисусым Атаныҳпагулъҳан пикӣлъю. Лъңакун икфиқылъыпут нуқытутапут. Агляҳтыстыка̄гуңа қӣҳқамун а̄тқылӷӣ Патмосымың қаюҳлъяк уңипақыхкынка Кияӷныӷым акузитаңи, уңипақлъю Иисусымың аюқылӷӣ.

Откровение 1:9 Iomraidhean Croise

От Матфея 20:23

Иисусым пики: «Қайўа қаю̄симның мыӷылъықутык, иўырңа хўаңаңунӷитуқ накмӣӷьяҳқақ кимлъю ақумьяҳқа̄ткык аӷынқигнымкунлъю, сяӷумигнымкунлъю. Атама ята̄ҳқыхкақа̄к та̄кук ақумвихкак накмикыхкаминун».

От Марка 10:39

Кӣмсиқа̄к: «Пияҳқа̄гукуң». Иисусым пики: «Мыӷьяҳқақа қаю̄симылңуқ қайўа мыӷылъықыстыху, крестиӷылъықутыклъю крестиӷалъыҳқамтун.

От Иоанна 16:33

Уңипа̄тамси тама̄кын ныкыхмылъылгусқылъюси хўаңамкун. Нунами хўани сыӷлылӣҳлъықуси иўырңа илютулюси қаюҳлъяк кая̄лъқыхкақақа нуна».

Деяния 1:15

Та̄хкын қафсинат аӷныӷыт атуӷлюки ухпықат қырңуӷуткат, ынтақун 120ңӯт. Таўани Петырым ныкывлюни пикӣ:

Деяния 14:22

Такӯӷақамыгни тама̄ни апыҳтуқӣт ухпықат ухпықилъҳит ўата икнақуҳтысқылъюки, кайымыхкӣклъю ухпылъҳит аӷулӣтысқылъюки. Пикӣк: «Угляпыста̄қ сыӷлылӣлъық атуқсяҳқапыста̄қаҳпут итыӷьяҳқа̄ҳналюта Атаныҳпагулъҳанун Кияӷныӷым».

К Римлянам 8:17

Кияӷныӷым авақутақутаңаның, Кияӷныӷым пагитистыкӣлъю, Христосымлъю пагитистылгуткӣлъю. Ниӷуҳқылъыңылъықукут Христосытун икфиқыхкумта Христосым икфиқылъҳатун.

К Римлянам 8:25

Иўырңа сиӷимамакумта сямың алъхыҳтыкақынӷилъкымнъың, утақалъықаҳпут қыляныҳпына̄мта.

2е Коринфянам 1:7

Ынка̄м сиӷимакилъыҳпут лъпысинун аӷулӣтуқ; лӣсимакаҳпут та̄на катам илятңалъыҳпысигун икфиқылъымнъун, лъпысилъю илятңа̄си каюсилъыӷмун алъхыҳтыкамнъун.

К Филиппийцам 1:7

Итагнапихтуқ хўаңамни сюмыҳтаӷа̄ткынъымси таўатын қаюҳлъяк илюмнитақуси. Уңипақиңулюңалъю, ипапиҳқиңулюңалъю Пинилӷӣт Уңипат ипаңунилюки, ма̄тынлъю анусимиңлъяӷвигмылъюңа, қамахлъюси алъхыҳтыңъўа̄ҳси Кияӷныӷым наңлъыхталъҳа хўаңамнун малигулъюси.

К Филиппийцам 4:14

Паниның лъпыси пинитуңўа̄қ каюсӣтақаҳпысиңа сыӷлылӣнымни.

2е Фессалоникийцам 3:5

Атанӷым лӣгикыслъиси ўатақа̄ӷақ Кияӷныӷым пиниқылъҳаның, Христосымлъю нуқытутиныҳтулъҳаның.

2е Тимофею 1:8

Кайңукыхпына̄н уңипақигу Атаныҳпут, талўа кайңуягутыхпынаңа анусимиңлъяӷа̄гуңа Христос апалъюқлъюку. Итупилъ аҳтуӷьяҳқа̄нӷилъҳакун Кияӷныӷым икфиқылгусиӷңа Пинилӷӣт Уңипат апалъюқлъюки.

К Евреям 10:36

Аклъюкңўа̄ҳси нуқынъыҳтулъық атуқсяҳқа̄люку Кияӷныӷым пиюкылъҳа. Та̄хкын алъхыҳлъықаси акықусяқыхкӣ.

1е Петра 5:1

Сямың пӣҳсюганка Пынъиниҳат юӷаӷвихпысинилңӯт. Хўаңалъю пынъиниҳагуңа, ысҳапакақыхкыхкалъю Христосым икфиқылъҳа, илясяҳқа̄гуңалъю Христосым а̄ңылъыҳлъяганун Кияӷныӷым алӣҳтыкагу.

Откровение 1:1

Хўани игани игақңа̄т Кияӷныӷым алӣҳтыкӣ Иисус Христосымун. Кияӷныӷым алӣҳтыкақӣ лъңанун лӣгикыстысқылъюки қыпҳаҳтыни сяңўа̄т пияҳтуңыстаӷнилюки. Ынка̄м Христосым каяхтыкақа̄ яқулыни қыпҳаҳтыминун Иоаннымун тама̄кут лӣсимакысқылъюки.

Откровение 1:2

Та̄хкын Иоанным а̄пқақӣ қамахлъюки ысҳақанилъю, нагатканилъю. Нагаткақӣ акузитаңи Кияӷныӷым, уңипақлъю Иисус Христосымың аюқылӷӣ.

Откровение 1:4

Укут посланият Иоаннымың пиңӯт ухпықанун қырңгутқаюгнун ма̄ӷраӷвинлыгни юӷаӷвигни Асиями. Наңлъыхталъықлъю, ныкыхмылъықлъю лъпысинилъик Кияӷныӷмың, ма̄ӷраӷвинлык таӷныӷа̄ның, Иисус Христосымыңлъю. Кияӷныӷӯқ кияҳлъыҳӣ ма̄тын, лъңаңӯқ кияҳлъыҳӣ сивунӷани, лъңаңӯқ тагияҳқақ. (Та̄кут ма̄ӷраӷвинлык таӷныӷат сивуңанитут Кияӷныӷым умӣлгусӣн ақумута̄н.) Иисус Христос ата̄сӣӷмылңӯгуқ лӣсимакиста ипапилъыӷмун. Лъңаңӯқ Кияӷныӷым уңуваҳсюхўа̄қа̄ туқулъыӷмың. Лъңаңӯқ иглыӷутистыңат умӣлгита нунам. Лъңаңӯқ пиниқилӷӣ хўаңкунъың, а̄ўмикунлъю, итымуткақӣлъю сыӷлыҳқылъымнъың. Атаныҳпагулъыӷминитыстӣлъю, священнигаңуҳтыстӣлъюлъю Кияӷныӷминун Атамун. Иисус Христосым алъхыҳлъикык ниӷуҳқылъықлъю, аҳтуӷьяҳқа̄нӷилъықлъю иглыӷутимун қӯнпырухлъяк кынлыңуна̄н! Аминь.

Откровение 11:7

Апыӷӣқуйык уңипаныӷмың, асилиӷныӷилңуӷмың ля̄ўа̄ӷмың а̄нылъықуқ тыӷикусялъю̄к. Пилъюўаҳлъықа̄к ынка̄м кая̄лъқыхкумикык туқулъықа̄к.

Откровение 12:11

Ухпықа̄лгутымта кая̄лъқума̄т а̄ўакун Пынъӣӷаҳа̄м, уңипақылъыӷмыхтыхунлъю Кияӷныӷым ипапиҳқылъҳа. Талўа туқуяӷңа̄ӷмың аюқут Христос апалъюқлъюку.

Откровение 12:17

Та̄хкын драконым угумиягутыҳлъяглюку аӷнақ, ынка̄м пилъюўаӷьяҳтуӷӣ қамахлъюки иляңи киңунӷи. Тама̄куңӯт қа̄ткутңалӷӣт Кияӷныӷым қылӷусӣтнун, ата̄сӣӷмылңӯтлъю ипалъыӷмун апыҳтӯсяқыхка̄нун Иисусым.

Откровение 13:10

«Кина алңунак тугуяҳқа̄куми, тугулъықа̄т. Кина алңунак туқусяҳқа̄куми сявихпахкун, туқулъықа̄т сявихпахкун. Та̄кук хўатын писӣгуқ: Кияӷныӷым юги нуқынъыҳтуяҳқа̄гутлъю, ухпықилъылгуяҳқа̄гутлъю».

Откровение 14:12

Тама̄кут қамахлъютың хўатын писӣгут, Кияӷныӷым юги нуқынъыҳтупыста̄ӷьяҳқа̄гут. Тама̄куңӯт қа̄ткутңалӷӣт Кияӷныӷым қылӷуся̄нун, ата̄сӣӷмылъютыңлъю Иисусымун.

Откровение 19:10

Та̄хкын нӣнӷутуңа яқулгым итыга̄кун манигуӷналюку, иўырңа пӣңа: «Таўатын пихпынаң! Манигуҳу Кияӷнық! Қыпҳа̄тақақа Кияӷнық лъпытун, ухпықа̄лгутыфпытунлъю. Лъңаңут ата̄сӣӷмылңӯт ипалъыӷмун Иисусым апыҳтӯсяқыхка̄нун. Ипалъық Иисусым апыҳтӯсяқыхка̄ та̄наңӯқ ипалъық Кияӷныӷым Таӷныӷахкынка ӯкналиқистынун уңипақыстыка̄».

Откровение 20:4

Та̄хкын ысҳаӷанка умӣлгусит ақумутат, ақумгалӷӣтлъю та̄кутхун. Кияӷныӷым нанқихтияҳқа̄ҳтыстыкӣ югның. Ысгаӷанкалъю уңувасӣт тама̄кут на̄сқўиҳтуқӣт апалъюқлъюку Иисус. Уңипақыхкақыхкаңат ипалъық Иисусым қайвиҳқыхка̄, акузитаңилъю Кияӷныӷым. Та̄кут манигӯсимаңитут тыӷикусялъю̄гмун, налиӷмың наңаӷныӷанун. Талўа қагумыхтыхун, налиӷмың ӣхмыхтыхун алъхыҳтылъҳита̄т налъюнӣлъкута̄ тыӷикусялъю̄гым. Уңуваҳтӯлъютың иглыӷутилгусиӷа̄т Христос тысяча аюмиқулъыӷнун.

Откровение 3:10

Қылъқақамси нуқытысқылъюси. Қа̄ткыхкақутыхпысиның қылӷилъқа пақнӣҳсяҳлъықамси сыӷлылӣлъыӷның ка̄нъақылӷӣның нунатаҳаӷының тамаҳа̄ның. Тама̄кут сыӷлылӣлъҳыт нанӷӣқулъықӣт қамахлъюки югыт кияҳлъыҳӣт нунами.

Откровение 6:9

Та̄хкын Пынъӣӷаҳа̄м қылъпыҳсяқминигу талъимӣтаңа печатылъҳым, ысҳаӷанка асиңанилъюки аҳқыфигым уңувасӣт туқуқуқат. Туқуткақыхкаңит қаюҳлъяк ухпықыхкақыхкаңит Кияӷныӷым акузитаңи, уңипақумаңинақӣтлъю.

Откровение 7:14

Кӣмсиӷақа: «Югунӣқ, лъпык лӣсимакатын». Утфам пӣңа: «Та̄куңӯт сюфлъюӷуткат сыӷлылӣӷрукута̄ҳлъягмың. Пынъӣӷаҳа̄м а̄ўакун аӷвиглюки қӣпаӷатың, қатыҳтыстыкақӣт.