Откровение 1:8 - Новый Завет на эскимосском языке

⁸ «Хўаңа Альфаңӯңалъю, Омегаңӯңалъю», пӣқ Атанық Кияӷнық, Аҳтуӷьяҳқа̄нӷитыҳлъяк. Лъңаңӯқ кияҳлъыҳӣ ма̄тын, лъңаңӯқ кияҳлъыҳӣ сивунӷани, лъңаңӯқ тагияҳқақ.

Откровение 1:8 Iomraidhean Croise

2е Коринфянам 6:18

Атакылъықаҳпысиңа, ынка̄м лъпыси иӷнықылъықамсилъю, паникылъықамсилъю», пӣқ Атанық Аҳтуӷьяҳқаҳа̄нӷилңуқ.

Откровение 1:11

Хўатын пӣқ: «Игақуҳқи игатхун ысҳақаҳтын. Та̄хкын туюӷнакытын ухпықанун қырңуӷуткаюгнун ма̄ӷраӷвинлыгни юӷаӷвигни: Ефесымылңӯт, Смирнамылңӯт, Пергиямылңӯт, Фиатирамылңӯт, Сардисымылңӯт, Филадельфиямылңӯт, Лаодикиямылңӯтлъю».

Откровение 1:17

Ысҳаӷьямкун итыга̄н мануңакун ӯлъҳаҳтуңа туқукастун. Иўырңа аӷынқигныӷминың ӣхминың ся̄флъюңа пӣңа: «Алиңыхпынаң, хўаңа сивулӣгуңалъю, киңулӣгуңалъю.

Откровение 1:4

Укут посланият Иоаннымың пиңӯт ухпықанун қырңгутқаюгнун ма̄ӷраӷвинлыгни юӷаӷвигни Асиями. Наңлъыхталъықлъю, ныкыхмылъықлъю лъпысинилъик Кияӷныӷмың, ма̄ӷраӷвинлык таӷныӷа̄ның, Иисус Христосымыңлъю. Кияӷныӷӯқ кияҳлъыҳӣ ма̄тын, лъңаңӯқ кияҳлъыҳӣ сивунӷани, лъңаңӯқ тагияҳқақ. (Та̄кут ма̄ӷраӷвинлык таӷныӷат сивуңанитут Кияӷныӷым умӣлгусӣн ақумута̄н.) Иисус Христос ата̄сӣӷмылңӯгуқ лӣсимакиста ипапилъыӷмун. Лъңаңӯқ Кияӷныӷым уңуваҳсюхўа̄қа̄ туқулъыӷмың. Лъңаңӯқ иглыӷутистыңат умӣлгита нунам. Лъңаңӯқ пиниқилӷӣ хўаңкунъың, а̄ўмикунлъю, итымуткақӣлъю сыӷлыҳқылъымнъың. Атаныҳпагулъыӷминитыстӣлъю, священнигаңуҳтыстӣлъюлъю Кияӷныӷминун Атамун. Иисус Христосым алъхыҳлъикык ниӷуҳқылъықлъю, аҳтуӷьяҳқа̄нӷилъықлъю иглыӷутимун қӯнпырухлъяк кынлыңуна̄н! Аминь.

Откровение 11:17

Пика̄т: «Игамсиқаюгвикамкын, Атанық Кияӷнық Аҳтуӷьяҳқаҳа̄нӷилңуқ, кияҳлъыҳӣ ма̄тын, ӣўлыңлъю кияҳлъыҳӣ! Тугума̄н аҳтуӷьяҳқа̄нӷитылъыҳлъягын ынка̄м пӣнлиҳтутын иглыӷутимун.

Откровение 15:3

Илягаӷақыфтут иляга̄таңаның Моисейем, (Кияӷныӷым қыпҳаҳтыңа), иляга̄таңаныңлъю Пынъӣӷаҳа̄м: «Ка̄й, Атанық Кияӷнық Аҳтуӷьяҳқаҳа̄нӷитыҳлъяк, қыпҳалъыҳтын сыӷлыҳлъягӯт, алъя̄ҳлъюхўаҳлъягӯт! Ка̄й, умӣлгат нунам югита, лъпык сялъыҳтын ылъқуӷутңа̄тлъю, ипаңӯтлъю!

Откровение 16:14

Та̄кут туӷныӷа̄т алъя̄ҳлъюхўаҳтикаюгуфтут. Аӷуляқут умӣлгитнун нунатаҳа̄н тамаҳа̄н қырңуҳналюки пилъюўамун аӷныҳлъягани Кияӷныӷым Аҳтуӷьяҳқаҳа̄нӷилңӯм.

Откровение 16:7

Та̄хкын нагақуӷақа аҳқыфигыгның ма пилӷӣ: «А̄а Атанық, Кияӷнық Аҳтуӷьяҳқа̄нӷилңуқ! Ипаңӯтлъю, ылъқуӷутңа̄тлъю нанқихтилъыҳқаҳтын!»

Откровение 19:15

Қа̄нӷаның а̄нуқ ипылӷӣ сявихпак, та̄хун қамахтыңъўа̄ӷлюки накумӣт кая̄лъқуҳлъықӣ. Иглыӷулъықӣ сявикынӷаӷмың анагуталиӷлюни. Та̄хкын тутмаҳлъықӣ аңуяни катам югыт тутмаӷақылъҳистун виноградыт қагыҳқӯсигнилңӯт. Та̄на тутмалъық сякша̄лъыҳлъяка̄ Кияӷныӷым Аҳтуӷьяҳқаҳа̄нӷилңӯм.

Откровение 19:6

Та̄хкын нагақуӷанка лъяңақа мыңит юлӷутыҳлъягыт. Нагатка̄лютың сюксюгистун тывлюҳтыҳлъялӷӣт мыӷыт, калъюгымлъю тыңъа̄хталъҳатун аюқлъютың. Акилӷӯгут: «Аллилуия! Атанық Кияӷныҳпут, Аҳтуӷьяҳқаҳа̄нӷилңуқ иглыӷутӣқ!

Откровение 2:8

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Смирнам. Уна уңипақ хўаңамның пиңӯқ: Сивулӣгуңалъю, киңулӣгуңалъю, туқулюңа уңувақа̄гуңа.

Откровение 21:22

Ныҳлъягми ысҳа̄нъыӷитуңа Храмымың, қаюҳлъяк Храмыңа Атанӷӯқ Кияӷнық Аҳтуӷьяҳқаҳа̄нӷилңуқ, Пынъӣӷаӷа̄гуқлъю.

Откровение 21:6

Пӣңалъю: «Апыӷӣҳтуқ! Хўаңа Альфаңӯңа, Омегаңӯңа, хўаңа пӣнлыӷӯңа, кынлыңӯңа. Кина алңунак мықсюлӷӣ, акиңуна̄н мыҳсилъықақа сыңъулӷӣмың уңувалъыңыстикаюгмың мыӷмың.

Откровение 22:13

Хўаңа Альфаңӯңа, Омегаңӯңа, хўаңа сивулӣгуңа, киңулӣгуңа, хўаңа пӣнлыӷӯңа, кынлыңӯңалъю».

Откровение 4:8

Ынка̄м стамат Уңувалӷӣт тамаҳаӷмың аӷвинлыгның яқулгутутыфтут, ынңа̄талъ югусӣт ийыҳлъягуфтут талўа қамавык яқҳўита асиңитнун. Аӷныҳтӯма̄н унухтӯма̄н та̄қигалңӯт иляганыӷмың: «Аглыӷналӷӣ, аглыӷналӷӣ, аглыӷналӷӣ, Атанӷӯқ Кияӷнық, Аҳтуӷьяҳқаҳа̄нӷитыҳлъяк, лъңаңӯқ ма̄тын, лъңаңӯқ сивунӷани, лъңаңӯқ тагияҳқақ!»