Откровение 1:2 - Новый Завет на эскимосском языке

² Та̄хкын Иоанным а̄пқақӣ қамахлъюки ысҳақанилъю, нагатканилъю. Нагаткақӣ акузитаңи Кияӷныӷым, уңипақлъю Иисус Христосымың аюқылӷӣ.

Откровение 1:2 Iomraidhean Croise

От Иоанна 1:32

Та̄хкын Иоанным уңипақыхкақа̄: «Кияӷныӷым каяхтыкақа̄ңа крестиӷисқылъюңа мыҳқун. Паниның налъюкңулюку кинаңутаңа, Кияӷныӷым уңипа̄ткақа̄ңа: “Ысҳаҳлъықахкын Таӷныӷак укилӷӣк югмун. Та̄на ю̄к крестиӷияҳқа̄гуқ Аглыӷналӷӣгныкун Таӷныӷагныкун”. Ынка̄м ысҳаӷахка қилягмың Таӷныӷак укилӷӣк сюңаӷьюкыхталютык Иисусымун, лъңаниткаклъю»

От Иоанна 12:17

Юлӷутыт уңипақңукаңат ысҳапалъыҳтың Иисусым уңуваҳтилъҳа Лазарымың, а̄нысқылъҳалъю лъивыӷмың.

От Иоанна 19:35

(Ысҳапакам тама̄кын а̄пҳӣ тама̄кут. Акузиткыхкӣ ипаңӯт, лӣсимакуқлъю уңипақңўа̄ ипапилъық. А̄пҳӣ тама̄кут лъпысилъю ухпыӷысқылъюси.)

От Иоанна 21:24

Лъңаңӯқ малихся̄ҳта а̄пҳӣқылӷӣ тама̄кын пилъыӷның, игақуқақӣлъю тама̄кут. Лӣсимакапут а̄пқӣ ипаңӯт.

От Иоанна 3:11

Ипа пӣмкын, акузиткақаҳпут лӣсимакыхкаҳпут, а̄пҳақаҳпут ысҳақаҳпут, паниның налиҳӣнаҳпыси ухпықигата̄ уңипаҳпут.

Деяния 22:15

Ынка̄м уңипаҳтыкылъықа̄тын тамаңанун ысҳа̄тылъыҳпыныңлъю, нагатылъыҳпыныңлъю.

Деяния 26:16

Ныкыви. Алӣӷвикамкын қаюҳлъяк накмикамкын қыпҳаҳтыңулютынлъю, лӣсимакистыңулютынлъю. Апыӷнакытын тама̄кут ысҳақаҳтын аӷныӷми хўани, тама̄кутлъю кылгусяҳқанка киңувақун алӣӷвикыхкумкын.

Деяния 4:20

Хўаңкутуң акузиткынъыӷмың та̄қна̄нӷитаҳпуң ысҳақаҳпутлъю нагақуқаҳпутлъю».

1е Коринфянам 1:6

Алъяңуҳтыкамлъю кияҳта̄лъыҳпыси ипапиҳқа̄ уңипақыхкаҳпут Христос.

1е Коринфянам 2:1

Ухпықа̄лгутымни, уңипақияҳтуӷақңама лъпысинун, атуқумаңитанка акузитыт лӣгикыпагниңилъкыси. Пыҳқилъыҳлъямкун уңипақиюнӷитуңа Кияӷныӷым уңипа̄мың лъпысинун.

1е Иоанна 1:1

Та̄на пӣнлиӷьюхўа̄лъыӷмың аюқылӷӣ: нагақуқаҳпут, ысҳақаҳпут хўаңкута катам ийымнъың, ысҳапакаҳпут, ся̄фтыкаҳпут ӣхымнъың, та̄наңӯқ Акузин уңувалъық.

1е Иоанна 4:14

Ысҳақақаҳпут Иӷныӷа. Ынка̄м уңипақңўа̄ҳпут Кияӷныӷмун каяхтыкақнилюку Югулиӷистыңулюку тамаҳа̄нун югнун.

3е Иоанна 1:12

Тамаҳаӷми ухпықам Димитрий пиниӷнӣқа̄т ю̄к. Ипапиҳқылъюни кияҳта̄лъҳан ипапиҳқуткыста̄. Та̄ўа хўаңкуталъю таўатын пӣҳпут, лӣсимакаси акузилъыпут ипаңӯт.

Откровение 1:11

Хўатын пӣқ: «Игақуҳқи игатхун ысҳақаҳтын. Та̄хкын туюӷнакытын ухпықанун қырңуӷуткаюгнун ма̄ӷраӷвинлыгни юӷаӷвигни: Ефесымылңӯт, Смирнамылңӯт, Пергиямылңӯт, Фиатирамылңӯт, Сардисымылңӯт, Филадельфиямылңӯт, Лаодикиямылңӯтлъю».

Откровение 1:19

Ся̄қсин игақуҳқи игатхун сяңўа̄т қамахлъюки ысҳақытын ма̄тын, сяңўа̄тлъю киңувақун пияҳқат.

Откровение 1:9

Иоанныңӯңа, ухпықа̄лгуткаҳпысиңа. Икфиқуңа лъпысистун қаюҳлъяк Иисусым Атаныҳпагулъҳан пикӣлъю. Лъңакун икфиқылъыпут нуқытутапут. Агляҳтыстыка̄гуңа қӣҳқамун а̄тқылӷӣ Патмосымың қаюҳлъяк уңипақыхкынка Кияӷныӷым акузитаңи, уңипақлъю Иисусымың аюқылӷӣ.

Откровение 12:11

Ухпықа̄лгутымта кая̄лъқума̄т а̄ўакун Пынъӣӷаҳа̄м, уңипақылъыӷмыхтыхунлъю Кияӷныӷым ипапиҳқылъҳа. Талўа туқуяӷңа̄ӷмың аюқут Христос апалъюқлъюку.

Откровение 12:17

Та̄хкын драконым угумиягутыҳлъяглюку аӷнақ, ынка̄м пилъюўаӷьяҳтуӷӣ қамахлъюки иляңи киңунӷи. Тама̄куңӯт қа̄ткутңалӷӣт Кияӷныӷым қылӷусӣтнун, ата̄сӣӷмылңӯтлъю ипалъыӷмун апыҳтӯсяқыхка̄нун Иисусым.

Откровение 20:4

Та̄хкын ысҳаӷанка умӣлгусит ақумутат, ақумгалӷӣтлъю та̄кутхун. Кияӷныӷым нанқихтияҳқа̄ҳтыстыкӣ югның. Ысгаӷанкалъю уңувасӣт тама̄кут на̄сқўиҳтуқӣт апалъюқлъюку Иисус. Уңипақыхкақыхкаңат ипалъық Иисусым қайвиҳқыхка̄, акузитаңилъю Кияӷныӷым. Та̄кут манигӯсимаңитут тыӷикусялъю̄гмун, налиӷмың наңаӷныӷанун. Талўа қагумыхтыхун, налиӷмың ӣхмыхтыхун алъхыҳтылъҳита̄т налъюнӣлъкута̄ тыӷикусялъю̄гым. Уңуваҳтӯлъютың иглыӷутилгусиӷа̄т Христос тысяча аюмиқулъыӷнун.

Откровение 22:21

Наңлъыхталъҳа Атанымта Иисусым тамаҳаҳпысинилъи. Аминь.

Откровение 6:9

Та̄хкын Пынъӣӷаҳа̄м қылъпыҳсяқминигу талъимӣтаңа печатылъҳым, ысҳаӷанка асиңанилъюки аҳқыфигым уңувасӣт туқуқуқат. Туқуткақыхкаңит қаюҳлъяк ухпықыхкақыхкаңит Кияӷныӷым акузитаңи, уңипақумаңинақӣтлъю.