Откровение 1:16 - Новый Завет на эскимосском языке

¹⁶ Аӷынқигныӷминың тугумӣқыфтӣ ма̄ӷраӷвинлык иӷалықыта̄ӷыт, қа̄нӷаныңлъю а̄нуқ сявихпак иңлюхтун хинакык ипыхсяқак. Хина̄ ниӷухлъяк аӷныӷым қука̄н сиқинӷӯҳтылъҳатун.

Откровение 1:16 Iomraidhean Croise

От Матфея 17:2

Ӣйңитның та̄хкын Иисус алъяңуҳтыкақ: хина̄ кӯкхуткақ сиқиныҳтун, а̄ткӣлъю қатыӷракхӯҳтыкат ниӷугыстун.

Деяния 26:13

Умӣлыгми, иглыҳта̄люта аӷнық қукаӷитақуқлъю ысҳаӷақа ниӷук ниӷугатаӷалӷӣ сиқиныӷмың, кӯкхулъҳӣ қилягмың памакын. Ынңа̄талъ ниӷупихлъюни кӯкхутка̄гуқ увитымнун, иглыӷалгутымнунлъю.

К Ефесянам 6:17

А̄тыху югулилъық на̄сқуӷӣта̄люку, Таӷныӷамлъю сявихпага, Кияӷныӷым акузитка̄.

К Евреям 4:12

Акузитаңи Кияӷныӷым уңува̄т қыпҳа̄гут. Ӣпхатаӷаҳтут алңунак иңлюхтун ипыхсяқаның сявихпагның. Ка̄путкаюгӯт қамавырухлъяк уңувасимлъю, таӷныӷамлъю ка̄тутңалъҳыхкынун, нафлъютлъю па̄тҳытлъю ка̄тутңалъҳитнун. Кияӷныӷым акузитаңи нанқихтикаюгӯт югым сюмыҳтаӷалъҳаныңлъю, сянақылъҳаныңлъю.

Откровение 1:20

Ысҳаӷатын ма̄ӷраӷвинлык иӷалықыта̄ӷыт аӷынқигныӷма ӣханилңӯт, ма̄ӷраӷвинлыклъю золотат кынылӷутат тунымӣт, та̄кут сямың писӣтаңи сялин қайвиҳтылъҳитут. Хўатын писӣгут: Ма̄ӷраӷвинлык иӷалықыта̄ӷыт яқулгӯт. Кияӷныӷым уңипаҳтыкӣ ухпықанун қырңуӷуткаюгның ма̄ӷраӷвинлыгни юӷаӷвигни. Ма̄ӷраӷвинлык кынылӷутам тунымӣ та̄куңӯт ма̄ӷраӷвинлык юӷаӷвигыт».

Откровение 10:1

Та̄хкын ысҳаӷақа иляңа аҳтӣгатыҳлъяк яқулык укилӷӣ қилягмың. Пилюгугңафтуқ қилягўа̄ӷмың, на̄сқўан қуляңани аглюк, хина̄ сиқиныҳтун кӯкхулъюни, иӷукыклъю кумаӷулӷӣстун столпыстун аюқлъютык.

Откровение 12:1

Та̄хкын қилягами сяңўа̄ сяӷӣӷанапихлъыҳӣ алӣҳтуқ лӣгикусиҳқаҳпут пияҳқамун: Аӷнақ пилюгуглюни сиқиныӷмың, итыгӣ танқикун ныкыхлъютың, на̄сқумикун қаҳпалюни қуля ма̄лӷук сӣпнықлъюку иӷалықыта̄ӷның.

Откровение 19:15

Қа̄нӷаның а̄нуқ ипылӷӣ сявихпак, та̄хун қамахтыңъўа̄ӷлюки накумӣт кая̄лъқуҳлъықӣ. Иглыӷулъықӣ сявикынӷаӷмың анагуталиӷлюни. Та̄хкын тутмаҳлъықӣ аңуяни катам югыт тутмаӷақылъҳистун виноградыт қагыҳқӯсигнилңӯт. Та̄на тутмалъық сякша̄лъыҳлъяка̄ Кияӷныӷым Аҳтуӷьяҳқаҳа̄нӷилңӯм.

Откровение 19:21

Пилъюўаҳтым кӯникун иглыҳлъыҳӣм туқуқуӷӣ сявихпахкун қаныӷминың а̄ныхкакун. Та̄хкын қамахлъютың қаўа̄гыт ныӷӣт кымыхкўа̄ӷит кыпсюқӣналъыӷмыхнун.

Откровение 2:1

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Ефесым. Хўаңаңӯқ тугумӣлык ма̄ӷраӷвинлык иӷалықыта̄ӷның аӷынқигнымкун, иглыҳтыңъӯңалъю акулңитни ма̄ӷраӷвинлык золотат кынылӷутат тунымӣтни.

Откровение 2:12

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Пергамым. Уна уңипақ сявихпалыгмың пиңӯқ иңлюхтун хиналык ипыхсяқамың.

Откровение 2:16

Авутыҳқылъюси сыӷлыҳқынъаниҳтык! Пинӷилъкуфси қантаӷақун такулъықамси. Та̄хкын пилъюўаҳлъықанка тама̄кут югыт сявихпагмың қанымнилңуӷмың.

Откровение 3:1

«Игақигу уна уңипақ яқулыгмун иглыӷутилӷӣ ухпықаның қырңуӷуткаюгның юӷаӷвигани Сардисым. Та̄на Кияӷныӷым ма̄ӷраӷвинлык таӷныӷа̄ның пилык ма̄ӷрагвинлыклъю иӷалықыта̄лык, пӣқ: “Лӣсимакамси ся̄қыстык. Югыт пӣқӣси уңуванилюси иўырңа туқуңа̄си.