Откровение 1:13 - Новый Завет на эскимосском языке

¹³ Та̄ўа қукӣтни кина лъяңақа иӷныӷа югым акуҳтуҳлъягыгның аткуя̄қыфтуқ, сякимагмикунлъю тафсиңафтуқ золотамың.

Откровение 1:13 Iomraidhean Croise

К Евреям 4:15

Первосвященнигамта лӣгикңўа̄қақӣ кая̄лъиқусипут, қаюҳлъяк нунамылъюни нанӷӣқулъыңыхка̄гуқ хўаңкутыстуңўа̄қ. Нақамлъю сыӷлыҳқумаңитуқ.

Откровение 14:14

Та̄хкын ысҳаӷақа та̄ўа қатылӷӣ қиляўа̄қ, қиляўаҳқун ақумгафтуқ лъяңақа иӷныӷа югым. На̄сқумикун золотамың қаҳпалгуфтуқ, тугумӣқыфта̄лъю ипылӷӣ пакшыгмылңуқ сявик.

Откровение 15:6

Та̄хкын ма̄ӷраӷвинлык яқулгыт а̄нлыӷа̄тут Храмымың кылъқылъютың ма̄ӷраӷвинлыгның сыӷлылӣлъыҳлъягның. Тамаҳаӷмың аткуя̄ӷулъютың қатыӷракыхтамың ниӷулӷӣмың, сякимагмыхтыхун золотамың тафсилютың.

Откровение 2:1

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Ефесым. Хўаңаңӯқ тугумӣлык ма̄ӷраӷвинлык иӷалықыта̄ӷның аӷынқигнымкун, иглыҳтыңъӯңалъю акулңитни ма̄ӷраӷвинлык золотат кынылӷутат тунымӣтни.