Откровение 1:11 - Новый Завет на эскимосском языке

¹¹ Хўатын пӣқ: «Игақуҳқи игатхун ысҳақаҳтын. Та̄хкын туюӷнакытын ухпықанун қырңуӷуткаюгнун ма̄ӷраӷвинлыгни юӷаӷвигни: Ефесымылңӯт, Смирнамылңӯт, Пергиямылңӯт, Фиатирамылңӯт, Сардисымылңӯт, Филадельфиямылңӯт, Лаодикиямылңӯтлъю».

Откровение 1:11 Iomraidhean Croise

Деяния 16:14

Ата̄сиқ нагалъҳӣ Лидияңуфтуқ, Фиатираӷмӣ, акилъпыгақаюк ысныгрукыхтамың қӣпаӷаӷмың, манигӯткаюк Кияӷныӷмун. Атанӷым лӣгикыстыңъўа̄қӣ Павелым акузитаңи Лидиямун ынка̄м ухпықыхкӣ.

Деяния 18:24

Павел таўатын аныҳсималюку Аполлос, Ефесымун ка̄ткақ. Иудейеңулӷӣ алъхықақ Александриями. Ынңа̄талъ акузилъыхлъяклъю, лӣтыҳлъякақлъю Акузитның Игақыхканың.

Деяния 20:17

Милитымылъюни Павелым тахсиқлъиқӣ ухпықат пресвитерыңит Ефесымылңӯт.

1е Коринфянам 15:32

Югыт Ефесымылңӯт пилъюўақанка тыӷикусястун аюқут. Алъхыӷунъалюңа хўани кияҳтылъымни пилъюўақумки, сямың алъхыӷунъа̄нӷитуңа. Туқулъымта киңуңаның уңуваӷьяҳқа̄нӷилъкумта: «Ныӷылъта, мыӷылъта, қаюҳлъяк уна̄ми туқулъықукут».

1е Коринфянам 16:8

Иўырңа Ефесымылъықуңа кынляңа Пятидесятницам аӷныӷанун,

К Ефесянам 1:1

Укут посланият Павелымың пиңӯт. Христос Иисусым апостолыка̄ңа Кияӷныӷым пиюкылъҳакун. Письмоңӯңа Кияӷныӷым югитнун Ефесымылңуӷнун, ата̄сӣӷмылңӯт малихся̄ҳтыңи Христос Иисусым.

К Колоссянам 2:1

Уңипа̄таҳлъямси та̄куңинаҳа̄гның қыпҳа̄тилъымның лъпысинун, ухпықанунлъю Лаодикиямылңуӷнун, тамаҳа̄нунлъю ысҳа̄сигалңуӷның хўаңамның.

1е Тимофею 1:3

Аӷуляқнақумалюңа Македониямун Ефесымытысқыхкақамкын. Иляңи югыт тама̄нлыңӯт апыҳтуӷиңӯт ипаңунӷилңуӷмың апыҳтӯсяның. Қылыҳқи та̄қысқылъюки

Откровение 1:17

Ысҳаӷьямкун итыга̄н мануңакун ӯлъҳаҳтуңа туқукастун. Иўырңа аӷынқигныӷминың ӣхминың ся̄флъюңа пӣңа: «Алиңыхпынаң, хўаңа сивулӣгуңалъю, киңулӣгуңалъю.

Откровение 1:19

Ся̄қсин игақуҳқи игатхун сяңўа̄т қамахлъюки ысҳақытын ма̄тын, сяңўа̄тлъю киңувақун пияҳқат.

Откровение 1:2

Та̄хкын Иоанным а̄пқақӣ қамахлъюки ысҳақанилъю, нагатканилъю. Нагаткақӣ акузитаңи Кияӷныӷым, уңипақлъю Иисус Христосымың аюқылӷӣ.

Откровение 1:20

Ысҳаӷатын ма̄ӷраӷвинлык иӷалықыта̄ӷыт аӷынқигныӷма ӣханилңӯт, ма̄ӷраӷвинлыклъю золотат кынылӷутат тунымӣт, та̄кут сямың писӣтаңи сялин қайвиҳтылъҳитут. Хўатын писӣгут: Ма̄ӷраӷвинлык иӷалықыта̄ӷыт яқулгӯт. Кияӷныӷым уңипаҳтыкӣ ухпықанун қырңуӷуткаюгның ма̄ӷраӷвинлыгни юӷаӷвигни. Ма̄ӷраӷвинлык кынылӷутам тунымӣ та̄куңӯт ма̄ӷраӷвинлык юӷаӷвигыт».

Откровение 1:4

Укут посланият Иоаннымың пиңӯт ухпықанун қырңгутқаюгнун ма̄ӷраӷвинлыгни юӷаӷвигни Асиями. Наңлъыхталъықлъю, ныкыхмылъықлъю лъпысинилъик Кияӷныӷмың, ма̄ӷраӷвинлык таӷныӷа̄ның, Иисус Христосымыңлъю. Кияӷныӷӯқ кияҳлъыҳӣ ма̄тын, лъңаңӯқ кияҳлъыҳӣ сивунӷани, лъңаңӯқ тагияҳқақ. (Та̄кут ма̄ӷраӷвинлык таӷныӷат сивуңанитут Кияӷныӷым умӣлгусӣн ақумута̄н.) Иисус Христос ата̄сӣӷмылңӯгуқ лӣсимакиста ипапилъыӷмун. Лъңаңӯқ Кияӷныӷым уңуваҳсюхўа̄қа̄ туқулъыӷмың. Лъңаңӯқ иглыӷутистыңат умӣлгита нунам. Лъңаңӯқ пиниқилӷӣ хўаңкунъың, а̄ўмикунлъю, итымуткақӣлъю сыӷлыҳқылъымнъың. Атаныҳпагулъыӷминитыстӣлъю, священнигаңуҳтыстӣлъюлъю Кияӷныӷминун Атамун. Иисус Христосым алъхыҳлъикык ниӷуҳқылъықлъю, аҳтуӷьяҳқа̄нӷилъықлъю иглыӷутимун қӯнпырухлъяк кынлыңуна̄н! Аминь.

Откровение 1:8

«Хўаңа Альфаңӯңалъю, Омегаңӯңалъю», пӣқ Атанық Кияӷнық, Аҳтуӷьяҳқа̄нӷитыҳлъяк. Лъңаңӯқ кияҳлъыҳӣ ма̄тын, лъңаңӯқ кияҳлъыҳӣ сивунӷани, лъңаңӯқ тагияҳқақ.

Откровение 10:4

Ма̄ӷраӷвинлыгьягыт калъюгыт тыңъа̄хтаӷьята игақнақсяӷанка сямың пилъҳит. Иўырңа нагақуӷақа ма қилягмың пилӷӣ: «Аксяқики ма̄ӷраӷвинлыгьягыт калъюгыт сямың пилъҳит, игақыхпынаки!»

Откровение 14:13

Та̄хкын нагақуӷақа қилягмың ма пилӷӣ: «Игақигу уна: Хўакын кынлыклъюку қуясяҳқа̄гут туқуяҳқат қыпҳа̄сималюку Атанық!» Таӷныӷак пӣк: «Қуянапыста̄ҳтут! Мыӷна̄лилъықут уӷлыӷӣлъыӷмыхның, югыт нықамикылъықӣт аныӷныҳқилъҳит».

Откровение 19:9

Та̄хкын яқулгым пӣңа: «Уна игақигу: Пынъӣӷаҳа̄м ныңуҳтылъҳан нықынӷаҳқылъҳанун ныӷьяҳтӣсқыхкат қуястыка̄гут». Хўатынлъю пӣңа: «Укут ипаңӯт акузитаңи Кияӷныӷым».

Откровение 2:1

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Ефесым. Хўаңаңӯқ тугумӣлык ма̄ӷраӷвинлык иӷалықыта̄ӷның аӷынқигнымкун, иглыҳтыңъӯңалъю акулңитни ма̄ӷраӷвинлык золотат кынылӷутат тунымӣтни.

Откровение 2:12

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Пергамым. Уна уңипақ сявихпалыгмың пиңӯқ иңлюхтун хиналык ипыхсяқамың.

Откровение 2:18

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Фиатирам. Уна уңипақ Иӷныӷаның Кияӷныӷым пиңӯқ. Ӣскык кумаӷӯгук кынӷыстун, итыгӣ қылмыҳтутка̄т сӣлюм қылмыҳсялӷатун.

Откровение 2:24

Иўырңа иляхпыси Фиатирами, малихтылъҳитаси Иезавелым сыӷлыӷыт апыҳтуӷилъҳи. Лӣтылъҳитасилъю Туӷныӷа̄м аксяқумта̄ҳлъяги. Тама̄кын апалъюқлъюку қылӷатаӷаӷна̄нӷитамси,

Откровение 2:8

«Письмогу яқулык иглыӷутилӷӣ ухпықаның қырңуӷуткаюгның юӷаӷвигани Смирнам. Уна уңипақ хўаңамның пиңӯқ: Сивулӣгуңалъю, киңулӣгуңалъю, туқулюңа уңувақа̄гуңа.

Откровение 21:5

Та̄хкын умӣлгусигнилңуқ ақумутагни пӣқ: «Ысҳақаҳқиқун, улима̄қанка сяңўа̄т қамахтыңъўа̄ӷлюки нутаӷа̄люки!» Хўатынлъю пӣқ: «Игақики тама̄кут а̄пқанка лъпынун қаюҳлъяк тама̄кут акузитыт ипаңӯт, ухпықсяҳқа̄гутлъю».

Откровение 22:10

Пӣңалъю: «Аксяқыхпынаки ӯкналиқылъҳыт укут игат а̄пқӣт, қаюҳлъяк тама̄кут пилъыҳқӣт ка̄сяҳтӯма̄т.

Откровение 22:16

«Хўаңа, Иисус, каяхтыкақақа яқулъка лъпысинун ухпықанун юӷаӷвигнилңуӷнун. Апыҳлъықа̄к укук лъпысинун: “Хўаңа Давидым киңунқа̄ңа, хўаңа ниӷугракыхта̄гуңа уна̄ңум иӷалықыта̄ӷа”».

Откровение 3:1

«Игақигу уна уңипақ яқулыгмун иглыӷутилӷӣ ухпықаның қырңуӷуткаюгның юӷаӷвигани Сардисым. Та̄на Кияӷныӷым ма̄ӷраӷвинлык таӷныӷа̄ның пилык ма̄ӷрагвинлыклъю иӷалықыта̄лык, пӣқ: “Лӣсимакамси ся̄қыстык. Югыт пӣқӣси уңуванилюси иўырңа туқуңа̄си.

Откровение 3:14

«Игақигу уна уңипақ яқулыгмун иглыӷутилӷӣ ухпықаның қырңуӷуткаюгның юӷаӷвигани Лаодикиям. Уна уңипақ Аминымың пиңӯқ. Ата̄сӣӷмылңӯгуқ, ипапиҳқыңъалӷӣңӯқ лӣсимакиста. Лъңакун Кияӷныӷым улимакақа̄ сяңўа̄ қамахлъюку.

Откровение 3:4

Паниның қафсиңга̄гут югыт Сардисыми а̄ткатың нукыхнаҳқылъҳилъкаңит. Иглыҳтылгусиҳлъықа̄тңа а̄лъютың қатылӷӣмың а̄ткамың қаюҳлъяк итагналӷӣңӯт.

Откровение 3:7

«Игақигу уна уңипақ яқулыгмун иглыӷутилӷӣ ухпықаның қырңуӷуткаюгның юӷаӷвигани Филадельфиям. Уна уңипақ Аглыӷналӷӣмың, Ипапигмың пиңӯқ. Лъңанитуқ Давидыми қипытақ. Қылъпыҳтыкумигу амик, китум алңунак умыгна̄нӷита̄. Ӯмкумигулъю амик, китум алңунак қылъпыҳна̄нӷита̄.