Откровение 1:1 - Новый Завет на эскимосском языке

¹ Хўани игани игақңа̄т Кияӷныӷым алӣҳтыкӣ Иисус Христосымун. Кияӷныӷым алӣҳтыкақӣ лъңанун лӣгикыстысқылъюки қыпҳаҳтыни сяңўа̄т пияҳтуңыстаӷнилюки. Ынка̄м Христосым каяхтыкақа̄ яқулыни қыпҳаҳтыминун Иоаннымун тама̄кут лӣсимакысқылъюки.

Откровение 1:1 Iomraidhean Croise

От Иоанна 12:49

қаюҳлъяк акузитынка хўаңа пикынӷитанка. Атам Каяхтистыма қылӷутка̄ның акузӣқуңа.

От Иоанна 15:15

Хўакын кынлыклъюку қыпҳаҳтыңулюси атиӷна̄нӷитамси, қаюҳлъяк қыпҳаҳтым налъюка̄ умӣлыни ся̄қутаңа. Иўырңа ма̄тын атиӷамси илякумта̄ӷмың, қаюҳлъяк лӣтыстыкыхка лъпысинун қамахлъюку нагаткақа Атамның.

От Иоанна 17:8

қаюҳлъяк апыҳтӯсяқыхкаҳтын хўаңамнун апыҳтӯсяқыхкақанка лъңитнун. Тугуклъӣмӣт ынка̄м лӣта̄т ипапыста̄қ тагика̄тка лъпынун. Ухпықа̄тлъю лъпынун каяхтыка̄тка.

От Иоанна 3:32

А̄пҳақа̄ ысҳақанилъю нагақуқанилъю иўырңа китум алңунак ухпықигатӣ акузитаңи.

От Иоанна 8:26

Акузиткысяҳқаҳлъягӯңа лъпысиның, нанқихтусиҳқаҳтӯңалъю лъпысинун. Иўырңа Каяхтикақ хўаңамның ипаңӯқ, ынка̄м нунам юганун а̄пҳақанка нагатканка лъңаның».

К Римлянам 16:25

Усюқылътыху Кияӷнық! Лъңан айыпсюгиҳсяӷьяқлъыгўӣ ухпықилъыси Пинилӷӣтхун Уңипатхун Иисус Христосымың аюқылӷӣмың уңипақумаңинаӷақыхкымнун югнун. Та̄наңӯқ аксяқыхкақ уңипақ Кияӷныӷым қайвиҳсимаңитка̄ има пӣнлиӷьюха̄лъҳаның нунам.

К Галатам 1:12

Нагақуқақынӷитанка югның, талўа китум алңунак апыҳтӯткумаңитӣ хўаңамнун. Иисус Христосым алӣҳтыкақӣ хўаңамнун.

К Ефесянам 3:3

Кияӷныӷым лӣтыста̄ хўаңамнун қайвиҳтылъҳилңуқ успықылъыни. Қавңанҳақ письмоткаҳтыкақақа та̄на.

К Титу 1:1

Укут посланият Павелымың пиңӯт қыпҳаҳтыңаның Кияӷныӷым, апостолыңаныңлъю Иисус Христосым. Каяхтыка̄гуңа каюсӣтысқылъюки Кияӷныӷым накмикыхкӣ югыт ухпылъыҳтуҳтаӷӣсқылъюки, лӣтысқылъюкулъю ипапилъық. Та̄м ипапилъҳым каюсиҳлъықӣ югыт кияҳтылъыҳқӣт Кияӷныӷым пиюкылъҳатун.

Откровение 1:19

Ся̄қсин игақуҳқи игатхун сяңўа̄т қамахлъюки ысҳақытын ма̄тын, сяңўа̄тлъю киңувақун пияҳқат.

Откровение 1:9

Иоанныңӯңа, ухпықа̄лгуткаҳпысиңа. Икфиқуңа лъпысистун қаюҳлъяк Иисусым Атаныҳпагулъҳан пикӣлъю. Лъңакун икфиқылъыпут нуқытутапут. Агляҳтыстыка̄гуңа қӣҳқамун а̄тқылӷӣ Патмосымың қаюҳлъяк уңипақыхкынка Кияӷныӷым акузитаңи, уңипақлъю Иисусымың аюқылӷӣ.

Откровение 17:1

Та̄хкын яқулгыт ма̄ӷраӷвинлыгның сягнылгыт, та̄куның ата̄сим такулюңа пӣңа: «Таги, кылгувикнақамкын аӷью̄лъыҳқа̄ның апыҳсыӷӯм аӷнам югусиминың акикикаюгым, ақумгалӷӣ мыҳлъяхтыхун.

Откровение 19:10

Та̄хкын нӣнӷутуңа яқулгым итыга̄кун манигуӷналюку, иўырңа пӣңа: «Таўатын пихпынаң! Манигуҳу Кияӷнық! Қыпҳа̄тақақа Кияӷнық лъпытун, ухпықа̄лгутыфпытунлъю. Лъңаңут ата̄сӣӷмылңӯт ипалъыӷмун Иисусым апыҳтӯсяқыхка̄нун. Ипалъық Иисусым апыҳтӯсяқыхка̄ та̄наңӯқ ипалъық Кияӷныӷым Таӷныӷахкынка ӯкналиқистынун уңипақыстыка̄».

Откровение 19:9

Та̄хкын яқулгым пӣңа: «Уна игақигу: Пынъӣӷаҳа̄м ныңуҳтылъҳан нықынӷаҳқылъҳанун ныӷьяҳтӣсқыхкат қуястыка̄гут». Хўатынлъю пӣңа: «Укут ипаңӯт акузитаңи Кияӷныӷым».

Откровение 21:2

Ысҳаӷақалъю Аглыӷналӷӣ Ныҳлъяк, Иерусалимыӷраӷақ, укилӷӣ Кияӷныӷмың қилягмылңуӷмың. Ныҳлъяк ята̄ҳқылъюни угӣӷнақылӷӣм улъңақылъҳатун угиминун.

Откровение 21:9

Та̄хкын яқулгыт ма̄ӷраӷвинлыгның сягнылгыт ыслъықңалӷӣның киңулиӷның сыӷлылӣлъыҳлъягның, ата̄сим та̄куның такўа̄ңа. Пӣңа: «Таги, кылгувикнақамкын Угӣӷнақылӷӣмың, нулӣҳқа̄ Пынъӣӷаҳа̄м».

Откровение 22:1

Та̄хкын яқулгым кылгувика̄ңа кӣўыгның ма̄қылӷӣгның Кияӷныӷымлъю, Пынъӣӷаҳа̄млъю умӣлгусихкынка ақумутахкының. Уңувалъылитикаюгмың мылгык, мыӷра̄кыхтуткалӷӣк кристаллытун.

Откровение 22:16

«Хўаңа, Иисус, каяхтыкақақа яқулъка лъпысинун ухпықанун юӷаӷвигнилңуӷнун. Апыҳлъықа̄к укук лъпысинун: “Хўаңа Давидым киңунқа̄ңа, хўаңа ниӷугракыхта̄гуңа уна̄ңум иӷалықыта̄ӷа”».

Откровение 22:6

Та̄хкын яқулгым пӣңа: «Укут акузитыт ухпықсяҳқа̄гут, ипаңӯтлъю. Атанӷым, Кияӷныӷым иглыӷутилӷӣм таӷныӷӣтның ӯкналиқистыми, каяхтыкақа̄ яқулыни кылгувикысқылъюки қыпҳаҳтыни сяңўа̄т пияҳтуңыстаӷнилюки».

Откровение 22:8

Хўаңа, Иоанн, нагаткақанкалъю, ысҳақақанкалъю тама̄кут. Нагақуӷақңамкилъю, ысҳаӷақңамкилъю тама̄кут, нӣнӷутуңа яқулгым итыга̄ни манигуӷналюку, кылгувикистыка тама̄кын.

Откровение 22:9

Иўырңа пӣңа: «Таўатын пихпынаң! Хўаңалъю қыпҳаҳтыңӯңа лъпытун, ухпықа̄лгутыхпытунлъю ӯкналиқистыстун, қа̄ткулъҳӣстунлъю акузитаңитнун укут игат. Манигуҳу Кияӷнық!»

Откровение 4:1

Та̄хкын тама̄кут киңуңитның та̄ўа ысҳаӷақа қилягми амик қылъпалңуқ! Ма нагаткақа қалӷиҳта̄тытун аюқылӷӣ, хўатын пӣқ: «Мая̄ хўавык. Лъпынун ысҳаҳтыснақанка сяңўа̄т пияҳқат».

Откровение 5:7

Пынъӣӷаҳа̄м такулюку умӣлъхусигни ақумутагни ақумгалӷӣ, аӷынқигныӷан ӣханың туўӣ ӣмгат игат.