К Титу 3:9 - Новый Завет на эскимосском языке

⁹ Иўырңа лъпык иқитңалютын тама̄куның тымңи қаниқулъҳӣның, а̄ҳтӣра̄ӷулъҳӣның сивуныӷмың а̄тҳитның, Лӣлиҳтӯсяныңлъю. Тама̄на сясӣнӷитуқ, каютңуна̄нӷитуқ китумун алңунак.

К Титу 3:9 Iomraidhean Croise

1е Коринфянам 13:2

Ӯкналиқыхкаюгуӷңа̄ӷма, лӣгикыхкаюгуӷңа̄мки алӣнъыӷилңӯт қамахлъюки, лӣсималъық қамахтыкақсяӷңа̄мкун, ухпықилъылгуӷңа̄ӷма на̄йӷанун нӯхтисиҳқамың, пикатңуна̄нӷитуңа пиниқинӷилъкума.

1е Коринфянам 8:1

Кӣмсиӷьюганка а̄пқуӷа̄лъыҳси нықның аҳқуткыхканың кияӷныңлъяқанун. Ипаңӯқ хўатын пилъыҳси: «Лӣсималъылгӯкут қамахлъюта». Таўатылңуқ лӣсималъық а̄ңа̄юхтыстикаюгӯқ, иўырңа пиниқылъҳым икнақуҳтыңъўа̄ ухпылъыҳпут.

1е Тимофею 4:7

Нагатыхпынаки сясӣнӷилңӯт уңипаӷа̄тыт тыңвимун аюқылӷӣт Кияӷныӷым ипапилъҳанун. Йыӷлыги пыҳқихся̄ткигу Кияӷныӷмун аюқылӷӣ кияҳта̄лъық.

2е Тимофею 2:14

Китумун алңунак пуйгустыхпынаки тама̄кут. Кияӷныӷым нагасиманӷани, кылыңася̄ҳқи қаниқутуткыфқӣта акузитыт писқылъюки. Қаниқутылъҳат каютңуна̄нӷитуқ, на̄фқыңъинаҳлъықа̄т ухпықилъҳат нагалъҳӣт.

2е Тимофею 2:16

Иқитңалютын тымңитхўаның, сямың писӣнӷилңуӷның алыҳқӯтылъыӷның. Таўатылңӯт алыҳқӯтылъҳыт уява̄таӷаҳлъықӣт югыт Кияӷныӷмың.

2е Тимофею 2:23

Иқитңалютын тымңитхўаның алыҳқӯтылъҳитның югыт акузиткилӷӣның лӣгикумаңилъкымыхның. Лӣсимакатын а̄ҳтӣра̄ӷутыстикаюгӯт.

К Титу 1:14

Уңипа̄тики наганъаниӷлиткиңуқ Иудеит тымңи уңипаӷа̄таңит. Қа̄ткынъаниӷлиткиңуқ югыт қылӷусяңлъяқӣт. Та̄куңӯт иҳсякикат ипапигның апыҳтӯсяның.

От Иакова 4:1

Ся̄м а̄ҳтӣра̄ӷутыстақисилъю, пилъюгутыстақӣсилъю? Апалъюқақаҳси, сыӷлыӷым пиюкылъыҳпыси пилъюўаӷақӣ пинилӷӣт пиюкылъыси.