К Титу 3:8 - Новый Завет на эскимосском языке

⁸ Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.

К Титу 3:8 Iomraidhean Croise

От Матфея 20:4

Ынка̄м пикӣ: “Лъпысилъю пӣтысиӷаӷвимнун қыпҳаӷьяҳтык, акилыҳтуӷна̄ӷамси қыпҳалъыҳпысистун”.

От Иоанна 12:44

Иисус акилӷӯкақ: «Китум алңунак ухпықыхкумиңа, хўаңаңинаӷма ухпықыхпынаңа, ухпықңўа̄ Каяхтистыка.

От Иоанна 5:24

Ипа пӣмси, китум нагаскумики акузитынка, ухпықыхкумигулъю каяхтистыка, кынлыңилңуӷмың уңувалъылгӯқ. Нанқихтылъыңна̄нӷитуқ аӷью̄ӷьяҳқа̄люни қаюҳлъяк туқумың уңувалъыӷмун лъӣқа̄гуқ.

Деяния 12:15

Иўырңа пика̄т: «Тымңи пӣтын!» Иўырңа сягиқуткӣ ипаңунилюку. Та̄хкын пика̄т: «Яқулъкынӷитагухўа».

К Римлянам 4:5

Кияӷныӷым налъҳусяӷна̄нӷита̄ ю̄к ылъқуӷутңалъыӷминун қыпҳа̄тилъҳакун лъңанун. Итупилъ югым ныӷьюксяҳқақа̄ Кияӷнық налъҳусяӷикаюк сыӷлыҳқыстының ылъқуӷутңалъыӷминун ухпықилъҳитхун.

2е Коринфянам 4:13

Игақңа̄қ Акузитни Игақыхкани: «Ухпықақа Кияӷнық ынка̄м акузиткақақа». Ухпықилъыҳпут таўатытуқ игақыстытун. Хўаңкуталъю ухпықаҳпут Кияӷнық ынка̄м акузиткақаҳпут.

К Ефесянам 4:28

Тыглыгнӣҳта тыглыгнаниӷли. Итупилъ қыпҳаӷли алъхыӷусяҳқа̄люни аклъюкыхкаминың, тӯнияҳқа̄ҳлъықуқлъю аклъюкилӷӣнун.

1е Тимофею 1:15

Сямың пилъыҳқақа ипаңӯқ ынка̄м қамахлъюни ухпықсяҳқа̄гуқ: «Христос Иисус тагика̄гуқ нунамун югулиналюки сыӷлыҳқыстыт». Хўаңа сыӷлылъыҳпига̄гуңа сыӷлыҳқыстының.

1е Тимофею 2:8

Тамаҳа̄ни юӷаӷвигни югӣна̄т юӷӣсқысюганка. Тама̄куңулит кияҳлъыҳӣт қа̄ткулъютың Кияӷныӷым пиюкылъҳанун. Юӷаӷлит ныңугулъюки ӣхытың сякша̄лъңунатыңлъю, а̄ҳтӣра̄лъңунатыңлъю.

1е Тимофею 5:10

Амалъықа тамаңан лӣсимака̄т қыпҳалъыхтуляңа, катам авақутани пинитун аңлистылъҳатун, упуӷаныҳтуляңа, ухпықа̄лгутми итыгӣт уӷвуҳтуӷақлъюки, каюсиӷӣқлъюни сыӷлылӣлӷӣның, қӯнпыңлъю пинитун пӣқылӷӣ.

2е Тимофею 1:12

Та̄кут апалъюқлъюки икфиқңӯңа. Иўырңа кайңуюнӷитуңа қаюҳлъяк лӣсимакақа кинаңутаңа ухпықыхкақа̄. Лӣсимакңўа̄ӷақа лъңан кылыңаксяқлъыгўа̄ сяңўа̄ ныӷьюкуткақа лъңанун кынляңа киңулиӷмун Аӷныӷмун.

К Титу 1:9

Лъңа ата̄сиӷмысяҳқа̄гуқ ипапигнун апыҳтӯсянун апыҳтуӷалъыңылъыӷмитун. Атуқлъюки ипапигыт апыҳтӯсят кайымылъықӣ югыт, лӣгикыслъықӣлъю апыҳтуӷистысиӷўа̄ӷыт анахутңанилюки.

К Титу 2:14

Лъминың тӯныхка̄гуқ югулиналюта тамаҳа̄ның сыӷлыҳқылъыӷмың. Таўатын пика̄гуқ қаюҳлъяк пылюңиҳсяӷьюкаңилъю лъңанун югулюта, сягиқлъюта аныӷныҳқисқылъюта югнун.

К Титу 2:7

Лъпык сялъыҳпыгун тамаҳа̄кун, успута̄ўи лъңитнун аныӷныҳқилъыҳпыгун. Апыҳтуӷӣқи ипапиҳқылъютын, пира̄мсилютын.

К Титу 3:1

Нықаңуҳтики ухпықат малиҳқутақысқылъюки кавымым иглыӷутистыңитнун, умӣлўа̄ӷнунлъю. Қа̄ткутңаяҳқа̄гут, апыӷӣӷңаяҳқа̄гут тамаҳа̄нун аныӷныҳқилъыӷнун.

К Титу 3:14

Ухпықа̄лгутымта пыҳқихся̄ткылъитху аныӷныҳқуткаҳқақ ынка̄м каюсиӷьяқлъыгуҳнакаңит аклъюкыхкапилгыт. Тымңи кияҳта̄фқа̄мың пилит.

К Филимону 1:11

Сивунӷани сясӣнӷисяҳтуқ лъпынун, иўырңа хўа̄ каютңуҳтыпихсима̄қ хўаңкутыгнун.

К Евреям 10:24

Йықай сюмыҳтаӷа̄лъта натын қӣлңумиӷусяҳқа̄люта пиниқсяҳқа̄люки илят, пинитунлъю пияҳқа̄люта.

1е Петра 1:21

Христосыкун ухпықаҳси Кияӷнық. Лъңан уңуваҳтыкақа̄ Христос туқулъыӷмың, қӯлваҳлъякақа̄лъю. Тама̄кын апалъюқлъюку ухпықилъыҳси, сиӷималъыҳси Кияӷныӷмун аюқуқ.