К Титу 3:3 - Новый Завет на эскимосском языке

³ Хўаңкуталъю сивунӷани налъюяҳтукут, қа̄ткусигасяҳтукут, пӯҳтыңъаяҳтукутлъю. Югусимта пиюкылъҳа айӷӣлъюку, итагнаҳқусиқлъюку аюқсяӷаҳпут. Уңувалъыпут кияӷусиқсяӷапут сыӷлыпыста̄ӷмун, ақиналъыӷмунлъю. Югыт угумиксяӷӣлъю, угумикусяҳтукутлъю.

К Титу 3:3 Iomraidhean Croise

От Матфея 21:29

Иӷныӷан пика̄: “Ўӣн пиюнӷитуңа”. Иўырңа аӷныӷми та̄кўани авутыҳқылъюни қыпҳаӷьяқақ.

От Луки 21:8

Кӣмсиқӣ: «Кылыңатык, пӯҳтыстыхпынаси, қаюҳлъяк угляқ тагинақңӯқ а̄тқа атуқлъюку хўатын пимаӷмың: “Хўаңа Христосыңӯңа!” пӣқылъықутлъю: “Пилъыҳқақ ка̄туқ!” Иўырңа малихсяқунаки.

От Иоанна 8:34

Иисусым кӣмсиқӣ: «Ипа уңипа̄тамси, кина алңунак сыӷлыҳқыңъалӷӣ, сыӷлыҳқылъыӷмун қыпҳаҳтыля̄ӷыстун аюқуқ.

К Римлянам 11:30

Сивунӷани лъпыси язычнигни қа̄ткылъҳитаҳси Кияӷнық. Иўырңа ма̄тын алъхыҳтаҳси Кияӷныӷым наңлъыхталъҳа қаюҳлъяк Иудеит қа̄ткунъыӷилңӯт.

К Римлянам 6:12

Тама̄кын апалъюқлъюку сыӷлыҳқылъыӷмун иглықатақыстыхпынаки югусиси туқукаюгыт. Сыӷлыҳқылъҳым иглықатақыхкаки югусиси, қа̄ткысюхлъықаси югусиҳпыси сыӷлыҳқыңъалӷӣт пиюкылъҳи.

К Римлянам 6:17

Қыпҳаҳтыля̄ӷуяҳтуси сыӷлыҳқылъыӷмун. Иўырңа игамсиқаюгвикақа Кияӷнық қаюҳлъяк ма̄тын қамакырухлъяк қа̄ткыхкыси апыҳтӯсяӷраӷа̄т апыҳтӯсяқыхкат лъпысинун.

К Римлянам 6:22

Иўырңа ма̄тын итымулъюси сыӷлыҳқылъыӷмың қыпҳаҳтыля̄ӷуҳтыка̄гуси Кияӷныӷмун. Ынка̄м Кияӷныӷым пылюңӣҳтысимӣси, алъхыӷутысимӣсилъю кынлыңилңуӷмың уңувалъыӷмың.

К Римлянам 6:6

Лӣсимакаҳпут хўаңкутылъюгуялӷӣт қақӯра̄тка̄гут Христосыкун иглықатақнанӣсқылъюта сыӷлыҳқылъҳым аҳтуӷьяҳқа̄нӷилъҳанун, қыпҳаҳтыля̄ӷунаниӷналюталъю сыӷлыҳқылъыӷмун.

2е Коринфянам 12:20

Сюмыӷьялиткақамси лъпысинун ка̄скума ысҳақумси алъякнаюкамси хўаңа сиӷимакылъымның. Лъпысилъю хўаңа ысҳақуфсиңа алъякнаюкафсиңа сиӷимакылъыҳпысиның. Сюмыӷьялиткақамси аӷиватңунаюкафси, ақинакутңунаюкафси, сякша̄тутңунаюкафси, лъңина̄югутңунаюкафси, сыӷлықӯӷутңунаюкафси, йӣлъхитңунаюкафси, қука̄югутңунаюкафси, сю̄хлъиқутңунаюкафси.

К Галатам 6:3

Кина сюмыҳтаӷақуми сяңунилюни, сяңунӷитыӷңа̄ӷми, лъңаның пӯҳтыңъӯқ.

К Колоссянам 1:21

Ата̄симың пылъыӷңаяҳтуси Кияӷныӷмың. Ынка̄м аңуяксяӷӣси сюмыҳтаӷаткаҳтыкилъю, сыӷлытунлъю пилъыҳпысигун.

К Колоссянам 3:7

Сивунӷани таўатын кияҳтыңъуяҳтуси.

2е Тимофею 3:13

Сыӷлыӷыт югыт, пӯҳтистытлъю, сыӷлыӷуҳтаӷаҳлъықут. Пӯҳқуҳлъықут, лъңитлъю пӯҳтылъыңылъықут.

2е Тимофею 3:6

Иляңи тама̄кут нынун ӣтҳа̄таҳлъықут а̄ҳқутақыпигыснаӷналюки налъыкаӷнилңӯт аӷнат. Тама̄кут аӷнат сыӷлыҳқылъҳита уқихтуқусиҳлъяхлъықӣ, сыӷлыӷымлъю пиюкылъылӷутңита а̄ҳқутақылъықӣ.

К Титу 1:16

Лӣсимакнӣқа̄т Кияӷнық иўырңа кияҳта̄лъҳита ипапиҳқақа̄т налъюкутаңа: угумикнипихтут, қа̄ткусигатут, сясӣнӷитутлъю сяңўа̄ алңунак пинитун пина̄нӷита̄т.

К Титу 2:12

Та̄м пиниқылъҳым апыҳтуӷӣлъю пыхтысқылъюку кияҳта̄лъық Кияӷныӷмун аюқынӷилңуқ, иҳсякысқылъюки нунам юган пиюкылъҳи сыӷлыҳқыңъалӷӣт. Апыҳтуӷӣлъюлъю нуқынъыҳтусқылъюта, ылъқуӷутңалюта, кияҳтысқылъюта Кияӷныӷым пиюкылъҳатун нунами хўани.

От Иакова 1:26

Ю̄к сюмыҳтаӷақаюк ухпықаҳлъягунилюни, нақам акузиткысяҳқақынӷилъкымъиның акузикаюк тымңи пӯҳтыңъӯқ лъминың катам. Ухпылъҳа сятңунӷитуқ.

1е Петра 1:14

Қа̄ткулъюси Кияӷныӷмун қаюҳлъяк авақутақӣси. Ынка̄м атуқыхпынаки сыӷлыӷыт пиюкылъыси атуқңуяқыси. Таўатысяҳтуси налъюкутыхпысиның натын Кияӷныӷым кияҳтысқысюлъҳан аюқутаңа.

Откровение 12:9

Қилягмың милю̄та̄т драконыҳлъяк. (Ныӷиҳталюк нымыӷьяқ а̄тҳа Туӷныӷақ, налиӷмың Туӷныӷақ, пӯҳқуҳтыңа нунам юган.) Милю̄та̄т нунамун яқулыхтӯма̄н.

Откровение 13:14

Тӯңлиҳа̄ тыӷикусялъю̄к аҳтуӷьяҳқа̄нӷилъыңуқ алъя̄ҳлъюўаҳтияҳқа̄люни таўантылъҳани сивулӣм тыӷикусялъю̄гым. Тама̄гун алъя̄ҳлъюхўаҳтилъыҳтыхун пӯҳтӣ қамахлъюки югыт кияҳлъыҳӣт нунами. Қылӷӣ югыт наңаӷныңлъӣсқылъюки қӯлвӣсқылъюку сивулиқ тыӷикусялъю̄к. (Та̄на туқутка̄ялӷӣ сявихпахкун иўырңа уңувақақ.)

Откровение 18:2

Акилӷӯҳлъяхтуқ: «На̄вума̄қ! На̄вума̄қ Вавилоныҳлъяк! Ныка̄ҳсима̄т туӷныӷа̄т, нукыхналӷӣт туӷныӷа̄т, укмаңинъыӷилңӯт кусхыналӷӣт қаўа̄гыт.