К Титу 3:10 - Новый Завет на эскимосском языке

¹⁰ Кина алңунак а̄фқӯтыстилӷӣ кылыңася̄ӷнакын ата̄симың налиӷмың алӷиӷлюку. Наганъыӷилъкан пыхнакын.

К Титу 3:10 Iomraidhean Croise

К Римлянам 16:17

Ухпықа̄лгутымни, қылӷамси кылыңасқылъюси тама̄куның а̄фқӯтыстикаюгның, тунутыстилӷӣның югыт ухпықилъҳитның, кипулъхина̄лӷӣның апыҳтӯсяның лӣткаҳпысиның. Иқитңатык тама̄куның.

1е Коринфянам 11:19

Ынтақун а̄фқӯтылъыҳпысигун лӣгиксяҳқақаси налиси ипа қа̄ткутңатаңи Атаныӷмун.

2е Коринфянам 13:2

Тӯңлиҳа̄ни ля̄лиҳфикақңамси кылыңася̄қақамси тама̄кут сивунӷани сыӷлыҳқылӷӣт. Иляңитлъю кылыңася̄қақанка, тагинқихтыкума аӷью̄ӷмихлъықнилюки сыӷлыҳқумаңинақата. Тама̄нъыӷитыӷңа̄ӷма кылыңася̄ӷнақанка.

К Галатам 5:12

Тама̄кут сыӷлылӣҳқилӷӣт лъпысиның обрезаниялъыӷмың, лъңитңут обрезаниястыңъулютың евнухыңлялъҳӣт лъңитның.

К Галатам 5:20

манӣгӯтылъық кияӷныңлъяқанун, уйвӣниқылъық, аңуйиқылъық, пилъюгутылъық, қуңьяқилъық, сякшитылъық, лъңина̄юхтылъық, а̄фқымыра̄лъық, қырңуҳпахта̄тылъық,

2е Фессалоникийцам 3:14

Кина алңунак қа̄ткусюнӷилъкан сямың пилъымнъун укутхун письмотхун, сю̄мқынъакыси кинкуңутаңи. Ынка̄м иқитңалӷа̄си лъңаның кайңуюгысқылъюку анахутылъҳаның.

2е Фессалоникийцам 3:6

Ухпықа̄лгутымнъи, а̄тҳакун Атанымта Иисус Христосым қылӷамси иқитңасқылъюси тамаҳӣтның ухпықа̄лгутыхпысиның иҳсяниталӷӣныңлъю, малиҳқутақигалңуӷныңлъю апыҳтӯткамнъың лъпысинун.

2е Тимофею 3:5

Қа̄ймыхтыхун ухпықа̄юхлъықут, иўырңа кияҳта̄лъҳита апыҳлъықа̄т аваңитулңи Кияӷныӷым аҳтуӷьяҳқа̄нӷилъҳаның. Иқитңалютын таўатылңуӷның югның.

2е Петра 2:1

Сивунӷани агани ӯкналиқистысӣӷўа̄ӷыт акулңитнисяҳтут Кияӷныӷым югитни, катам апыҳтуӷистысиӷўа̄ӷыт акулыхпысинилъықут. Налъюныҳпысини апыҳтуҳлъықӣси иқлъыңамың на̄фқынъалюки ухпықилъыси. Қайўа Христосым Пилӣтыстыңита тукфиқақыӷңӣстың итымунъалюки сыӷлыҳқылъҳитның, паниның пикнаниҳлъықӣт. Ынка̄м нӯскаган лъңитның на̄фқыслъықут.

2е Иоанна 1:10

Китум алңунак апыҳтуӷьяҳтуқаңиси атуқыхпынаки Христосым апыҳтӯсӣ, ақылъқаңлъяҳпына̄н налиӷмың қуякыхпына̄н,