К Титу 2:12 - Новый Завет на эскимосском языке

¹² Та̄м пиниқылъҳым апыҳтуӷӣлъю пыхтысқылъюку кияҳта̄лъық Кияӷныӷмун аюқынӷилңуқ, иҳсякысқылъюки нунам юган пиюкылъҳи сыӷлыҳқыңъалӷӣт. Апыҳтуӷӣлъюлъю нуқынъыҳтусқылъюта, ылъқуӷутңалюта, кияҳтысқылъюта Кияӷныӷым пиюкылъҳатун нунами хўани.

К Титу 2:12 Iomraidhean Croise

От Матфея 12:32

Китум алңунак кипулъыгмун сямың пикумигу Иӷныӷа Югым, сыӷывутылъыңьяҳқа̄гуқ. Иўырңа китум алңунак кипулъыгмун сямың пикумикык Аглыӷналӷӣк Таӷныӷак, сыӷывутылъыңна̄нӷитуқ ма̄тын кияҳта̄лъыӷми, налиӷмың тӯңлиҳа̄ни».

От Матфея 16:24

Та̄хкын Иисусым малихся̄ҳтыни пикӣ: «Китум алңунак малихсюкумиңа, лъми катам пиюкылъыни пыхлъюку, қақӯрани уямиглюку малихлъиңа.

От Матфея 28:20

Апыҳтӯсяқитыки қа̄ткысқылъюки қамахлъюки қылӷутканка лъпысинун. Лъпысинитыпыста̄ҳлъықуңа қӯнпың кынляңа кынлытҳӯтылъҳанун нунам».

От Луки 1:6

Кияӷныӷмун ылъқуӷутңалютык кияҳта̄ӷык. Қа̄ткыпихтыкаңик Атанӷым қылӷусӣлъю, Лӣлиҳтӯсӣлъю, авутңинъалютык.

От Луки 1:75

тӯнңўа̄ӷлюта лъңанун, қа̄ткулъюталъю пиюкылъҳанун уңувалъыҳпут қамахтӣлюку.

От Иоанна 14:30

Алыҳқуӷнаниӷьяҳтуңыстаӷамси, қаюҳлъяк иглыӷутистыңа нунам ӯм тагиңӯқ. Аҳтуӷьяҳқа̄нӷилъҳитуқ хўаңамнун,

От Иоанна 6:25

На̄лъкысямыхтыху Иисус а̄птыка̄т: «Апыҳтуӷиста, қавңақ ма̄вык ка̄син?»

Деяния 24:16

Ынка̄ңам қӯнпың кияҳнақуткақуңа сыӷлыӷьюгуткаҳқӣлъюңа Кияӷныӷмунлъю, югнунлъю.

Деяния 24:25

Павелым акузиткысяки укут: пинитун кияҳта̄лъық, нуқынъыҳтулъық, Кияӷныӷымлъю нанқихтилъыҳқа̄ тамаҳа̄нун. Правитель Феликсым алиңлюни пика̄: «А̄нылӷа̄тынңам, алъя ақфаслъықамкын пилъыҳқаңыхкума».

К Римлянам 12:2

Ӯм нунам югатун кияҳтыхпынаси. Йыӷлыги Кияӷныӷмун алъяңуҳтыстык нутаҳтыслъюки умьюгаси. Та̄хкын лӣгикылъықаҳси пиюкылъҳа Кияӷныӷым пинилӷӣ, тугуклъиӷьюгналӷӣ, қамахтӣңўа̄ӷңалӷӣлъю.

К Римлянам 6:12

Тама̄кын апалъюқлъюку сыӷлыҳқылъыӷмун иглықатақыстыхпынаки югусиси туқукаюгыт. Сыӷлыҳқылъҳым иглықатақыхкаки югусиси, қа̄ткысюхлъықаси югусиҳпыси сыӷлыҳқыңъалӷӣт пиюкылъҳи.

К Римлянам 6:19

Тама̄кут лӣгикныҳлъюгутаңитның лъпысинун, успутақңўа̄нка қыпҳаҳтыля̄ӷытлъю пилӣтыстыңитлъю. Сивунӷани тӯныхкаюгуяӷаси югусиси қыпҳаҳтыля̄ӷулюки нукыхналӷӣнунлъю, нулямаңиналӷӣнунлъю сыӷлытун пилъыӷнун. Ма̄тын тӯнитыки югусиси қыпҳаҳтыля̄ӷулюки ылъқуӷутңалъыӷмун кияҳтысқылъюси пылюңилъюси.

К Римлянам 8:13

Кияҳтыңъукуфси малиҳқутақлъюси югусиҳпыси пиюкылъҳанун, туқулъықуси. Иўырңа Таӷныӷагныкун туқускуфсики югусиҳпыси сыӷлыҳқыңʼңалӷӣт пӣқыхкаңит, та̄ўа кияҳлъықуси.

2е Коринфянам 1:12

Уна ысҳа қука̄югусиҳпут, сюмыҳтаӷалъымта уңипа̄тӣлъю кияҳта̄лъыҳпут хўани нунами ипапиҳқыңъа̄қлъю, пиниқиңа̄қлъю, кияң лъпысинун. Таўатын пӣқукут Кияӷныӷым пиниқиңалӷӣкун каюсилъҳакун, нака̄н югым пыҳқинылъҳакун.

2е Коринфянам 7:1

Пиниқыхкамни илякумта̄мни, Кияӷнық тама̄куның акықусяңлъяқа̄таңаның хўаңкунъун, укмаңиҳся̄лътыки алъя̄ҳӣна̄т нукыхнӣ югусимталъю, таӷныӷамталъю. Пылюңиҳтыңъўа̄ӷылъта қаюҳлъяк аликаҳпут Кияӷнық.

К Галатам 1:4

Христос лъңаның аҳқуткыхка̄гуқ сыӷлыҳқылъымнъун, итымунъалюта хўакын сыӷлыӷмың кияҳта̄лъыӷмың. Кияӷнымта Атам пиюкылъҳатун пика̄гуқ.

К Галатам 5:24

Христос Иисусым пиңита қақӯра̄ткақӣт сыӷлыҳқыңъалӷӣт пиюкылъҳит югусимың.

К Ефесянам 1:4

Нуна улималъҳилъюку Кияӷныӷым накмикыхкақӣлъю Христосыкун пылюңитысқылъюталъю, авутңитысқылъюталъю лъңанун.

К Ефесянам 2:2

Таўатысяҳтуси кияҳтыңъулюси нунам сыӷлыӷмун иглыӷныӷанун. Қа̄ткыңъуяӷаҳсилъю иглыӷутистыңат туӷныӷа̄т қилягамылңӯт. Лъңаңӯқ а̄ңылъыҳпигақ туӷныӷақ иглыӷутилӷӣ югның қа̄ткусигалңуӷның Кияӷныӷмун.

К Колоссянам 1:22

Иўырңа Кияӷныӷым илялӣӷунъықихтыстӣси лъңанун Иӷныӷми югусӣн туқулъҳакун. Таўатын пика̄гуқ тагинъалюси наю̄тңалъыӷминун аглыӷнаӷлюси, пылюңилъюси, авутңилъюсилъю.

1е Фессалоникийцам 4:7

Кияӷныӷым накмикыхкақӣлъю кияҳтысқылъюта пылюңилъюта, сыӷлыҳқылъңуна̄мта.

1е Фессалоникийцам 4:9

Китум алңунак письмонӷисяӷңа̄ӷмиси аюқӣси уңипа̄нъалюси пиниқысқылъюки ухпықа̄лгутыси, қаюҳлъяк Кияӷныӷым апыҳтуқақӣси пиниқутысқылъюси.

1е Тимофею 4:12

Китумун алңунак паляқыстыхпына̄н аңлинҳа̄малъҳын. Иўырңа ухпықанун успута̄ўи акузилъыҳпыгун, сялъыҳпыгун, пиниқылъыҳпыгун, ухпықилъыҳпыгун, пылюңилъютын кияҳтылъыҳпыгун.

1е Тимофею 6:17

Қука̄юхтыснаниҳқи тама̄кут аклъюңилңӯт нунами хўани, талўа сиӷимаснаниҳқи аклъюңиңитхун налъюнықналӷӣтхун. Иўырңа сиӷимасқики Кияӷныҳқун. Лъңан иӷлыгутыхпына̄мта тӯнақӣлъю сямың тамаҳа̄ның пиниӷью̄гусиҳқамың.

1е Тимофею 6:9

Иўырңа тама̄кут аклъюңиӷиюлӷӣт нанӷӣқулъыңақут. Сыӷлыӷым пиюкылъҳита тугўа̄қӣ ынка̄м тымңитхўаҳлъягуҳтақут. Та̄хкын пиюкылъҳита сяюгақӣ на̄фқылъыӷмун.

2е Тимофею 3:12

Тамаҳаӷми амьюқыта̄ткылъыңылъықуқ кияҳсюлӷӣ Кияӷныӷым пиюкылъҳатун Христос Иисусыкун.

2е Тимофею 4:10

Димасым пиниқсялӣсима̄ нунам кияҳта̄лъҳа ынка̄м унисима̄ңа, аӷуляқума̄қ Фессалоникамун. Крискента Галатиясима̄қ ынка̄м Тит Далматиямун пима̄қ.

К Титу 3:3

Хўаңкуталъю сивунӷани налъюяҳтукут, қа̄ткусигасяҳтукут, пӯҳтыңъаяҳтукутлъю. Югусимта пиюкылъҳа айӷӣлъюку, итагнаҳқусиқлъюку аюқсяӷаҳпут. Уңувалъыпут кияӷусиқсяӷапут сыӷлыпыста̄ӷмун, ақиналъыӷмунлъю. Югыт угумиксяӷӣлъю, угумикусяҳтукутлъю.

К Евреям 8:11

Налиҳӣнӣта̄ апыҳтуӷьяҳқақынӷита̄ нуналгутни, налиӷмың ныңлъюгутни лӣтысқылъюку Атанық, қаюҳлъяк қамахлъютың лӣсимакылъықа̄тңа, укалиҳпигаҳаӷның пиңўа̄ҳлъягнун.

От Иакова 1:27

Кияӷныӷым Атамта пилъҳани ю̄к ухпылъыпӣлгукуми, каюсиӷьяҳқақӣ яйўа̄литлъю, угиңиӷатлъю сыӷлылӣнӷата, нуқысяҳқа̄гуқлъю сыӷлыӷаның нунам.

2е Петра 2:9

Та̄ўа лӣтаҳпут, Атанық лӣсимакуқ натын югулилъыҳқамың ылъқуӷутңалӷӣт югыт, нанӷӣҳсяӷалъыңынӷата. Кылыңакңўӣлъю сыӷлыӷыт югыт аӷью̄лъыңылъыӷмылңӯт, утақӣмалюки Аӷныӷанун Нанқихтилъҳым.

2е Петра 3:11

Қамахлъютың тама̄кут уӷугьяҳқа̄таңитның, лъпыси югни натылъыкыстык? Кияҳта̄лъыси пылюңилъит, Кияӷныӷмунлъю аюқлъит,

1е Иоанна 2:27

Иўырңа лъпыси Христосым кӯвикыхкақӣси Таӷныӷагминың. Таӷныӷакык илюхпысинитутмыгның алъя кина алңунак Апыҳтуӷистыксюгна̄нӷитаҳси, қаюҳлъяк Таӷныӷахкынка апыҳтуӷақӣси сямың тамаҳа̄ның. Апыҳтӯсӣ ипаңӯт, тымңиңунӷитут ынка̄м Таӷныӷам апыҳтулҳатун Христосымытыкыстаҳтык.

1е Иоанна 2:6

Кина алңунак пилӷӣ кияҳтыңъунилюни лъңани, кияҳсяҳқа̄гуқ Иисус Христосым пилъҳатун.

1е Иоанна 5:19

Лӣсимакукут Кияӷныӷым пикӣлъю қайўа Туӷныӷа̄м иглыӷутңуӷңа̄гу қамахлъюку нуна.

От Иуды 1:18

Уңипа̄ткақӣси хўатын: «Киңулиӷни аӷныӷни ныңляӷьюхсяҳтылгуяҳқа̄гуқ Кияӷныӷым ипапиҳқылъҳаның аюқылӷӣның. Сяңўа̄т алңунак югусим пиюкылъҳи атуқсюныӷмыхтыки пӣқӣт».

Откровение 14:12

Тама̄кут қамахлъютың хўатын писӣгут, Кияӷныӷым юги нуқынъыҳтупыста̄ӷьяҳқа̄гут. Тама̄куңӯт қа̄ткутңалӷӣт Кияӷныӷым қылӷуся̄нун, ата̄сӣӷмылъютыңлъю Иисусымун.