К Титу 2:11 - Новый Завет на эскимосском языке

¹¹ Таўатын кияҳсяҳқа̄гукут қаюҳлъяк Кияӷныӷым алӣҳтыкақа̄ пиниқылъыни югулилъыңысқылъюку ю̄к тамаҳа̄н.

К Титу 2:11 Iomraidhean Croise

От Матфея 28:19

Тама̄кын апалъюқлъюку аӷуляқлъюси қамахлъюки югыт малихся̄ҳтыңлъяҳтыки хўаңамнун, крестиӷаляҳтыки А̄тҳакун Атам, Иӷныӷым, Аглыӷналӷӣмлъю Таӷныӷам.

От Марка 16:15

Пикӣ: «Аӷуляқлъюси нунатаҳа̄нун тамаҳа̄нун уңипақитыки Пинилӷӣт Уңипат тамаҳа̄нун югнун.

От Луки 24:47

Хўатынлъю игақыхка̄лӷӣ: “Малихся̄ҳтыңи уңипақилъықут А̄тҳакун, пӣнлиӷлютың Иерусалимымың та̄хкын тамаҳа̄нун рамкынун. Уңипа̄сяҳқақӣт авутыҳқылъюки сыӷлыҳқынъанӣсқылъюки Кияӷныӷмун сыӷывутысқылъюки”.

От Луки 3:6

Қамахлъюни югым ысҳаҳлъықа̄ Кияӷныӷым югулиӷилъҳа югның!”»

От Иоанна 1:14

Акузин кымгуҳлъюни акулымнъиткақ. Лъңакун Кияӷнық лӣтыстыңъўа̄қа̄гуқ, лӣтыстыңъўа̄қақа̄лъю пиниқылъыни хўаңкунъун. Ысҳақақаҳпут та̄ўа сыӷлыҳлъягуфтуқ. Сыӷлыҳлъягуфтуқ қаюҳлъяк та̄наңинаҳа̄лӷӣ Иӷныӷа Атам.

От Иоанна 1:9

Та̄на ниӷупӣгӯқ тагикақ нунамун, ниӷугулъҳӣ тамаҳа̄нун югнун.

Деяния 11:23

Ка̄сялӷӣми угля̄пихлъыӷӣ ю̄к ухпыҳтӯлъюни аюқыфтуқ, ынка̄м қуяҳлъякақ қаюҳлъяк лӣгикыхка̄ Кияӷныӷым пиниқиңалъыҳлъяга югнун. Варнава пинилӷӣңулӷӣ ю̄к, имиӷңаҳлъяклъю Аглыӷналӷӣгның Таӷныӷагның, ухпықилъылыхлъяклъю. Та̄хкын алъяңуҳтыфқӣта ата̄сӣӷмытыкыстӣсқыхкӣ Атаныӷмун. Ўатақа̄ӷақ иляңиталъю югыт ухпықыхка̄т Атанық.

Деяния 13:43

А̄нлыӷа̄сямың Иудеялӷутытлъю, язычнигылӷутытлъю манигӯткаюгыт Кияӷныӷмун Иудеястун, малигуткат Павелынкугнун, Варнаванкугнун. Апостолык кайымыхкӣк кияҳтыкыстӣсқылъюки сиӷимаклъюку Кияӷныӷым наңлъыхталъҳа.

Деяния 13:47

Таўатын пӣкут қаюҳлъяк Атанӷым қылъқақӣлъю хўатын: “Накмикыхкақамси ниӷугулюси язычнигнун, а̄пҳысқылъюку югулилъық нунатаҳа̄нун тамаҳа̄нун”».

Деяния 17:30

Сивунӷани агани югыт сялин налъюклъюку Кияӷнық, аӷью̄ӷьюгумаңитӣ аӷью̄сяқыӷңа̄та. Иўырңа ма̄тын қылӷўӣ қамахлъюки югыт на̄нсяӷңа̄та авутыҳқылъюки, сыӷлыҳқынъанӣсқылъюки.

Деяния 20:24

Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.

К Римлянам 10:18

Иўырңа пӣқсиңа̄ Израилыӷмӣт нагақӯнъыӷинъилюки уңипа̄мың? А̄а, нагақупыста̄қа̄гут. Акузитни Игақыхкани игақңалӷӣ: «Мыңит аӷуляқума̄т тамаҳа̄нун нунам; акузитаңитлъю кынлыңитнун нунам».

К Римлянам 5:15

Иўырңа Кияӷныӷым тунуся̄ Адамым сыӷлыҳқылъҳатун аюқынӷитуқ. Ипаңӯқ угляпихлъыҳӣт югыт туқука̄гут апалъюқлъюку ата̄сим югым сыӷлыҳқылъҳа. Иўырңа Кияӷныӷым пиниқылъҳа сыӷлыҳлъягӯқ. Ынка̄м угля̄пихлъыӷӣт югыт алъхыҳтыкақа̄т Кияӷныӷым ақыҳқыңъалӷӣ акиңилңуқ тунуся̄, пиниқылъҳакун ата̄сим югым Иисус Христосым.

К Римлянам 5:2

Апалъюқлъюку ухпықилъыҳпут Иисусым кияҳтыстӣлъю Кияӷныӷым пиниқылъҳани. Ынка̄м қуяҳлъягӯкут қаюҳлъяк лӣсимакңўа̄ӷаҳпут Кияӷныӷым ныңиҳтыслъықӣлъю ниӷуҳқылъыӷминың.

2е Коринфянам 6:1

Қыпҳалгуткутутымнъың Кияӷнықлъю, та̄ўа кайымамси Кияӷныӷым наңлъыхталъҳа тугуклъиҳпына̄н тымңитхўаңулюку.

К Галатам 2:21

Ынка̄м пакигигатақа Кияӷныӷым тунуся̄. Ю̄к қа̄ткутылъыӷмикун Лӣлиҳтӯсянун налъҳусяӷьяҳқа̄яқан Кияӷныӷым ылъқуӷутңалъҳанун, та̄ўа Христосым туқулъҳа тымңиңунаяҳтуқ.

К Ефесянам 2:5

Қайўа таӷныӷапут туқуңаяӷңӣта апалъюқлъюки сыӷлыҳқылъыпут, Кияӷныӷым уңуваҳтӣлъю малигулъюта Христосымун. (Югулика̄гуси Кияӷныӷым наңлъыкылъҳакун.)

К Ефесянам 2:8

Кияӷныӷым наңлъыхталъҳакун югулика̄гуси ухпықилъыҳпысигун. Югулилъыҳси лъпысиның пилъқынӷитаҳси, Кияӷныӷым тунусяқа̄ лъпысинун.

К Колоссянам 1:23

Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.

К Колоссянам 1:6

Пинилӷӣт Уңипат қуястимаңина̄гут югнун. Ынка̄м Пинилӷӣт Уңипат миңитңӯт ӣңунаҳа̄нун нунам, катам таўатын қуястилъҳистун лъпысинун нагақуӷьюхўа̄ӷақңафсигу Кияӷныӷым наңлъыхталъҳа. Та̄хкын кынляңа лӣтаҳси Кияӷныӷым наңлъыхталъҳа.

2е Фессалоникийцам 2:16

Кияӷныӷым Атамта, пиниқистымта, наңлъыхталъыӷмикун тӯныхкақӣлъю кынлыңилңуӷмың илютулъыӷмың, пинилӷӣмыңлъю сиӷималъыӷмың. Атанымта Иисус Христосым лъңан катам, Кияӷныӷымлъю Атамта, ылъкыхкынка

1е Тимофею 1:14

Иўырңа Атанымта наңлъыкыҳлъякақа̄ңа! Ухпықилъылиткақа̄ңа, пиниқылъылиткақа̄ңалъю Христос Иисусымылңуӷмың.

1е Тимофею 2:4

қаюҳлъяк қамахлъюку ю̄к югулилъыңысюга̄, лӣтысюга̄лъю ипапилъық.

2е Тимофею 1:10

Иўырңа хўа̄ пиниқылъыни лӣтыста̄ хўаңкунъун тагилъҳакун Югулиӷистымта Христос Иисусым. Христосым на̄фқыхкақа̄ туқулъық, та̄хкын Пинилӷӣтхун Уңипатхун лӣтыстӣлъю туқуңигалңуӷмың уңувалъыӷмың.

2е Тимофею 4:17

Иўырңа Атанық хўаңамнитка̄гуқ. Икнақусиқақа̄ңалъю уңипақысқылъюки ӣңунӣта Пинилӷӣт Уңипат қамахлъюки язычнигыт нагақӣсқылъюки. Ынка̄м Кияӷныӷым югуликақа̄ңа туқутылъыҳқамың.

К Евреям 12:15

Ысҳа̄макулъюси килъю алңунак лю̄рақ алъхыҳныӷися̄ӷа̄т Кияӷныӷым наңлъыхталъҳа. Нагусяқуна̄нлъю сюңаӷнилңуқ акуқ сыӷлылӣҳқӣлюни на̄фқӣяҳқақ юлӷутмың.

К Евреям 2:9

Иўырңа ысҳаӷаҳпут Иисус! Кияӷныӷым натыңӣҳақ укаваҳтыстыкақсяӷа̄ яқулыгның. Ма̄тын ысҳаӷаҳпут қаҳпалюни ниӷуҳқылъыӷмыңлъю, қӯлвалъыӷмыңлъю қаюҳлъяк икфиқлъюни туқука̄гуқ. Кияӷныӷым пиниқылъҳа апалъюқлъюку, Иисус туқука̄гуқ тамаҳа̄нун.