К Титу 2:10 - Новый Завет на эскимосском языке

¹⁰ налиӷмың тыглыгвиксяҳқақынӷитӣт. Йыӷлыги қӯнпың пинитун, ата̄сӣӷмылъютың пияҳқақӣт. Ынка̄м сялъыӷмыхтыхун тамаҳа̄кун пиюкнаңлъяҳлъықӣт апыҳтӯсӣ Кияӷныӷым Югулиӷистымта.

К Титу 2:10 Iomraidhean Croise

От Матфея 24:45

«Кинаңа̄ўа ата̄сӣӷмылңуқ пыҳқинылӷӣ қыпҳаҳта? Та̄наңӯқ умӣлган иглыӷутистыңлъяқа̄ қыпҳаҳтылгутаңанун, нықылита̄тӣсқылъюкилъю аҳутаңа тамаҳа̄н.

От Матфея 5:16

Таўатыҳпигақ ниӷухси кӯкхутыстыху югнун ысҳӣсқылъюку аныӷныҳқилъыҳси, ынка̄м усюқнакаңат Атази қилягмылңуқ».

От Луки 1:47

таӷныӷахкалъю қуяҳлъягӯк Кияӷныӷми, Югулиӷистымни,

От Луки 1:80

Таӷнуҳақ аңликақ, икнақуҳтыкақлъю таӷныӷамикун. Килга̄ниткақ кынляңа уңипаӷьяҳтулъыӷминун Израилыӷмӣнун.

От Луки 16:10

Кина алңунак ата̄сӣӷмыскуми сяяҳқасқуҳаӷминун, ата̄сӣӷмылъықуқлъю сяяҳқалӷутминун. Кина алңунак ипапиҳқигалъкуми сяяҳқасқуҳаӷминун, ипапиҳқынъа̄нӷитуқлъю сяяҳқалӷутминун.

От Иоанна 12:6

Таўатын пика̄лӷӣ мыгнукылӷӣстун аклъюмалӷӣт иўырңа мыгнукыпихтыкаңа мани. Афлъыңакистыңулӷӣ малихся̄ҳтыт манилӷутӣтның ынка̄м тугуткаюгулӷӣ лъңанун катам атуҳқамың тыглыгнӣҳтыңутминың.

1е Коринфянам 4:2

Христосым қыпҳаҳтыңи ата̄сӣӷмысяҳқа̄гут.

К Ефесянам 4:1

Анусимиңлъяӷа̄гуңа қаюҳлъяк қыпҳа̄скыхка Атанық. Кияӷныӷым накмикыхкақӣси лъңанун югулюси; тама̄кын апалъюқлъюку кайымамси кияҳтысқылъюси Кияӷныӷым кияҳтысқысюлъҳатун.

К Филиппийцам 1:27

Сяяӷңа̄тңа нагныӷутыки кияҳта̄лъыси Христосым апыҳтулъҳатун Пинилӷӣтхун Уңипатхун. Ынка̄м ысҳаӷьяҳтуқумси, налиӷмың авӣтыӷңа̄ӷма нагақуқумси, лӣгикылъықақа ата̄систун пилъыҳси. Лӣгикылъықақалъю қырңаҳпыси ныкывӷанъақуткылъыси Пинилӷӣт Уңипат аңуяхпысиның.

К Филиппийцам 4:8

Ынка̄ңам ухпықа̄лгутымни, на̄ңнӣтаңакун посланияма уңипа̄сюўамси сюмыҳтаӷа̄ткумаңинӣсқылъюки пинилӷӣтлъю, усюқсяҳқатлъю хўатылңӯт: тама̄кут ипапигыт, қӯлваӷьяҳқат, ылъқуӷутңалӷӣт, пылюңилңӯт, пиниқсяҳқат, тама̄кутлъю пинитун акузиткысяҳқат.

1е Тимофею 1:1

Укут посланият Павелымың пиңӯт апостолаңаның Христос Иисусым. Апостолыңуҳтыка̄гуңа қылылъҳакун Кияӷныӷым Югулиӷистымта, Христос Иисусымлъю сиӷимакыхкамта.

1е Тимофею 5:17

Пресвитерыт иглыӷутиюқат юӷаӷвигми, та̄куңинаҳа̄гныңлъю қыпҳалӷӣт апыҳтуӷилъыҳқун, уңипақилъыҳқунлъю, қӯлваӷақитыки малӷуҳқылъюки акилыҳтӯсӣт.

1е Тимофею 6:1

Қамахлъютың қыпҳаҳтыля̄ӷыт сӣвакыҳлъяглитки тама̄кут пилӣтистытың, ынка̄м китум алңунак сыӷлытун акузиткынӷилъикык а̄тҳа Кияӷныӷым, апыҳтуӷилъыҳпутлъю.

1е Тимофею 6:3

Кина алңунак апыҳтуӷикуми алъяңулюку тама̄куның апыҳтӯсяның, итагнақынӷитӣ апыҳтӯсяпиги Атанымта Иисус Христосым. Лъңан апыҳтӯся̄н уңипа̄тӣлъю Кияӷныӷым пиюкылъҳатун кияҳтылъыҳқамың.

К Титу 1:3

Ынка̄м пилъыҳқаҳлъюўа̄ӷмини Кияӷныӷым лӣтыстыкақа̄ та̄на кынлыңилңуқ уңувалъық уңипамикун. Хўаңамнун ныӷьюкуткақа̄ уңипани ынка̄м уңипақақақа қылӷутылъҳатун Кияӷныӷым Югулиӷистымта.

К Титу 3:4

Иўырңа Кияӷныӷым Югулиӷистымта лӣсимакыстыкақӣлъю наңлъыхталъыӷминың, пиниқылъыӷминыңлъю.

1е Петра 2:12

Пинитун кияҳтык акулңитни ухпықа̄нӷилңӯт, лю̄рақ лъңита сыӷлытун пистыңунинаюкаңиси. Ысҳақумыхтыки аныӷныҳқилъыси усюқылъықа̄т Кияӷнық Аӷныӷани Христосым тагилъҳан.

1е Петра 3:16

Иўырңа кӣмсиӷақитыки қусывыхлъылиӷлюси, сӣвакилъылиӷлюси. Сыӷлыҳқынӷилъкуфси умьюгаси сыӷлыӷнина̄нӷитут. Ынка̄м югыт сыӷлықӯқаңиси пинитун кияҳтылъыҳпысиның Христосыкун, кайңуюхлъықут таўатын акузилъыӷмыхның.

2е Иоанна 1:9

Китум алңунак қа̄сҳускумики апыҳтӯсӣ Христосым Кияӷнық лъңанинъыӷитуқ. Иўырңа китум алңунак атуқумаңинақумики апыҳтӯсӣ Христосым, Атаңалъю, Иӷныӷалъю лъңанитук.