К Титу 1:9 - Новый Завет на эскимосском языке

⁹ Лъңа ата̄сиӷмысяҳқа̄гуқ ипапигнун апыҳтӯсянун апыҳтуӷалъыңылъыӷмитун. Атуқлъюки ипапигыт апыҳтӯсят кайымылъықӣ югыт, лӣгикыслъықӣлъю апыҳтуӷистысиӷўа̄ӷыт анахутңанилюки.

К Титу 1:9 Iomraidhean Croise

Деяния 18:28

Юхтуқами а̄ҳтӣра̄ҳлъякӣ Иудеит, Акузитыт Игақыхкат ипапиҳқусиқлъюки Иисус, Христосыңунилюку.

1е Коринфянам 14:24

Иўырңа ухпықа̄нӷилңуқ налиӷмың лӣгикигалңуқ юӷаӷвихпысинун итыӷлюни нагаскумиси уңипалӷӣси Кияӷныӷым уңипа̄мың, нагалъюни нанқихтыңъўа̄ҳлъықуқ сыӷлыҳқыстыңунилюни.

1е Фессалоникийцам 5:21

Иўырңа сяңўа̄ қамахлъюку нанӷӣқўа̄қитыху ынка̄м тугуклъиӷақлъюки сяңўа̄т пинилӷӣт,

2е Фессалоникийцам 2:15

Ынка̄м ухпықа̄лгутымнъи, аӷулӣтыкыстаҳтык, ухпықыкыстаҳтыху ипапилъық апыҳтӯткаҳпут лъпысинун уңипақилъымтыхунлъю, письмолъымтыхунлъю.

1е Тимофею 1:10

Улима̄ӷӯт блудникыстынун, югнун юлгутмыхның атуқикаюгнун, югнун акикикаюгнун югмың қыпҳаҳтыля̄ӷулюки, иқлъыңиқыстынун, иқлъыңалӷӣнун лӣсимакистынун, кипулъхина̄лӷӣнунлъю Кияӷныӷым апыҳтӯсӣтнун ипапиҳқыңъалӷӣнун.

1е Тимофею 1:15

Сямың пилъыҳқақа ипаңӯқ ынка̄м қамахлъюни ухпықсяҳқа̄гуқ: «Христос Иисус тагика̄гуқ нунамун югулиналюки сыӷлыҳқыстыт». Хўаңа сыӷлылъыҳпига̄гуңа сыӷлыҳқыстының.

1е Тимофею 1:19

Ухпықикыста̄ Христосыкун атуқлъюку лӣсимакыхкан ылъқуӷутңалӷӣ. Иляңита югыт атуқигатӣт лӣсимакыхкатың ылъқуӷутңалӷӣт ынка̄м на̄фқақӣт ухпықилъытың катам аңьяҳпагӣлъҳӣстун.

1е Тимофею 4:9

Та̄на пилъық ипаңӯқ, ынка̄м қамахтыңъўа̄ӷлюни ухпықсяҳқа̄гуқ.

1е Тимофею 6:3

Кина алңунак апыҳтуӷикуми алъяңулюку тама̄куның апыҳтӯсяның, итагнақынӷитӣ апыҳтӯсяпиги Атанымта Иисус Христосым. Лъңан апыҳтӯся̄н уңипа̄тӣлъю Кияӷныӷым пиюкылъҳатун кияҳтылъыҳқамың.

2е Тимофею 1:13

Малихтики апыҳтӯсяпигыт нагақуқаҳтын хўаңамның. Успута̄гут атуҳқақатын. Апыҳтӯсяқики ухпықилъыҳқунлъю, пиниқылъыҳқунлъю алъхыҳтыкақатын Христос Иисусымың.

2е Тимофею 2:2

Лъпыклъю таўантыкалӷитын нагаткақаси апыҳтӯсянка. Ынка̄м апыҳтӯсянка ныӷьюкутики ата̄сӣӷмылңуӷнун. Та̄хкын лъңита апыҳтӯсяқлъыгулъықӣт илямыхнун.

2е Тимофею 2:25

Атанӷым қыпҳаҳтыңа кавьюгисяҳқа̄гуқ апыҳтуӷикуми кипулъхина̄лӷӣнун. Ўалъю̄млъю Кияӷныӷым авутыҳқыстақлъики ухпықысқылъюку ипапилъық.

2е Тимофею 3:14

Иўырңа лъпык атуқумаңинаҳқи апыҳтӯсят лӣткаҳтын, ухпықыпӣкаҳтын. Лӣсимакатын ипаңутаңи, қаюҳлъяк лӣсимакатын кинкуңутаңи апыҳтуӷистыкыхкаҳтын.

2е Тимофею 4:3

Пилъыҳқақ тагиңӯқ югыт нагасюгнаниҳлъықут ипапигнун апыҳтӯсянун. Иваӷилъықут пиюкыхкамыхның апыҳтуӷистылӷутның нагатыпигыснаӷналюки нагақуӷьюкыхкаҳӣнатың.

К Титу 1:11

Та̄қыстики таўатын апыҳтуӷилъҳитның. Тымңимың апыҳтуӷилъыӷмыхтыхун алңунасыӷаҳқақӣт ӣңунӣта ныңлъюгутыт. Апыҳтуӷӣқут апыҳтӯсяҳқақынӷилъкымыхның; таўатын пӣқут аклъюңиӷипигыснаӷналютың.

К Титу 2:1

Иўырңа лъпык апыҳтӯсяқики ухпықанун ипапигыт апыҳтӯсят.

От Иуды 1:3

Пиниқыхкамни, письмоӷьюпихтақамси югулилъымнъың. Иўырңа нагақуӷьямки апыҳтуӷистысиӷўа̄ӷыт лъпысинилңӯт, апыӷьюкақа лъпысинун симиӷақа. Лӣсимакаси Кияӷныӷым каяхтыкақӣ апостолынилъю, иляңилъю югыт апыҳтӣсқылъюта ухпықсяҳқамнъың. Ынка̄м китум алңунак алъяңуҳсяҳқақынӷитӣт лъңита апыҳтуӷилъҳит. Тама̄кын апалъюқлъюку письмоңӯңа қывӯлъюси кипулъхина̄ӷысқылъюки апыҳтуӷистысиӷўа̄ӷыт. Апыҳтуӷистыхпынаки ипаңунӷилңуӷның апыҳтӯсӣтның.

Откровение 2:25

иўырңақун ухпықумаңинаҳтыху апыҳтулъыси кынляңа утыӷнилъымнун.

Откровение 3:11

Тагияҳтуҳтуңа. Айыпсюгилъюси ухпықумаңинаҳтыңъа китумун алңунак ўаянӷитысқылъюки қаҳпаси.

Откровение 3:3

Нықамиклъюки апыҳтӯткат лъпысинун, нагақуқасилъю. Қа̄ткитыки, авутыҳқитыклъю сыӷлыҳқылъыҳпысиның. Иўырңа таҳтунӷилъкуфси, такулъықамси тыглыгнӣҳтытун. Налъюкылъықаҳси қакун тагилъыҳқақа лъпысинун.