К Титу 1:2 - Новый Завет на эскимосском языке

² Та̄хкын ата̄симың ипапилъыӷмың сиӷималъылгӯкут кынлыңилңуӷмың уңувалъыӷмың. Иқлъыңиқигатңўа̄ӷым Кияӷныӷым акықусяқыхкақа̄ та̄на уңувалъық има аюмирухлъяха̄ның.

К Титу 1:2 Iomraidhean Croise

От Матфея 25:34

Та̄хкын Умӣлгым аӷынқигныӷминилңӯт пилъықӣ: “Тагитык, Атама қуястыкӣтни, пилӣтыху Атаныҳпагулъық ята̄ҳқыхка̄қ лъпысинун има нуна улима̄қңан.

От Матфея 25:46

Ынка̄м та̄кут агляҳлъықут кынлыңилңуӷмун аӷью̄лъыӷмун, иўырңа ылъқуӷутңалӷӣт агляҳлъықут кынлыңилңуӷмун уңувалъыӷмун».

От Марка 10:17

Иисус иглыҳнықихтақуқлъю, югым кытанқуснақ такулюку мануңакун сыгысқуҳлъюни а̄птыка̄: «Пинилӷӣ Апыҳтуӷиста, натын сялюңа кынлыңилңуқ уңувалъық алъхыҳнаяҳсикун?»

От Марка 10:30

алъхыӷута̄ӷаӷьяҳқа̄гуқ хўани кияҳта̄лъыӷми. Мыңтыӷа̄, аңлыгутаңи, на̄ңа, авақутӣ, нунаңа, нуляҳлъягьяҳқа̄гут; тама̄кунун малигулъюку амью̄ткылъыңьяҳқа̄гуқ. Та̄хкын та̄кўаниңани кынлыңилңуӷмың уңувалъыңьяҳқа̄гуқ.

От Иоанна 10:28

Тӯнанка кынлыңилңуӷмың уңувалъыӷмың, ынка̄м туқуна̄нӷитңўа̄ҳтут. Китум алңунак акуқаӷна̄нӷитӣ ӣхымның.

От Иоанна 17:2

Иӷнық Атаныңлъяқақан тамаҳа̄нун югнун. Ынка̄м кынлыңилңуқ уңувалъық тӯнңўа̄ тамаҳӣтнун тӯныхкаҳпынун лъңанун.

От Иоанна 17:24

Ата̄й, укут югыт тагивақаҳтын хўаңамнитысюўақанка, лъңитнун ысҳӣсқылъюку ниӷуҳқылъқа. Пиниқутыхпының та̄на ниӷуҳқылъық тагивақақан сивуңани нунаңлъялъҳым.

От Иоанна 5:39

Иваӷивикақаси Акузитыт Игақыхкат, қаюҳлъяк сюмыҳпысини кынлыңилңуӷмың уңувалъыңвикналюки пӣқаси. Та̄куста ата̄сит Акузитыт Игақыхкат а̄пҳилӷӣт хўаңамның.

От Иоанна 6:54

Китум алңунак ныӷыхкумигу кымыкшака, мыӷыхкумигу а̄кўа, кынлыңилңуӷмың уңувалъылгӯқ, уңуваҳлъықақалъю киңулиӷми аӷныӷми.

От Иоанна 6:68

Симон Петырым кӣмсиқа̄: «Атанық, китумунңам пилъықыста? Лъпык акузитыхпык а̄пҳақа̄ натын алъхыӷутылъыҳқақ кынлыңилңуӷмың уңувалъыӷмың.

Деяния 15:18

Атанӷӯқ таўатын акузикақ, има қавңарухлъяк лъңан лӣтыстыкақӣ тама̄кут”».

К Римлянам 1:2

Аюмиқ Кияӷныӷым акықусяқыхкақӣ та̄кут Пинилӷӣт Уңипат ӯкналиқистымикун. Ӯкналиқуткыхкақӣт аглыӷналӷӣтхун Акузитытхун Игақыхкатхун.

К Римлянам 16:25

Усюқылътыху Кияӷнық! Лъңан айыпсюгиҳсяӷьяқлъыгўӣ ухпықилъыси Пинилӷӣтхун Уңипатхун Иисус Христосымың аюқылӷӣмың уңипақумаңинаӷақыхкымнун югнун. Та̄наңӯқ аксяқыхкақ уңипақ Кияӷныӷым қайвиҳсимаңитка̄ има пӣнлиӷьюха̄лъҳаның нунам.

К Римлянам 2:7

Иляңи югыт пинитун пимаңинаӷақут қаюҳлъяк Кияӷныӷмың алъхыҳсюкаңит усюқилъық, қӯлвалъық, югусиқлъю туқуяҳқа̄нӷилңуқ. Ынка̄м Кияӷныӷым кынлыңилңуӷмың уңувалъылилъықӣ.

К Римлянам 5:2

Апалъюқлъюку ухпықилъыҳпут Иисусым кияҳтыстӣлъю Кияӷныӷым пиниқылъҳани. Ынка̄м қуяҳлъягӯкут қаюҳлъяк лӣсимакңўа̄ӷаҳпут Кияӷныӷым ныңиҳтыслъықӣлъю ниӷуҳқылъыӷминың.

К Римлянам 5:21

Сыӷлыҳқылъҳым иглыӷуткақӣ югыт туқулъыҳқун. Иўырңа Кияӷныӷым пиниқылъҳан иглыӷутңўӣ югыт налъҳусялъыӷмикун лъми ылъқуӷутңалъыӷминун. Ынка̄м алъхыҳта̄т кынлыңилңуқ уңувалъық Иисус Христосыкун Атанымтыхун.

К Римлянам 5:4

Нуқынъыҳтулъымтыхун Кияӷныӷым итагнақақӣлъю. Итагнақилъҳан сиӷималъыңыстақӣлъю.

К Римлянам 6:23

Акилыҳтӯся̄ сыӷлыҳқылъҳым туқулъҳӯқ; иўырңа Кияӷныӷым акиңилңуқ тунуся̄ кынлыңилңӯгуқ уңувалъық Христос Иисусыкун Атанымтыхун.

К Колоссянам 1:27

Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани.

1е Фессалоникийцам 2:15

Иудеяңӯт туқутикат Атаныӷмың Иисусымың, ӯкналиқистыныңлъю, амьюқыта̄ткыхкақӣлъюлъю. Ыфқуҳныӷита̄т Кияӷнық, кипулъхина̄ӷӯтлъю тамаҳа̄нун югнун

1е Фессалоникийцам 5:8

Иўырңа Атанӷым пикӣлъю ынка̄м лӣсималюта кияҳтылъта. Пақнӣҳся̄силъыҳқамнъун сякимамтыхун а̄тылътыху сиӷималъық югулилъыӷмун.

1е Тимофею 6:12

Пилъюўа̄тигу ухпықилъық қаюҳлъяк таўатын пилъюўалъық пинилӷӣңӯқ. Тугугулъю кынлыңилңуқ уңувалъық. Кияӷныӷым тахсиқақа̄тын тугуклъӣсқылъюку та̄на уңувалъық а̄пҳақңавгу ухпықилъҳын ухпықалӷутнун.

1е Тимофею 6:19

Таўатын пикумың кахпахлъықа̄т аклъюңи лъмыхнун. Та̄на аклъюңи аюгилңӯгуқ тунымақ а̄гнакаҳқӣтнилңуқ. Ынка̄м уңувалъыңылъықут уңувалъыпигмың.

2е Тимофею 1:1

Укут посланият Павелымың пиңӯт апостолаңаның Христос Иисусым Кияӷныӷым пиюкылъҳакун. Каяхтыкақа̄ңа а̄пҳысқылъюку акықусяқыхкақ уңувалъық Христос Иисусымылңуқ.

2е Тимофею 1:9

Кияӷныӷым югуликақӣлъю, накмикыхкақӣлъю пылюңитысқылъюта. Таўатын пика̄гуқ апалъюқлъюки лъми катам успықылъынилъю, пиниқилъынилъю, нака̄н қыпҳалъыҳпут апалъюқлъюку. Пиниқыхкақӣлъю Христос Иисусыкун сивутҳулъюку пӣнлилъыҳқа̄н нунам.

2е Тимофею 2:10

Ынка̄м икфиқусиқсюглюку аюқақа сяңўа̄ тамаҳа̄н Кияӷныӷым накмикыхкӣ югулилъыңысқылъюки Христос Иисусыкун. Югулилъыӷмыхтыхун ниӷуҳқылъыңылъықут кынлыңилңуӷмың.

2е Тимофею 2:13

Ата̄сӣӷмынъыӷилъкумта, лъңа ата̄сӣӷмытақуқ қаюҳлъяк та̄қна̄нӷитуқ ата̄сӣӷмынъыӷмың».

2е Тимофею 2:15

Та̄куңинаҳа̄гның қыпҳа̄ Кияӷныӷмун итагнақысқылъютын. Қыпҳаҳтыңу кайңукиңигалңуқ қыпҳақаминың. Ылъқуӷаҳлъюкулъю апыҳтӯсяқигу Кияӷныӷым уңипаҳпига̄.

К Титу 2:13

Таўатын кияҳтылъта утақӣмалюта қуяналӷӣмың сиӷималъыӷмың. Сиӷималъқаҳпут ниӷуҳқыңъалӷӣ алӣлъыҳқа̄ Иисус Христосым Кияӷныҳлъямта, Югулиӷистымта.

К Титу 2:7

Лъпык сялъыҳпыгун тамаҳа̄кун, успута̄ўи лъңитнун аныӷныҳқилъыҳпыгун. Апыҳтуӷӣқи ипапиҳқылъютын, пира̄мсилютын.

К Титу 3:7

Кияӷнық таўатын пика̄гуқ пиниқилъыӷмикун налъҳусяӷналюта ылъқуӷутңалъыӷминун. Ынка̄м сиӷималъылгӯкут хўаңкута пилӣнъалюку кынлыңилңуқ уңувалъық.

1е Иоанна 2:25

Унаңӯқ акықусяқыхка̄ тӯнылъықнилюку хўаңкунъун, кынлыңилңуқ уңувалъық.

1е Иоанна 5:20

Лӣсимакаҳпут Иӷныӷан Кияӷныӷым тагилюни лӣгикыстыкақӣлъю лӣсимакысқылъюку Кияӷныпик. Кияӷныпигмытукут Иӷныӷанитутымнъың Иисус Христосыми. Та̄ната Кияӷныпиклъю, кынлыңилңуқлъю уңувалъық.

От Иуды 1:21

Кияӷныӷым пиниқылъҳанитыкыстаҳтык, утақӣмалюси Атанымнъың Иисус Христосымың тӯнысқылъюси кынлыңилңуӷмың уңувалъыӷмың наңлъыхталъыӷмикун.

Откровение 13:8

Қамахлъюни нунами кияҳлъыҳӣм манигуҳлъықа̄т тыӷикусялъю̄к. Иўырңа тама̄кут а̄тҳит игақңалӷӣт Игӣтхун Уңувалъҳым манигуӷна̄нӷита̄т. Кияӷныӷым игақыхкақӣ а̄тҳит нунаңлъялъҳилъюни. Та̄кут игат пикӣ Пынъӣӷаҳа̄м, югыт туқуткӣта.

Откровение 17:8

Тыӷикусялъю̄к ысҳақан уңуваялӷӣңӯқ, Иўырңа туқука̄гуқ. Маюҳлъықуқ Ся̄мнаңилңуӷмың Ля̄гўа̄ӷмың на̄фқылъыңналюни. Юлгӯқ нунами а̄тҳит игақылъҳилңӯт Игӣтхун Уңувалъҳым нуна пӣнлилъҳилъюку. Тама̄кут югыт ысҳақумыхтыху тыӷикусялъю̄к сяӷӣӷаюхлъықут қаюҳлъяк уңуваялӷӣ, туқукақ иўырңа тагияҳқақ.